Бүген Татарстан Республикасы Президенты Рөстәм Миңнеханов Кыргызстан Республикасына килде. «Иссык-Күл» халыкара аэропортында Татарстан Президентын Кыргызстан вице-премьеры-министры Жәниш Разаков каршы алды. 

Рөстәм Миңнеханов эш сәфәре кысаларында III Бөтендөнья күчмә халыклары уеннарын ачу тантанасында катнашачак. 

Бүген Әлмәттә Нефть һәм газ сәнәгате хезмәткәрләре көненә багышланган тантана зур Татарстан нефтен торгызу тарихына багышланган театрлаштырылган тамаша белән башланып китте. 

Чара Әлмәт үзәгендә Ленин мәйданында уза.

Тантаналы чаралар шулай ук Татарстан нефть ятмаларын сәнәгати эшкәртү башлануга 75 ел тулуга һәм Әлмәт шәһәренең 65 еллыгына да багышлана.  

Бу чараларда Татарстан Республикасы Президенты Рөстәм Миңнеханов, Новгород өлкәсе губернаторы Андрей Никитин, Россия Президенты ярдәмчесе Кирилл Молодцов, «Татнефть» ГАҖ генераль директоры Наиль Маһанов, Әлмәт районы башлыгы Айрат Хәйруллин, республика министрлыклары һәм ведомстволары җитәкчеләре, тармак ветераннары, республиканың нефть төбәге кешеләре катнашты.  

Татарстан Республикасы Президенты Рөстәм Миңнеханов Әлмәткә эш сәфәре кысаларында капиталь ремонттан соң «Әлмәт балалар табу үзәге булган балалар шәһәр сырхауханәсе» ДАСУның хатын-кызлар консультациясен карады.

Хатын-кызлар консультациясенең капремонттан соң ачылуы белән Әлмәт хатын-кызларын һәм дәвалау учреждениесе коллективын нефть сәнәгате мәсьәләләре буенча Татарстан Республикасы Президенты ярдәмчесе Шәфәгать Тәһәветдинов, Татарстан Республикасы Президенты ярдәмчесе Наталия Фишман, Татарстан Республикасы сәламәтлек саклау министры Марат Садыйков, Әлмәт районы башлыгы Айрат Хәйруллин, «Татнефть» ГАҖ генераль директоры Наиль Маһанов һәм башка шәрәфле кунаклар котлады.

Бүген Татарстан Республикасы Президенты Рөстәм Миңнеханов Новгород өлкәсе губернаторы Александр Никитин белән очрашты. 

Очрашу Әлмәттә "Кванториум" балалар технопаркында узды. 

Александр Никитин Әлмәттә Нефть һәм газ сәнәгате хезмәткәрләре көненә һәм Татарстанның нефть ятмаларын сәнәгый үзләштерә башлауга 75 ел тулуга багышланган бәйрәм чараларында  катнаша. 

Очрашуда яклар алга таба төбәкара хезмәттәшлек мәсьәләләре турында сөйләштеләр һәм берничә килешү имзаладылар. 

Бүген Әлмәткә троллейбус «Мегаполис» Тролза 5265.03 яңа моделе шәһәр юлларына чыкты. Аны энергияне туплаучы җиһаз белән тәэмин иткәннрә һәм Әлмәттә ул опытлы эксплуатация өчен килде.

Бүген троллейбуста "Сәламәтлек" паркыннан "Татнефть" компаниясенең баш офисына кадәр Татарстан Республикасы Президенты Рөстәм Миңнеханов һәм башка рәсми затлар барды. 

Бүген Татарстан Республикасы Президенты Рөстәм Миңнеханов Әлмәттә эш сәфәрендә. 

Төп максаты - Нефть һәм газ сәнәгате хезмәткәрләре көненә һәм Татарстанның нефть ятмаларын сәнәгый үзләштерә башлауга 75 ел тулуга багышланган бәйрәм чараларында катнашу. 

Бүген Әлмәттә Татарстан Президенты берничә объектны карарга планлаштыра, шул исәптән яңа паркны, "Татнефть" ГАҖ парк зонасын, перинаталь үзәкле балалар шәһәр хастаханәсе, Бөтенроссия яшьләр инновацион сәнгате үзәкләре конференциясендә һәм Агроробофестивальдә катнашачак. 

Хөрмәтле нефть һәм газ сәнәгате хезмәткәрләре, тармакның ветераннары!

Татарстан Республикасы исеменнән һәм шәхсән үзем сезне чын күңелдән һөнәри бәйрәмегез – Нефть һәм газ сәнәгате хезмәткәрләре көне уңаеннан тәбрик итәм.

Нефть һәм газ – илебезнең зур байлыгы. Сезнең тырыш хезмәтегез, эшегезне һөнәри осталык һәм җаваплылык белән башкаруыгыз ил икътисадының нигезен тәшкил итә, гражданнарыбызның мул тормышын, лаеклы киләчәген гарантияли.

Татарстан Премьер-министры, республиканың регби федерациясе рәисе Алексей Песошин бүген Казанда киләсе елда Россия чемпионатларында чыгыш ясаячак профессиональ регби клубы булачагына өмет белдерде. Бу хакта ул журналистларга пресс-конференция барышында җиткерде.

Бүген, 1 сентябрь, Белем көнендә Татарстан Республикасы Президенты Рөстәм Миңнеханов Түбән Камада ике мөһим социаль объект – «Мы» 95 нче балалар бакчасын һәм «Норма 36» 36 нчы мәктәбен ачу тантанасында  катнашты.  

Мәктәп шәһәрнең иң яшь микрорайонында (47 микрорайонда) урнашкан. Бу – республика программасы һәм Татарстан Президенты ярдәме белән соңгы 17 ел эчендә ачылган беренче мәгариф учреждениесе. 

Бүген иртән Татарстан Республикасы Президенты Рөстәм Миңнеханов  Россия Федераль монополиягә каршы хезмәте башлыгы Игорь Артемьев белән очрашты.

Очрашу Татарстан Республикасы Хөкүмәте Йортында узды.

Искәртәбез, Россия ФМХ башлыгы Казанга кичә килде.