Яңалыклар

09.09.2010

ТР Министрлар Кабинетында Татарстанның 2011-2013 елларга социаль-икътисади үсеш фаразын тәкъдим иттеләр

ТР Министрлар Кабинетында ТР Премьер-министры Илдар Халиков рәислегендә узган утырышта Татарстанның 2011-2013 елларга социаль-икътисади үсеш фаразы тәкъдим ителде.

“Бюджетны формалаштырганда без төп юнәлешләр буенча Татарстанның әйдәп баручы позициясенә йөз тотабыз”, - дип белдерде Илдар Халиков. Ул билгеләп үткәнчә, ТР Хөкүмәте өчен төп критерий – Татарстан халкының яшәү сыйфаты.

ТР икътисад министры Мидхәт Шаһиәхмәтов Татарстанның 2011-2013 елларга социаль-икътисади үсеш фаразын тәкъдим итте. Социаль-икътисади үсеш фаразы нигезендә бюджет проекты эшләнә.

09.09.2010

Рөстәм Миңнеханов Татарстан мөселманнарын Ураза бәйрәме белән котлады

ТР Президенты Рөстәм Миңнеханов Татарстан мөселманнарын Ураза бәйрәме белән котлады.

08.09.2010

Рөстәм Миңнеханов: “Без нефть чыгаручы төбәк буларак, үзебезне кече нефть компанияләре үсешеннән башка күз алдына китерә алмыйбыз”

Бүген Татарстан Республикасы Президенты Рөстәм Миңнеханов Россия Нефть, газ сәнәгатьчеләре берлеге советы, Тау токымнарын үзләштерүчеләр югары советы вәкилләре белән очрашты. Очрашу ТР Хөкүмәте йортында узды.

Анда Татарстан ягыннан ТР Премьер-министры Илдар Халиков, ТР вице-премьеры – ТР энергетика министры Илшат Фәрдиев, ТР экология һәм табигый ресурслар министры Әгъләм Садретдинов, ТР Президенты консультанты Ренат Мөслимов һ.б. катнашты.

08.09.2010

Казан Россия Федераль салым хезмәте коллегиясен кабул итә

Бүген Казанда Федераль салым хезмәтенең 2010 елның беренче яртыеллыгындагы эш нәтиҗәләренә багышланган киңәйтелгән коллегия утырышы узды. Утырышны Федераль салым хезмәте рәисе Михаил Мишустин үткәрде, коллегия эшендә Татарстан Президенты Рөстәм Миңнеханов катнашты.

Үзенең кереш чыгышында Рөстәм Миңнеханов Федераль салым хезмәте коллегиясен үткәрү урыны сыйфатында Казанны сайлаганы өчен Михаил Мишустинга рәхмәт белдерде. “Мин моның сәбәбе Татарстан Республикасының Россия Федерациясе бюджетын формалаштыруда уйнаган ролендә дип уйлыйм”, - диде ТР Президенты.

07.09.2010

Илдар Халиков Федераль иминлек хезмәте ТР идарәсенең төзелүче бинасын карады

Бүген ТР Премьер-министры Илдар Халиков Федераль иминлек хезмәте ТР идарәсенең башкаланың Зур Кызыл урамында төзелә торган бинасы белән танышты. Хөкүмәт башлыгы бинаның әзерлек дәрәҗәсен уңай бәяләде, дип хәбәр итә ТР Президентының матбугат хезмәте.

07.09.2010

Рөстәм Миңнеханов: “Татарстан һәм Венесуэланың хезмәттәшлек итү кыры гаять зур”

Татарстан һәм Венесуэлага ике яклы хезмәттәшлекне үстерергә кирәк. Бүген Татарстан Президенты Рөстәм Миңнеханов Венесуэланың Россиядәге Гадәттән тыш һәм Тулы вәкаләтле илчесе Уго Хосе Гарсия Эрнандес белән очрашуда әнә шулай дип белдерде.

Венесуэла делегациясе Татарстанга ике көнлек визит белән килде. Кичә кунаклар Чаллы һәм Зәйдә булды, бүген исә Казанның сәнәгый потенциалы белән танышты.

06.09.2010

Урман массивлары торгызуга караганда зуррак темплар белән кими бара

Урманнарның никадәр зур байлык булуын күзаллау өчен берничә санны атап үтү җитәдер. Идел буе төбәкара табигатьне саклау прокуроры Вера Солдатова бүген ТР Министрлар Кабинетында Президент Рөстәм Миңнеханов рәислегендә узган киңәшмәдә җиткергәнчә, Россия территориясенең 69 проценты урманнар белән капланган. Дөньядагы үзагач запасының биштән бер өлеше дә Россиягә туры килә. Моңа урманнарның зур экологик ролен дә өстәргә кирәк. Шуңа күрә бүген урманнарны дөрес итеп файдалану, аларны саклау һәм торгызуның актуальлеге бик югары.

04.09.2010

«Татнефть» Татарстан мәктәпләренә 60 микроавтобус һәм компьютер класслар өчен 60 комплект бүләк итте

Бүген Әлмәттә Нефтьчеләр мәйданында “Татнефть” компаниясе тарафыннан Татарстанның гомуми белем бирү мәктәпләренә 60 “Fiat Ducato” микроавтобусы һәм компьютер класслар өчен 60 комплект тапшыру тантанасы узды. Бу бүләкләр нефть компаниясенең 60 еллыгы һәм Укытучы елы уңаеннан тапшырыла.

04.09.2010

Рөстәм Миңнеханов Әлмәттә онкополиклиника ачу тантанасында катнашты

Бүген Әлмәттә Татарстан Президенты Рөстәм Миңнеханов Нефть һәм газ сәнәгате хезмәткәрләре көне белән “Татнефть” ААҖнең 60 еллыгы бәйрәмендә булды, ТР Сәламәтлек саклау министрлыгы Республика клиник онкология диспансеры филиалын ачу тантанасында катнашты. Бу чарада ТР Дәүләт Советы Рәисе Фәрит Мөәммәтшин һәм ТР сәламәтлек саклау министры Айрат Фәррахов катнашты.

03.09.2010

Татарстан башкаласында Монополиягә каршы федераль хезмәтнең халыкара укыту-методик үзәге ачылачак

Тиздән Казан монополиягә каршы хезмәтләрнең эшчәнлеген камилләштерү мәйданына әйләнәчәк. Татарстан башкаласында Монополиягә каршы федераль хезмәтнең халыкара укыту-методик үзәге ачылачак. Бүген Казан Кремлендә Федераль хезмәт белән ТР Хөкүмәте арасында шул хактагы килешүгә кул куелды. Документны Монополиягә каршы федераль хезмәт җитәкчесе урынбасары Андрей Цариковский белән ТР Премьер-министры Илдар Халиков имзалады. Әлеге мөһим документны имзалау тантанасы ТР Президенты Рөстәм Миңнехановның Андрей Цариковский белән очрашуы кысаларында узды.