Rockwool International компаниясе Татарстан Республикасындагы “Алабуга” махсус икътисади зонасы территориясендә яңа завод төзергә нияте барлыгын раслады. Бүген иртән Татарстан Республикасының Хөкүмәт башлыгы Рөстәм Миңнеханов белән очрашу вакытында бу турыда Rockwool президенты Элко ван Хил әйтте.

Бүген Татарстан Республикасы Министрлар Кабинетында нефть продуктлары белән тәэмин итү республика базарының үсешен тоткарлый торган мәсьәләләр һәм аларны чишү юллары турында фикер алыштылар. Киңәшмәне Татарстан Республикасының хөкүмәт башлыгы Рөстәм Миңнеханов үткәрде.
Киңәшмәне ачып, Татарстан Республикасы Премьер-министры республика кулланучыларын нефть продуктлары белән тәэмин итү мәсьәләсен системалы эштән башка чишеп булмавын әйтте. Ул нефть продуктларының бәясен һәм аларның сыйфатлылыгын тәэмин итү мәсьәләсен исәпкә алудан тыш, җитештерү компанияләре егәрлекләренең тулы көчкә эшләвенә дә игътибар итәргә кирәклеген билгеләп үтте. 
   

Кичә, 2 нче апрельдә, Түбән Камада Татарстан Премьер-министры Рөстәм Миңнеханов катнашында Нефть эшкәртү һәм нефть химиясе заводлары комплексын төзү буенча республика штабы утырышы булды.

Дөньяның 31 иленнән килгән вәкилләр 5 нче сентябрьдә Казанда старт алачак “Ефәк юл 2009 – Дакар сериясе” халыкара автораллиенда катнашачак. Бүген әлеге чараны оештыру комитетының Татарстан Республикасы Министрлар Кабинетында үткәрелгән утырышында раллины әзерләү һәм уздыру турында сөйләделәр. Утырышны Татарстан Премьер-министры Рөстәм Миңнеханов үткәрде.

Бүген Татарстан Республикасы Премьер-министрының беренче урынбасары Равил Моратов эшлекле сәфәр белән Мәскәүдә. Ул анда “Яшьләрне хәрби хезмәткә чакырылуга кадәр әзерләү системасын камилләштерү турында” дигән темага Россия Федерациясе Дәүләт Советы Президиумын әзерләү буенча эшче төркем утырышында катнаша.

Бүген Россиянең сәнәгать һәм сәүдә министры Виктор Христенко Горбунов исемендәге Казан авиация җитештерү берләшмәсенә визиты барышында якын магистральдәге Ту-334 авиалайнерын карады.
Шуны искәртик: Россия Федерациясе Сәнәгать һәм сәүдә министрлыгы башлыгы хәзер кыска сроклы эш визиты белән Татарстан Республикасында.
31 нче март иртәсендә Виктор Христенко “Казан вертолет заводы” (КВЗ) ААҖ һәм “Горбунов исемендәге Казан авиация җитештерү берләшмәсе” ААҖ нең җитештерү мәйданчыкларында булды. Аны Берләшкән авиатөзелеш корпорациясенең генераль директоры Алексей Федоров, Татарстан Премьер-министры Рөстәм Миңнеханов, Татарстан Республикасының беренче вице-премьеры Борис Павлов, Горбунов исемендәге Казан авиация җитештерү берләшмәсенең генераль директоры Васил Каюмов һәм башкалар озатып йөрде.

Россия Федерациясе Хөкүмәте карары белән 2009 елда Татарстан Республикасы юл-транспорт фаҗигасендә зыян күрүчеләргә медицина ярдәме күрсәтүне камилләштерү федераль программасына кертелгән. Бүген Татарстан Республикасы Министрлар Кабинетында узган брифингта бу турыда Татарстан Республикасының сәламәтлек саклау министры Айрат Фәррахов хәбәр итте.

Бүген Татарстан Республикасы Премьер-министры Рөстәм Миңнеханов Горбунов исемендәге Казан авиация җитештерү берләшмәсе бизнес-үзәгендә Татарстан Республикасы оборона-сәнәгать комплексы предприятиеләренең җитәкчеләре белән күчмә киңәшмә үткәрде.
Киңәшмәдә Россиянең сәнәгать һәм сәүдә министры урынбасары Денис Мантуров катнашты.

Бүген Татарстан Республикасы Министрлар Кабинетында үткәрелгән киңәшмәдә 2008 елда Татарстан Республикасы гражданнарын хәрби хезмәткә чакыруны оештыру һәм үткәрү турында сүз барды.
Әлеге чарада гражданнарны хәрби хезмәткә иң яхшы әзерләү, хәрби хезмәткә чакыруны оештыру һәм уздыруга конкурс үткәрү комиссиясе әгъзалары катнашты. Комиссиягә Үзәк конкурс комиссиясе рәисе – Россия Федерациясе Кораллы Көчләр Генераль штабы башлыгының урынбасары генерал-лейтенант Сергей Николенко җитәкчелек итте.

Бүген Татарстан Республикасы Премьер-министры республиканың муниципаль район җитәкчеләренә социаль ипотека программасы кысаларында объектлар төзү эшләрен тизләтергә кушты. Ул шуны искәртте: әгәр объектлар төзелешен апрельдә башлап җибәрмәсәк, вакытында өлгермәскә мөмкинбез.
Бу турыда Татарстан Республикасының хөкүмәт башлыгы бүген торак салу һәм 2009 елның беренче яртыеллыгында башкарылган эшкә якынча нәтиҗә ясау буенча үткәрелгән киңәшмәдә хәбәр итте.
Киңәшмә Татарстанның барлык муниципаль районнарын тоташтырып, видеоконференцэлемтә режимында узды.