Бүген Казанда Спорт сарае бозында «Хоккей легендалары» хәйрия матчы узды, «Дөньякүләм хоккей йолдызлары» командасына каршы «Хоккей ветераннары» командасы чыкты. Соңгысы составында Татарстан Республикасы Президенты Рөстәм Миңнеханов та бар иде.

Казан белән Чаллыга 101,2 млн сумлык авыл хуҗалыгы продукциясе китерелгән. Ике шәһәрдә дә өчәр авыл хуҗалыгы ярминкәсе узды. Бу хакта бүген ТР Министрлар Кабинетында брифинг барышында ТР авыл хуҗалыгы һәм азык-төлек министрының беренче урынбасары Николай Титов хәбәр итте.

Узган атнада 770 кешедән торган Татарстан делегациясе Казахстанда булып кайтты. Татарстанлылар Казахстан вәкилләре белән сәнәгать, авыл хуҗалыгы һәм урман хуҗалыгы өлкәсендә хезмәттәшлек турында килешүләр төзеде.

Төркия Республикасының Казандагы яңа Генераль консулы Турхан Дилмач белән бүген Татарстан Республикасы Президенты Рөстәм Миңнеханов очрашты. ТР Хөкүмәте Йортында узган очрашуда шулай ук ТР вице-премьеры – сәнәгать һәм сәүдә министры Равил Зарипов, Татарстан Республикасы Президентының халыкара мәсьәләләр буенча ярдәмчесе Радик Гыйматдинов, РФ Чит ил эшләр министрлыгының Казандагы вәкиле Радик Вахитов катнаштылар.

Бүген, 22 сентябрьдә, Зәйдә район Советының чираттан тыш утырышы узды. Утырышта төп мәсьәлә буларак район башкарма комитеты җитәкчесе Айрат Бариев һәм район башлыгы Татьяна Воропаева вәкаләтләренең туктатылуы каралды. Анда ТР Премьер-министры Илдар Халиков катнашты, ул башта “Зәй шикәре” ААҖ дә булды һәм очрашуда катнашучыларга Зәй муниципаль районы башкарма комитеты җитәкчесе вазифаларын башкаручыны тәкъдим итте.

Бүген Чистай муниципаль районы Советының чираттан тыш 38 нче утырышы узды, анда Татарстан Премьер-министры Илдар Халиков катнашы. Сессиядә депутатлар муниципаль район башлыгы Илдус Әхмәҗанов һәм башкарма комитет җитәкчесе Марат Гобәевның вәкаләтләре вакытыннан алда туктатылу мәсьәләсен карадылар.

Казанда ачылган "Хәрәкәттә" Coca-Cola паркында бүген Татарстан Республикасы Президенты Рөстәм Миңнеханов булды. Аны ТР яшьләр эшләре һәм спорт министры Владимир Леонов һәм Казан башкарма комитеты җитәкчесе Денис Калинкин озата йөрделәр.

Бүген Татарстанның Кукмара районы Советының чираттан тыш 37 нче сессиясе узды. Утырышта район башлыгы һәм район Советы депутаты Рауил Рәхмәтуллин, районның башкарма комитет җитәкчесе вәкаләтләре вакытыннан алда тәмамлану, әлеге вазифаны биләүгә конкурс игълан итү, башкарма комитет җитәкчесе вазифаларын башкаручыны билгеләү мәсьәләләре тикшерелде. Сессия эшендә ТР Премьер-министры Илдар Халиков катнашты.