Татарстан Республикасында йортларны капиталь ремонтлау буенча эшләр 40 муниципаль районда 793 объектның 784ендә башланган. Ике атна өчен динамика 28 йорт тәшкил итә. 6 муниципаль районда 12 объектта эшләр графиктан 20%ка артта бара.
Бу хакта бүген ТР Хөкүмәте йортында узган киңәшмәдә ТР төзелеш, архитектура һәм торак коммуналь хуҗалык (ТКХ) министры Ирек Фәйзуллин хәбәр итте.
Киңәшмәне барлык муниципаль районнар белән видеоконференцэлемтә режимында ТР Премьер-министры Илдар Халиков уздырды.

Татарстан төрек бизнесы өчен гаять зур Россия базарына чыгу мәйданчыгы була ала.  Бу хакта бүген Татарстан Республикасы Президенты Рөстәм Миңнеханов Төркия Республикасының Мерсин шәһәрендә узган Татарстан-Төркия эшлекле форумында белдерде. Татарстан делегациясе составында шулай ук Татарстан Республикасы Премьер-министры урынбасары – сәнәгать министры Равил Зарипов, ТР Президентының халыкара һәм тышкы икътисадый мәсьәләләр буенча ярдәмчесе Радик Гыйматдинов, ТР Инвестицион үсеш агентлыгы җитәкчесе Линар Якупов, ТР Туризм буенча Дәүләт комитеты рәисе Сергей Иванов, Түбән Кама муниципаль районы башлыгы – Түбән Кама шәһәре мэры Айдар Метшин, Азнакай муниципаль районы башлыгы Марсель Шайдуллин, Теләче муниципаль районы башлыгы Илдус Зарипов, Нурлат муниципаль районы башлыгы Равил Кузюров, Сәүдә-сәнәгать палатасы идарәсе рәисе Шамил Агеев һәм башкалар бар. 

Бүген Татарстан Республикасы Президенты Рөстәм Миңнеханов Мерсин провинциясенең Тарсус шәһәрендәге “Азнакай” паркында булды (Төркия Республикасы). Рөстәм Миңнеханов Габдулла Тукайга багышланган истәлекле плитага чәчәкләр салды. 

Татарстан Премьер-министры Илдар Халиков Россиянең Юристлар ассоциациясе үзәк аппараты җитәкчесе Станислав Александров белән очрашты.

Очрашу ТР Хөкүмәте йортында узды, анда шулай ук ТР юстиция министры Лариса Глухова катнашты.

Ике яктан да катнашучылар оештыру мәсьәләләре, киләчәктәге хезмәттәшлек турында фикер алыштылар.

Бүген Татарстан Республикасы Президенты Рөстәм Миңнеханов Төркия Республикасына эш сәфәре кысаларында Адананың Хаҗи Сабанҗи исемендәге оештырылган сәнәгать зонасында булды. ОСЗ идарәсе рәисе Бәкир Сүтҗү Рөстәм Миңнехановка сәнәгать зонасының презентациясен уздырды.  Аның сүзләренчә, бу Төркиянең иң эре махсус сәнәгать зоналарының берсе. 

Бүген Татарстан Республикасы Президенты Рөстәм Миңнеханов Төркия Республикасына эш сәфәре барышында Адана провинциясе губернаторы Хөсәен Авни Джош белән очрашты. Очрашуда шулай ук РФ Илчелегенең Төркиядәге киңәшчесе Александр Епифанов, ТР Премьер-министры урынбасары – сәнәгать һәм сәүдә министры Равил Зарипов, ТР Инвестицион үсеш агентлыгы җитәкчесе Линар Якупов, Туризм буенча ТР Дәүләт комитеты рәисе Сергей Иванов, “ОЭЗ ППТ Алабуга” ААҖ генераль директоры Тимур Шаһивәлиев, “ОЭЗ Иннополис” ААҖ генераль директоры Игорь Носов, ТР Сәүдә-сәнәгать палатасы идарәсе рәисе Шамиль Агеев һәм башкалар катнашты.

Бүген Татарстан Республикасы Президенты Рөстәм Миңнеханов Төркия Республикасына ике көнлек эш визиты белән килде (2014 елның 29-30 май көннәре). Адана шәһәре аэропортында Рөстәм Миңнехановны Адана провинциясе губернаторы урынбасары Җамалетдин Җантүрк каршы алды. Визитның төп максаты – Татарстан-Төркия эшлекле форумында катнашу, ул мерсин шәһәрендә 2014 елның 30 маенда узачак.