Татарстан Россиянең массакүләм мәгълүмат чараларына иң бай төбәге булып кала. Бу хакта бүген ТР Президенты Аппараты җитәкчесе Әсгать Сәфәров Республика матбугат һәм массакүләм коммуникацияләр агентлыгының йомгаклау коллегиясендә белдерде. Коллегия эшендә шулай ук ТР Дәүләт Советы Рәисе урынбасары, ТР Журналистлар берлеге рәисе Римма Ратникова һәм башка рәсми затлар, республика ММЧ җитәкчеләре катнашты.

Бүген Татарстан Премьер-министры вазифаларын башкаручы – ТР Хөкүмәте рәисенең беренче урынбасары Алексей Песошин Россия гражданлык авиациясенең барлык хезмәткәрләрен һөнәри бәйрәмнәре белән котлады.

Бүген «Алабуга» махсус икътисадый зонасының гомуми хакы 36 млрд. сумлык резидент компанияләренең яңа проектлары МИЗ Күзәтчелек советының чираттагы утырышында каралды. Утырышны Казанда Татарстан Республикасы Президенты Рөстәм Миңнеханов уздырды.

Татарстанның туризм өлкәсе алдында алга таба республикага туристлар агымын арттыру бурычы тора. Бу хакта бүген ТР Туризм буенча дәүләт комитетының йомгаклау коллегиясендә белдерелде, аның эшендә Татарстан Республикасы Президенты Рөстәм Миңнеханов катнашты. Шулай ук утырышта РФ Туризм буенча федераль агентылык җитәкчесе Олег Сафонов катнашты. 

Ил фәнгә, яңа технологияләргә, импортны алыштыруга мөнәсәбәтен үзгәртергә тиеш, дип саный Татарстан Республикасы Президенты Рөстәм Миңнеханов. Бу хакта ул бүген  фәнни җәмәгатьчелек вәкилләре белән очрашуда белдерде. Очрашу Казан Кремлендә Россия фәне көне алдыннан узды. 

Татарстан Республикасында 2015 елда күп фатирлы торак йортларда капиталь ремонт программасы буенча 39 муниципаль районда 999 күп фатирлы торак йортның 370ендә эшләр башланган. Бу хакта бүген ТР Хөкүмәте Йортындагы республика киңәшмәсендә Татарстан Республикасы төзелеш, архитектура һәм ТКХ министрының беренче урынбасары Фәрит Хәнифов хәбәр итте. Киңәшмәне видеоконференцэлемтә режимында бөтен муниципаль районнар белән Татарстан Республикасы Президенты Рөстәм Миңнеханов уздырды, анда шулай ук ТР Премьер-министры вазифаларын башкаручы Алексей Песошин катаншты. 

ТР Хөкүмәте йортында бүген Россия фундаменталь тикшеренүләр фонды һәм Татарстан Республикасы Хөкүмәте арасында "2015-2019 елларга фундаменталь тикшеренүләр проектларының төбәк конкурслары турында"гы килешү имзаланды.

Документка Россия фундаменталь тикшеренүләр фонды Советы рәисе Владислав Панченко һәм ТР Премьер-министры вазифаларын башкаручы Алексей Песошин имзаларын куйды.