Бүген Татарстанның Министрлар кабинетында ТР урман хуҗалыгы министры катнашында урман янгыннарын булдырмау һәм сүндерү өчен нинди эшләр башкарылуына багышланган брифинг үтте.

Россия Федерациясендә урман янгыннары буенча хәлләр шәптән түгел. Быел 13 май белешмәләре буенча, Россия урманнарында барлыгы 6658 янгын чыгып, 729 мең гектар урман янган - бу Татарстан урманнарының яртысы кадәр дигән сүз. Узган ел Россия урманнарында 2150 янгын чыгып, 2 мең гектар урман янган. Бер ел эчендә янгын чыгу очраклары 3 тапкырдан да артып киткән.

Бүген Казанда Россия Наркотиклар әйләнешен контрольдә тоту буенча федераль хезмәтенең Татарстан Республикасы буенча идарәсенә байрак иңен сабына беркетеп тантаналы тапшыру узды. Казанга территориаль орган байрагын тапшыру өчен, Наркотиклар әйләнешен контрольдә тоту буенча федераль хезмәтенең директор урынбасары - статс-секретарь полиция генерал-полковнигы Олег Сафонов килде. Шулай ук чарага Татарстан Республикасы Президенты Рөстәм Миңнеханов, төбәк министрлыклары һәм ведомстволары җитәкчеләре чакырылды.  

Бүген Кырым Республикасы Дәүләт Советы рәисе Владимир Константинов һәм Кырымның беренче вице-премьеры Рөстәм Тимергалиев Казанга эш сәфәре белән килде. Кунаклар ТР Хөкүмәт йорты, ТР Дәүләт Советы, Казан Кремле, IT-парк, "Kazan-Arena" стадионы, Спортның су төрләре сараенда һәм башкаланың 7 нче хастаханәсендә булды. Аларны очрашуда ТР Премьер-министры Илдар Халиков озатып йөрде.

Бөек Ватан сугышында Җиңүнең 70 еллыгы уңаеннан, 21 майдан 3 июньгә кадәр Бөек Ватан сугышы ветераннары өчен Казан - Санкт-Петербург круизы оештырылачак.

Бу хакта бүген ТР Министрлар Кабинетында узган брифингта Татарстан Республикасы хезмәт, мәшгульлек һәм социаль яклау министры урынбасары Азат Габделәхәтов хәбәр итте.

Круизда Ленинградны азат итүдә катнашкан 80 ветеран һәм Казан Суворов училищесының 60 курсанты катнашачак.

Бүген Татарстан Республикасы Президенты Рөстәм Миңнеханов Һиндстан Республикасының Россия Федерациясендәге Гадәттән тыш һәм Тулы вәкаләтле Илчесе Пунди Сринивасан Рагхаван белән очрашты. Казан Кремлендә узган очрашуда ТР вице-премьеры – сәнәгать һәм сәүдә министры Равил Зарипов, ТР Президентының халыкара мәсьәләләр буенча ярдәмчесе Радик Гыйматдинов, республиканың Сәүдә-сәнәгать палатасы рәисе Шамил Агеев, вузлар ректорлары, Татарстан предприятиеләре вәкилләре катнашты.

Бүген Казанда “Закон территориясе” республика конкурсына нәтиҗә ясау тантанасы узды. Тантанада Татарстан Республикасы Премьер-министры Илдар Халиков катнашты.

Бүген Мәскәүдә Татарстан Президенты рөстәм Миңнеханов Cisco Гомуми Интернет глобаль трансформацион стратегияләр буенча директоры Мэтью Смит белән очрашты. Очрашу РФдә ТР Тулы вәкаләтле вәкиллегендә узды. Анда шулай ук ТР Премьер-министры урынбасары – РФдә ТР вәкаләтле вәкиле Равил Әхмәтшин, ТР Премьер-министры урынбасары – мәгълүматлаштыру һәм элемтә министры Роман Шәйхетдинов, Россия Федерациясендә Cisco бизнес-стратегияләр юнәлеше кураторы Лев Левин, Россия Федерациясендә Cisco җәмгыять белән элемтә буенча бүлек башлыгы Михаил Пахомов, Татарстан Республикасында Cisco региональ вәкиле Дмитрий Трофимов һәм компаниянең башка вәкилләре катнашты. 

Бүген Татарстан Президенты Рөстәм Миңнеханов Калининград өлкәсенә эш визиты кысаларында Калиниград кафедраль католик соборында булды. Калининград өлкәсе губернаторы Николай Цуканов белән Рөстәм Миңнеханов собор урнашкан утрау буенча җәяү йөреп чыктылар. Элеккеге Кенигсбергның собор чиркәве 1297-1302 еллар арасында Прегель һәм Лебе елгалары арасындагы мәйданчыкта төзелгән.