Татарстан Республикасы Президенты Рөстәм Миңнеханов 2014 елның 20-27 октяберендә кыска вакытлы ялда була.

Татарстан Республикасы Президенты Рөстәм Миңнеханов берничә указ имзалады. 2014 елның 17 октябереннән ПУ-992 номерлы Татарстан Республикасы Президенты Указы белән Якупов Линар Гәбделнур улы Татарстан Республикасы Инвестицион үсеш агентлыгының җитәкчесе вазыйфасыннан азат ителгән.

Татарстанда 2014 елда күп фатирлы торак йортларны капиталь ремонтлау программасы тәмамланды – эшләр барлык 793 йортта тәмамланды. Бу хакта бүген видеоконференция режимындагы атналык киңәшмәдә хәбәр ителде, аны Татарстан Республикасы Президенты Рөстәм Миңнеханов уздырды. 

Бүген Татарстан Республикасы Президенты Рөстәм Миңнеханов Казан Кремлендә Стратегик инициативалар агентлыгының генераль директоры Андрей Никитин белән очрашты.

ТР Премьер-министрының беренче урынбасары Алексей Песошин Татарстан Республикасында авыл хуҗалыгы продукциясе, чимал һәм азык-төлек базарларының торышын контрольдә тотучы оператив штабның чираттагы утырышын уздырды. Бу чара ТР Хөкүмәте йортында узды.

Терлекчелек һәм авылларда хуҗалык алып баруның кече формаларын үстерү чаралары буенча бөтенроссия киңәшмәсен бүген Россия Федерациясе Премьер-министры Дмитрий Медведев уздырды. Киңәшмәдә видеоконференцэлемтә режимында Казан Кремленнән Татарстан Республикасы Президенты Рөстәм Миңнеханов катнашты.

Татарстан Республикасы Премьер-министры Илдар Халиков бүген Кытай Халык Республикасының Хунань провинциясе вице-губернаторы Ли Юджи әфәнде белән очрашты. ТР Хөкүмәте йортында узган очрашуда шулай ук Татарстан сәламәтлек саклау министры Адель Вафин, Россия кулланучылар күзәтчелеге хезмәтенең Татарстан буенча идарәсе җитәкчесе Марина Патяшина, Кытай делегациясе әгъзалары катнашты.

Бүген традиция буенча туй көне саналган җомга көнендә Татарстан Президенты Рөстәм Миңнеханов "Казан" гаилә үзәге янында агач утыртуда катнашты. Республика башлыгы белән Казан мэры Илсур Метшин алтын һәм бриллиант туйларын билгеләп үтүче парлар белән бергә агачлар утыртты.

Бүген Казанга 2018 елгы футбол буенча дөнья чемпионатына әзерлек барышы белән танышу өчен ФИФА һәм "Россия-2018" оештыру комитеты вәкилләренең уртак делегациясе килде. “Казан-Арена” стадионында делегация әгъзалары белән Татарстан Премьер-министры Илдар Халиков очрашты.

Бүген Татарстан Республикасы Хөкүмәте Йортында Россия Федерациясе субъектларында инвестицион климат торышының Милли рейтингы буенча белем бирү семинары уза. Аны ачуда Татарстан Республикасы Президенты Рөстәм Миңнеханов һәмТатарстан Республикасы Премьер-министры Илдар Халиков катнаштылар. Чара видеоконференцэлемтә форматында Татарстанның бөтен муниципаль районнары белән көн дәвамында үткәрелә.