Яңалыклар
Бүген Татарстан Республикасы Президенты Рөстәм Миңнеханов Әлмәттә Рус православие чиркәвенең Казан кафедраль соборы каршындагы Әлмәт епархиясе идарәсенең яңа бинасын ачу тантанасында катнашты.
Татарстан Президенты Кафедраль соборда булды, Собор мәйданы территориясендәге яңа часовняны, епархиянең яңа бинасын карады.
Бүген Әлмәттә Татарстан Республикасы Президенты Рөстәм Миңнеханов рәислегендә «Татнефть» ААҖнең чираттагы Директорлар советы утырышы узды. Совет эше баршында «Татнефть» ААҖнең январь аена бюджеты үтәлешенә нәтиҗәләр чыгарылды һәм 2015 елның март аена бюджеты расланды.
Татарстан Президенты Рөстәм Миңнеханов Чаллы шәһәренә эш сәфәре кысаларында Бөек Ватан сугышы ветераннарына "1941-1945 еллардагы Бөек Ватан сугышында Җиңүгә 70 ел" юбилей медальләрен тапшырды.
Бүген ТР Президенты Рөстәм Миңнеханов эш сәфәре белән Чаллыда. Ул иң беренче "Мастер" Кама индустриаль паркы" ААҖдә булды. Автокала Башкарма комитеты җитәкчесе Наил Мәһдиев, "КАМАЗ" ААҖ генераль директоры Сергей Когогин һәм башка рәсми затлар белән бергә Рөстәм Миңнеханов "Максат" җитештерү-коммерция компаниясе, «ТатПром-Холдинг» ҖЧҖ, «Хитон-Пласт» ҖЧҖ һәм «Лидер КАМА» ҖЧҖләрдә булды. Әлеге предприятиеләр "Мастер" КИПның бишенче мәйданчыгында урнашкан. Ул күптән түгел Россия Икътисади үсеш министрлыгы биргән 200 миллион сум грант акчаларына төзекләндерелгән.
Бүген Татарстан Республикасы Президенты Рөстәм Миңнеханов Курганга эш сәфәре кысаларында Курган өлкәсе губернаторы Алексей Кокорин белән очрашты.
Очрашу Курган өлкәсе Хөкүмәте Йортында узды. Очрашу барышында яклар Татарстан рәсми делегациясенең Курган өлкәсенә бүгенге эш сәфәре йомгаклары буенча фикер алыштылар.
Аннары очрашу киңәйтелгән составта дәвам итте, анда Курган өлкәсе һәм Татарстан Республикасы дәүләт хакимияте органнары вәкилләре дә катнашты.
Бүген Татарстан Республикасы Президенты Рөстәм Миңнеханов Курган өлкәсенә эш сәфәре кысаларында “Курган өлкәсенең татарлар конгрессы” региональ иҗтимагый оешмасы активы белән очрашты. Очрашу Курган өлкәсе Хөкүмәте Йортында узды. Анда шулай ук Курган өлкәсе губернаторы Алексей Кокорин катнашты.
Бүген Курганга эш визиты кысаларында Татарстан Республикасы Президенты Рөстәм Миңнеханов Г.А. Илизаров ис. «Тернәкләндерү травматологиясе һәм ортопедиясе» фәнни үзәгендә булды. Фәнни үзәк директоры Александр Губин пациентларны дәвалау алымнары һәм эшенең системасы белән таныштырды. Аның сүзләренчә, Г.А. Илизаров ис. «Тернәкләндерү травматологиясе һәм ортопедиясе» Россия фәнни үзәгендә чрескостный остеосинтез алымында сөякләрне дәвалау методын уйдап тапканнар. Бүгенге көндә аны дөньяның 60 илендә кулланалар. Үзәк нигезендә ел саен Россия һәм чит ил табибларына укыту курслары уздырыла.
Курган өлкәсенә эш сәфәре барышында Татарстан Республикасы Президенты Рөстәм Миңнеханов берничә җитештерү объектында булды.
Беренче объект – Кургандагы «Синтез» ААҖнең дару препаратлары җитештерү заводы. Курган өлкәсе губернаторы Алексей Кокорин белән бергә, Рөстәм Миңнеханов заводның җитештерү цехларын карады. Аерым алганда, кунаклар инфузион эретмәләр һәм су әзерләү участогы белән таныштылар.
Татарстан Республикасы Президенты Рөстәм Миңнеханов Курганга бер көнлек эш визиты белән килде. Аэропортта Рөстәм Миңнехановны Курган өлкәсе губернаторы Алексей Кокорин, Курган өлкәсе Думасы рәисе Владимир Воробьев һәм башкалар каршы алды.
Creative Commons Attribution 4.0 International
Хата таптыгызмы? Сүзне яки җөмләне билгеләгез һәм CTRL+ENTER басыгыз