Бүген Татарстан Республикасы Президенты Рөстәм Миңнеханов «Росатом» атом  энергиясе буенча дәүләт корпорациясе генераль директоры Алексей Лихачев белән очрашты.  

Очрашу видеоконференция режимында узды.  

Бүген иртән Татарстан Республикасы Президенты Рөстәм Миңнеханов «Патриот» спорт-патриотик һәм яшьләрне армиягә чакыруга әзерләү үзәгендә булды. Ул Татарстан Республикасыннан армиягә чакырылганнарны хезмәт итү урыннарына җибәрү тантанасында катнашты.

Рөстәм Миңнеханов аларга уңышлар теләде һәм алар хезмәтләрен лаеклы узарлар дип ышаныч белдерде, исән-сау, мораль һәм физик яктан ныгып кайтуларын теләде.

«Татарстанлылар һәрвакыт үзләренең армиягә әзерлекле булулары һәм теләсә нинди кыенлыкларны да җиңеп чыга алулары белән дан тоталар», – диде Татарстан Президенты.

Хөрмәтле медицина хезмәткәрләре!

 Сезне һөнәри бәйрәмегез белән чын йөрәктән тәбрик итәм! Бик борынгы заманнардан ук сез башкарган хезмәт намуслылык, шәфкатьлелек, миһербанлык һәм кешелеклелек сыйфатларының чагылышы булып тора. Кешеләрнең авырту-сызлауларын үз йөрәгегез аша уздырып, аларның күңелендә ышаныч һәм өмет чаткысы уяту җиңел түгел.

Бүген Татарстан Республикасы Президенты медицина җәмәгатьчелеге вәкилләре белән очрашты. Очрашу Республика клиник хастаханәсе нигезендәге AMTEC KAZAN югары медицина технологияләре мәгариф үзәгендә узды. Чарада ТР сәламәтлек саклау министры Марат Садыков, ТР буенча Роспотребнадзор идарәсе башлыгы - Татарстан Республикасы буенча Баш дәүләт санитар табибы Марина Патяшина катнашты. 

Бүген Медицина хезмәткәре көне алдыннан Татарстан Республикасы Президенты Рөстәм Миңнеханов Татарстан табибларына яңа ашыгыч ярдәм машиналары ачкычларын тапшырды. Чара Республика клиник сырхауханәсе территориясендә узды.   

Бүген Татарстан Республикасы Президенты Рөстәм Миңнеханов Казанда КФУның Прецизион һәм регенератив медицина фәнни-клиник үзәгендә булды (Волков ур.,18).

Ул поликлиника блогы эше белән танышты, аналитика үзәген, нейрореабилитация бүлеген карап чыкты.

Татарстанда Covid-19 белән авыруларның яңа очраклары темпы кимүен дәвам итә. Бу атнада ул 1% тәшкил итте. Авырулар саны кимү нәтиҗәсендә чикләүләрне кимтеүнең икенче этабына күчү мөмкин булды. Бүген бу хакта Татарстан Республикасы Хөкүмәте йортында узган республика киңәшмәсендә Роспотребнадзорның Татарстан Республикасы буенча идарәсе башлыгы – Татарстан Республикасы буенча Баш санитар табиб Марина Патяшина хәбәр итте.

Киңәшмәне видеоконференция режимында барлык муниципаль районнар белән Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.

Республика авылларында татар халык бәйрәме Сабантуйны уздыру рөхсәт ителде. Мондый карар турында Татарстан Республикасы Президенты Рөстәм Миңнеханов ТР Хөкүмәте Йортында узган республика киңәшмәсендә игълан итте. 

19 июньгә республикада торак төзелеш програмалары буенча 1 млн 162,8 мең кв. метр торак файдалануга тапшырылган, бу – планның 39%ы. Динамика 2 атна эчендә 96,6 мең кв.метр. Бу хакта бүген Татарстан Республикасы Хөкүмәте йортында уздырылган республика киңәшмәсендә Татарстан Республикасы төзелеш, архитектура һәм ТКХ министры Фәрит Хәнифов хәбәр итте.

Киңәшмәне видеоконференция режимында барлык муниципаль районнар белән Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.

Бүген ТР Хөкүмәте Йортында узган республика киңәшмәсендә ТР Премьер-министры урынбасары - авыл хуҗалыгы һәм азык-төлек министры Марат Җәббаров авылларда кече хуҗалык формалары үсеше турында сөйләде. Киңәшмәне видеоконференция режимында барлык муниципаль районнар белән Татарстан Республикасы Президенты Рөстәм Миңнеханов уздырды. Киңәшмәдә ТР Премьер-министры Алексей Песошин да катнашты.