Бүген ТР Хөкүмәте йортында ТР Премьер-министрының беренче урынбасары Рөстәм Нигъмәтуллин рәислегендә ТРның Гадәттән тыш хәлләр комиссиясенең чираттан тыш утырышы узды.

Чираттан тыш утырыш уздыруның сәбәбе - Казанда котельня җимерелү, шуның нәтиҗәсендә 1,5 мең кеше җылылыксыз калган.

Бүген Татарстан Республикасы Президенты Рөстәм Миңнеханов «Бөтен Россиянең Яшь гвардиясе» бөтенроссия иҗтимагый оешмасының  координацион советы рәисе Денис Давыдов белән очрашты.

Татарстан Республикасы Хөкүмәте Йортында узган очрашуда ТР Президенты Аппараты Җитәкчесе Әсгать Сәфәров та катнашты. 

2017 елда Татарстан Республикасы Кулланучылар кооперациясе оешмалары берлеге – Татпотребсоюз – эшчәнлеге йомгаклары һәм 2018 елга бурычлары турында бүген Татарстан Республикасы Хөкүмәте Йортында узган республика киңәшмәсендә Татпотребсоюз идарәсе рәисе Мәхмүт Фәттахов чыгыш ясады.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры  Алексей Песошин да катнашты.

2018 ел башланганнан бирле Татарстан Республикасы Дәүләт төзелеш күзәтчелеге инспекциясе һәм Татарстан Республикасы Дәүләт хезмәт инспекциясе тарафыннан 256 тикшерү уздырылган. ТР ДТИ тарафыннан – 247 тикшерү, ТР ДХИ тарафыннан – 9. «Татарстан Республикасы төзүчеләре бергәлеге» үзлегеннән җайга салынучы оешмасы тарафыннан оешманың 265 әгъзасына тикшерү уздырылган, Татарстан Республикасы Төзүчеләр бергәлеге тарафыннан – 96 тикшерү, Беренче Идел буе Төзелеш Берләшмәсе тарафыннан –169 тикшерү. Бүген бу хакта Татарстан Республикасы Хөкүмәте Йортында уздырылган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.

Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры  Алексей Песошин да катнашты.

Татарстан Республикасы Президенты Рөстәм Миңнеханов, авария ситуацияләрен булдырмау максатларында, республиканың барлык коммуналь хуҗалык объектларын тикшерергә кушты. Бүген бу хакта ул Татарстан Республикасы Хөкүмәте Йортында узган республика киңәшмәсендә хәбәр итте.   

Бүген Салих Сәйдәш исемендәге Дәүләт Зур концерт залында «Ел хәйриячесе - 2017» республика конкурсына йомгак ясадылар. Чарада Татарстан Республикасы Президенты Рөстәм Миңнеханов, Татарстан Республикасы Дәүләт Киңәшчесе, Россия Федерациясе Хезмәт Герое  Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, республика дәүләт хакимияте органнары вәкилләре катнашты.  

Бүген бер ел дәвамындагы төзекләндерү эшләреннән соң Казан циркы тамашачыларга ишекләрен ачты. Татарстандагы күп балалы гиләләрдә 1500 бала тамаша карарга чакырылды. Тантаналы ачылу Татарстан Республикасы Президенты Рөстәм Миңнеханов катнашында узды. "Капиталь ремонт тәмамлангач, без Казан циркының беренче тамашачылары үрнәк булган, олы гаиләләр булырга тиеш дигән карарга килдек. Гаилә - һәр ил нигезе ул, без сезнең белән горурланырга тиеш. Казан циркы бүген заман таләпләренә туры килә һәм янә сезгә ишекләрен ача", - диде ТР Президенты. 

Бүген Казанда «Баскет-холл» спорт аренасында эшкуарлар өчен масштаблы «Перезагрузка» укыту форумы башланып китте. Бизнес-форумга алты меңгә якын катнашучы җыелды. Тантанада Татарстан Республикасы Президенты Рөстәм Миңнеханов катнашты.   

Сәламләү сүзендә Рөстәм Миңнеханов билгеләп үткәнчә, республика җитәкчелегенең төп бурычы – кече һәм урта бизнесны үстерү өчен барлык кирәкле шартларны тудыру. Бүген гамәлгә ашырылучы программалар инфраструктура булдыруга юнәлгән, болар – махсус икътисадый зоналар, технопарклар, ИТ-парклар, ТОСЭР. Татарстанда Россиянең мондый инфраструктур хәл ителешләрнең 10 проценты тупланган.

2018 елның 18 мартында, ягъни бу якшәмбедә буласы Россия Федерациясе Президентын сайлаулар алдыннан Татарстан Республикасы Президенты Рөстәм Миңнеханов республика халкына мөрәҗәгать итте.

Казанның Юдино бистәсендә ясалма боз өслекле боз шугалагы төзиячәкләр. Бүген бу хакта Татарстан Республикасы Президенты Рөстәм Миңнеханов бистә кешеләре һәм ГЖД Казан территориаль идарәсе бүлекчәләре хезмәткәрләре белән очрашуда хәбәр итте.