“Болгарда эшләр план буенча бара дияргә була, ләкин бик киеренкелек белән. Чөнки кайсыбер объектларны ачуны көзгә планлаштырган идек, әмма республикада билгеләп үтеләчәк бәйрәмнәргә нисбәтләп, торгызыла һәм төзелә торган зур объектларны ике этапка бүлеп тапшырачакбыз” - бүген Изге Болгар җиренә эш сәфәре белән чыгып, шушы борынгы шәһәрдә торгызыла һәм төзелә торган 7 объектта эш барышы белән озаклап танышып йөргәннән соң, ТР Дәүләт Киңәшчесе Минтимер Шәймиев шушы хакта шәрехләде.

Бүген Татарстан башкаласы дәрәҗәле кунаклар кабул итә – Казанның “Корстон” кунакханә-сәүдә-күңел ачу комплексында Халыкара студентлар спорты федерациясе (FISU) Башкарма комитеты утырышы узды. Аның эшендә Татарстан Президенты Рөстәм Миңнеханов, FISU Президенты Клод-Луи Галльен, Халыкара студентлар спорты федерациясенең беренче вице-президенты, Россия студентлар спорты берлеге президенты Олег Матыцин, FISU Генераль секретаре Эрик Сайнтронд, ТР Яшьләр эшләре, спорт һәм туризм министры Рафис Борһанов, “Казанда 2013 нче елгы XXVII Бөтендөнья Җәйге Универсиада Башкарма дирекциясе” АНО генераль директоры Владимир Леонов, җәйге һәм кышкы Универсиада директорлары, FISU Башкарма комитеты әгъзалары, милли студент спорт берлекләре рәисләре катнашты.
Клод-Луи Галльен биредә җылы кабул итү өчен Татарстан Республикасы җитәкчелегенә, Президентка рәхмәтен җиткерде. Ул шулай ук Бөтендөнья студентлар Уеннарына җитди әзерлек алып баруга үз өлешен керткән структураларга да зур рәхмәтен белдерде. “Универсиада үзе ике атна гына дәвам итсә дә, әзерлек барышында тупланган мирас озак елларга җитәчәк. Шунысы сөенечле: Казанда яшьләр тормышында спортның зур роль уйнавы турында тирән аңлау яши. Мин Универсиадага әзерлекнең югары дәрәҗәдә дәвам итәчәгенә һәм Универсиадалар тарихында иң уңышлы уеннар Казанда узачагына ышанам”, - дип белдерде ФИСУ Президенты. “Спорт өлкәсендә Универсиада бәлки иң зур чара булмаса да, яшьләр мохитендә бу төп чара санала. Биредә спорт кына түгел, мәгариф, мәдәният һәм көнкүреш тә чагылыш таба”, - дип белдерде Клод-Луи Галльен.

Бүген Казанның “Корстон” кунакханә-сәүдә-күңел ачу комплексында Халыкара студентлар спорты федерациясе (FISU) Башкарма комитеты утырышы узды. Аның эшендә Татарстан Президенты Рөстәм Миңнеханов, FISU Президенты Клод-Луи Гальен, Халыкара студентлар спорты федерациясенең беренче вице-президенты, Россия студентлар спорты берлеге президенты Олег Матыцин, FISU Генераль секретаре Эрик Сайнтронд, ТР Яшьләр эшләре, спорт һәм туризм министры Рафис Борһанов, “Казанда 2013 нче елгы XXVII Бөтендөнья Җәйге Универсиада Башкарма дирекциясе” АНО генераль директоры Владимир Леонов, җәйге һәм кышкы Универсиада директорлары, FISU Башкарма комитеты әгъзалары, милли студент спорт берлекләре рәисләре катнашты.

Татарстанда өстәмә акчалар беренчел медик-санитар ярдәм күрсәтү сәламәтлек саклау учрежденияләрен төзү, агымдагы һәм капиталь ремонт ясау программасын тормышка ашыру өчен бүлеп бирелергә мөмкин. Моның турында ТР Министрлар кабинетында узган киңәшмәдә әйтелде.

ТР Президенты Рөстәм Миннеханов республиканың сәламәтлек саклауны модернизацияләү программасын уңышлы тормышка ашырганы өчен 603 миллион сум күләмендә федераль бюджеттан өстәмә акча алуын искә төшерде.

Ул бу акчаларны беренчел звено медицина учрежденияләрен үстерергә, шул исәптән яңа модульле фельдшер-акушерлык пунктларын төзүгә юнәлтергә тәкъдим итте. Шулай ук ТР Сәламәтек саклау министры Айрат Фаррахов ашыгыч ярдәм күрстәү өчен яңа машиналар сатып алырга акча бүлеп бирү мәсьәләсен карарга сорады. Хәзерге вакытта эре шәһәрләрдә машиналар санына бәйле зур проблемалар бар. Президент бу мәсьәлә хакында уйларга вәгъдәләде.

Исегезгә төшерәбез, беренчел медик-санитар ярдәм күрсәтү сәламәтлек саклау учрежденияләрен төзү, агымдагы һәм капиталь ремонт ясау программасы 1 елга исәпләнгән. Программа тулаем алганда 330 миллион сум тора.

Программа 52 фельдшер-акушерлык пунктларын төзүне, авылларда башлангыч һәм белем бирү мәктәпләрендә урнашкан 6 фельдшер-акушер пунктына капиталь рәвештә һәм агымдагы ремонт ясауны, 7 амбулатор-поликлиника учрежденияләренә капиталь рәвештә һәм агымдагы ремонт ясауны, эшләп килә торган 300 фельдшер-акушерлык пунктларына капиталь рәвештә һәм агымдагы ремонт ясауны үз эченә ала.

Программага заказ бирүче итеп Төп инвестицион-төзелеш идарәсе билгеләнгән, проект ясаучы итеп - «Татинвестгражданпроект». Яңа фельдшер-акушерлык пунктлары төзеләчәк торак пунктлар билгеләнгән.

Татарстанда капиталь ремонт программасына кергән барлык йортларда эшләр башланган. Узган ике атна дәвамында 17 объектта эшкә керешкән. Моның турында бүген ТР Министрлар кабинетында ТР Президенты Рөстәм Миннеханов һәм ТР Премьер-министры Илдар Халиков катнашында үткән киңәшмәдә ТР Төзелеш, архитектура һәм торак-коммуналь хуҗалык министры Ирек Фәйзуллин хәбәр итте.

Балалар һәм яшүсмерләрнең җәйге каникуллар чорында ялын, аларны сәламәтләндерүне, мәшгульлеген кайгырту, Татарстанның социаль сәясәтенең өстенлекле юнәлешләренең берсе санала. Бүген бу эшләргә әзерлек турында ТР Министрлар Кабинетында “2012 нче елда балаларның һәм яшүсмерләрнең җәйге сәламәтләндерү ялын оештыру турындагы” брифингта ТР Премьер-министры урынбасары Зилә Вәлиева, ТР Яшьләр эшләре, спорт һәм туризм министры Рафис Борһанов, ТР Мәгариф һәм фән министры урынбасары Айрат Зиннуров, ТР Хезмәт, мәшгульлек һәм социаль яклау министры урынбасары Клара Тазетдинова, ТР Сәламәтлек саклау министры урынбасары Сергей Осипов сөйләде.

Бүген Россия гадел хөкем академиясе ректоры Валентин Ершов белән Татарстан Республикасы Президенты Рөстәм Миннеханов очрашты.

Казансу елгасының ярларын үстерү перспективалары турында Татарстан Президенты Рөстәм Миннеханов үткәргән күчмә утырышта сөйләшенде. Республика башлыгы Казан мэры Илсур Метшин һәм республиканың Төзелеш, архитектура һәм торак-коммуналь хуҗалык министры Ирек Фәйзуллин белән Казансу елгасының сул як ярындагы Кремль янында урнашкан төзелеш мәйданчыгында, Универсиада медиа-үзәгенең төзелеш мәйданчыгында һәм төзелә торган Су спорты төрләре сараенда булды.