Бүген Татарстан Республикасы Премьер-министры Рөстәм Миңнеханов “Ел җитәкчесе” республика иҗтимагый конкурсының конкурс комиссиясе утырышын үткәрде. Конкурс комиссиясе әгъзалары конкурсның төрле номинацияләрендә (13 номинация) претендентлар кандидатуралары турында фикер алыштылар.
Шуны да искәртик: конкурс республикада 2002 елдан башлап үткәрелеп килә, ул Татарстан Республикасының Сәнәгый предприятиеләр ассоциациясе (2005 елдан – Татарстан Республикасы Предприятиеләр һәм эшмәкәрләр ассоциациясе) тарафыннан оештырылган.

Бүген Казанда плазма үзәге ачылды. Чарада Татарстан Республикасы Премьер-министры Рөстәм Миңнеханов, Россия Федерациясе Дәүләт Думасы депутаты, “Бердәм Россия” югары советының бюро әгъзасы, “Бердәм Россия” фракциясе җитәкчесенең беренче урынбасары Татьяна Яковлева, Татарстан Республикасы Президентының социаль мәсьәләләр буенча дәүләт киңәшчесе Татьяна Ларионова, сәламәтлек саклау министры Айрат Фәррахов, “Россия сәламәтлек саклау күзәтчелегенең Кан препаратлары сыйфатына экспертиза ясау һәм донор плазмасының фракцияләнүен тикшерү Идел буе округ медицина үзәге” федераль дәүләт учреждениесенең төбәк үсеше буенча генераль директор урынбасары Евгений Сметанин катнашты.

Бүген республиканың Хөкүмәт йортында Татарстанның муниципаль районнары һәм шәһәр округлары башлыклары катнашында 2008 елга Татарстан Республикасы икътисади күрсәткечләренең үтәлешен бәяләүгә багышланган киңәшмә булды. Киңәшмәне Татарстан Республикасы Премьер-министры Рөстәм Миңнеханов үткәрде.

Бүген “Казан” милли-мәдәни үзәгендә Бөтендөнья татарлар конгрессы башкарма комитетының киңәйтелгән утырышы кысаларында “Татарстанның эшлекле партнерлары. Хезмәттәшлек итүнең яңа мөмкинлекләре” форумы узды. Кереш сүздә Татарстан Хөкүмәте башлыгы соңгы елларда республиканың дәүләт структуралары белән дә, Россия төбәкләре, БДБ һәм Балтия илләре администрацияләре белән дә үзара бәйләнештә торуның бай тәҗрибәсе тупланганлыгын билгеләп үтте.

Бүген Татарстан Республикасы Премьер-министры Рөстәм Миңнеханов Татарстан Республикасы Министрлар Кабинеты каршындагы Икътисади советның чираттагы утырышын үткәрде. Анда сәнәгый кооперация һәм субконтрактацияне үстерү чаралары турында сүз барды. Барыннан да элек, республика икътисадындагы хәлнең торышы турында Татарстан Республикасының сәнәгать һәм сәүдә министры Марат Сафиуллин, Татарстан Республикасының Милли банкы башлыгы Евгений Богачев сөйләде.

Бүген Татарстан Республикасы Премьер-министры Рөстәм Миңнеханов Япониягә эшлекле визиты барышында берничә мөһим очрашу үткәрде. Әйтик, Mitsubishi Heavy Industries (“Мицубиси Хэви Индастриз”, Япония) компаниясенең өлкән вице-президенты Суничи Ниягана әфәнде белән очрашу булды. Анда аммиак, метанол, гранулалы карбамид һәм аммиак селитрасы җитештерү заводы (“Аммоний” ААҖ, Менделеевск) төзү кысаларындагы проект алды эшләре турында сүз барды.

2008 елның 20 нче декабреннән 2009 елның 10 нчы гыйнварына кадәр Татарстан территориясендә янгынга каршы махсус режим урнаштырылачак. Бу турыдагы әмергә Татарстан Премьер-министры Рөстәм Миңнеханов кул куйды. Документ бәйрәм чараларын пиротехника әйберләрен (IV һәм V класслы) кулланып үткәрүчеләргә махсус янгынга каршы режим вакытында пиротехника әйберләрен куллану урыннарын Дәүләт янгын күзәтчелеге органнары белән килешеп билгеләргә тәкъдим итә.

Татарстан Республикасы Премьер-министрының беренче урынбасары Борис Павлов өстәмә белем бирү буенча “Россия икътисады һәм мәгарифендә инновацион процесларның кадрлар белән тәэмин ителеше” дигән IX Бөтенроссия конференциясе һәм “Өзлексез белем бирү системасында социаль партнерлык” Бөтенроссия форумы эшендә катнашты. Борис Павлов конференциядә катнашучыларны Татарстан Республикасы Премьер-министры Рөстәм Миңнеханов исеменнән истәлекле вакыйга белән котлады һәм инновацион үсеш юлына күчүнең, барыннан да элек, кешелек капиталына масштаблы инвестицияләр кертүгә бәйле булуын билгеләп үтте.

Бүген Шаньдун провинциясендә (Кытай Халык Республикасы) Татарстан Республикасы (Россия Федерациясе) һәм Шаньдун провинциясе (Кытай Халык Республикасы) арасында дустанә мөнәсәбәтләр урнаштыру турындагы килешүгә кул куелды.
Тышкы икътисади эшчәнлек буенча Татарстан Республикасы Премьер-министры ярдәмчесе Искәндәр Мөфлиханов хәбәр иткәнчә, документка Татарстан Республикасы Премьер-министры Рөстәм Миңнеханов һәм Шаньдун провинциясе губернаторы Цзян Да Мин кул куйган.

Бүген кичен Татарстан делегациясенең Кытай Халык Республикасына эшлекле визиты кысаларында Татарстан Республикасы һәм Шаньдун провинциясе (КХР) арасында дустанә мөнәсәбәтләр урнаштыру турындагы Килешүгә кул куелачак. Документка Татарстан Премьер-министры Рөстәм Миңнеханов һәм провинция губернаторы Шаньдун Цзян Да Мин кул куячак.