Татарстан Республикасы Президенты Рөстәм Миңнеханов Россиянең һәм СССРның фехтование буенча Атказанган тренеры Владимир Васильевич Житловның вафатына бәйле рәвештә якыннарының кайгысын уртаклаша. Ул мәрхүмнең хатыны Валентина Никонова адресына телеграмма юллады.

Бүген Татарстанның Казан Ратушасында “Татарстан Республикасы елның иң яхшы территориаль иҗтимагый үзидарәсе” республика конкурсында җиңүчеләрне һәм призерларны бүләкләү тантанасы узды. 

Бүләкләү тантанасында Татарстан Республикасы Премьер-министрының беренче урынбасары Рөстәм Нигъмәтуллин, “Татарстан Республикасы муниципаль берәмлекләре советы” ассоциациясе рәисе Әгъзам Гобәйдуллин катнашты.

Татарстан Республикасы Премьер-министры Алексей Песошин бүген “Россия-Ислам дөньясы: KazanSummit - 2019” саммитына әзерлек һәм аны уздыру буенча оештыру комитеты утырышын уздырды.

Утырыш ТР Хөкүмәте йортында узды, анда ТР вице-премьеры - ТР Министрлар Кабинеты Аппараты җитәкчесе Шамил Гафаров катнашты.

Бүген Татарстан Республикасы Президенты Рөстәм Миңнеханов Әстерханның «Дуслык» төбәк иҗтимагый оешмасы – татар милли мәдәни җәмгыяте активы белән очрашты. Очрашуда Әстерхан өлкәсе Губернаторы вазыйфаларын вакытлыча башкаручы Сергей Морозов һәм Татарстан Республикасы  Премьер-министры урынбасары, Бөтендөнья татар конгрессының «Милли шура» рәисе Васил Шәйхеразыев та катнашты.    

Татарстан белән Әстерхан өлкәсе арасында үзара файдалы хезмәттәшлекне үстерү өчен зур потенциал бар. Бүген бу хакта Татарстан Республикасы Президенты Рөстәм Миңнеханов Әстерхан өлкәсе Губернаторы вазыйфаларын вакытлыча башкаручы Сергей Морозов белән очрашуда хәбәр итте. Очрашу Рөстәм Миңнехановның Әстерхан өлкәсенә эш сәфәре кысаларында узды.    

Бүген Татарстан Республикасы Президенты Рөстәм Миңнеханов Әстерхан өлкәсенә эш сәфәренә килде.   

Эш сәфәре барышында Рөстәм Миңнеханов Әстерхан өлкәсе Губернаторы вазыйфаларын башкаручы Сергей Морозов белән очрашырга җыена. Яклар сәүдә-икътисадый һәм гуманитар хезмәттәшлекне үстерү перспективалары турында фикер алышачак. 

Татарстан Республикасы Президенты Рөстәм Миңнеханов Казанда 5 апрель көнне яшүсмерне кыйнау очрагын катгый контрольгә алырга йөкләде.

Татарстан Республикасы Хөкүмәте Йортында хокук саклау органнары белән координацион киңәшмәдә Татарстан Республикасы Президенты Рөстәм Миңнеханов ТР Мәгариф һәм фән министрлыгына, ТР Яшьәр эшләре буенча министрлыкка, Казан шәһәре администрациясенә әлеге очракны аеруча игътибарлык белән хәл итәргә йөкләде. 

Казанда ел саен кече һәм урта эшкуарлыкның шәһәр икътисадындагы өлеше арта бара. Бүген бу хакта Татарстан Республикасы Министрлар Кабинетында узган республика киңәшмәсендә Казан мэры Илсур Метшин хәбәр итте.

Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды.     

Илсур Метшин билгеләп үткәнчә, Казанның җыелма территориаль продуктында кече һәм урта эшкуарлык өлеше 38,5%ка җитте һәм 768,1 млрд. сум тәшкил итте.  

Авыл хуҗалыгыда конкурентлыкка сәләтлелекне тәэмин итүче техник модернизация турында бүген ТР Хөкүмәтендәге республика киңәшәмсендә ТР Премьер-министры урынбасары - аыл хуҗалыгы һәм азык-төлек министры Марат Әхмәтов хәбәр итте.

Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Р.Н. Миңнеханов уздырды. Киңәшмәдә Татарстан Премьер-министры Алексей Песошин да катнашты.   

Татарстан Республикасында 2019 елга күп фатирлы йортларга капиталь ремонт программасын гамәлгә ашыру дәвам итә. Быел гомуми мәйданы 5,6 млн. кв. метр булган 936 күп фатирлы йортка ремонт ясау планлаштырыла. Программада 42 муниципаль район катнаша (Әтнә, Чүпрәле һәм Кайбыч районнарыннан тыш). Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы Төзелеш, архитектура һәм ТКХ министры Ирек Фәйзуллин хәбәр итте.  

Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Р.Н. Миңнеханов уздырды. Киңәшмәдә Татарстан Премьер-министры Алексей Песошин да катнашты.