Балалар һәм яшьләрнең ялын, сәламәтләндерүне һәм мәшгульлеген оештыру Татарстанның социаль сәясәтендә өстенлекле юнәлешләрнең берсе булып тора. Быел республикада ничә баланың каникул чорында файдалы һәм күңелле ял белән тәэмин ителәчәге турында ТР Министрлар Кабинетында сүз барды.
ТР Яшьләр эшләре, спорт һәм туризм министры Рафис Борһанов искәртеп узганча, менә инде 17 ел рәттән “Балалар һәм яшьләрнең ялын, сәламәтләндерүне һәм мәшгульлеген оештыру турындагы” республика программасы кабул ителә, анда балаларны төрле типтагы лагерьләрдә тоту өчен финанс чыгымнары күләме, төрле категория балалар һәм яшьләрнең ялын оештыру өчен төп җаваплылык үзәкләре, юлламалар бирү тәртибе күрсәтелә.

Бүген Татарстан Президенты Рөстәм Миңнеханов гражданнарны кабул итте. Россия Федерациясе Президентының ТР буенча кабул итү бүлмәсендә Рөстәм Миңнеханов республика халкының мөрәҗәгатьләрен тыңлады һәм мәсьәләләрен хәл итәргә тырышачагында ышандырды.

2013 елның I кварталында Татарстан Республикасы берләштерелгән бюджетына 42,9 млрд. сум керде, шул исәптән салым һәм салым булмаган керемнәр 36,1 млрд. сум тәшкил итте, федераль чаралар – 6,8 млрд. сум. Республика бюджетына үз керемнәре 28 млрд. сум керде. Бу турыда бүген Татарстан Республикасы финанс министры Радик Гайзатуллин Татарстан Республикасы финанс, казначылык һәм салым органнарының республика киңәшмәсендә хәбәр итте. Киңәшмә видеоконференцэлемтә режимында барлык Татарстан Республикасы муниципаль районнары белән узды. Аны Татарстан Республикасы Президенты Р.Н. Миңнеханов уздырды. Төп тема 2013 елның I кварталында Татарстан Республикасы берләштерелгән бюджеты үтәлешенә йомгак ясауга һәм 2013 елга Татарстан Республикасы финанс, казначылык һәм салым органнарының бурычларына багышланды.

Без бюджет акчаларын эффектив кулланырга тиеш, чыгымнарны, өстәмә керемнәр булыр дип, кабартырга тиеш түгел. Шуның турында Татарстан Республикасы Президенты Рөстәм Миңнеханов Татарстан Республикасының финанс, казначылык һәм салым органнарының республика киңәшмәсендә белдерде. Киңәшмә бөтен муниципаль районнар белән видеоконференция элемтәсе режимында узды, 2013 елның 1 кварталына Татарстан Республикасы берләштерелгән бюджетын үтәү йомгаклары һәм республика финанс, казначылык һәм салым органнарының 2013 елга бурычлары - төп тема булды.

Бүген ТР Дәүләт Советында Татарстан парламенты башлыгы Фәрит Мөхәммәтшин Әлмәт шәһәренең 7 нче мәктәбе укучылары белән парламент дәресе үткәрелде.

Татарстан Республикасы “Атомэнергопроект” (“НИАЭП”) Түбән Новгород инжиниринг компаниясе” ААҖ белән эре проектларны гамәлгә ашыру өлешендә хезмәттәшлекне үстерү белән кызыксына. Бу хакта бүген Татарстан Республикасы Президенты Р.Н. Миңнеханов Түбән Новгородта компания эшчәнлеген тәкъдир итү кысаларында белдерде. “НИАЭП” ААҖ төзелеш-монтаж эшләре алып бара, сатып алулар белән, интеллектуаль проектлау, энергоблоклар хакларына һәм кору срокларына идарә итү, чит ил технологияләрен һәм эшләнмәләрен Россия һәм чит ил стандартларына яраклаштыру, ЕРС/М (инжиниринг – китереп торулар – төзелеш/идарә) белән шөгыльләнә

Бүген иртән Татарстан Республикасы Президенты Рөстәм Миңнеханов Түбән Новгородка эш визиты белән килде. Түбән Новгородның «Стригино» халыкара аэропортында Рөстәм Миңнехановны Түбән Новгород өлкәсе губернаторының урынбасары Дмитрий Сватковский, «Атомстройэкспорт» (АСЭ) ЯАҖ идарәче оешма «НИАЭП» ААҖ президенты Валерий Лимаренко, Татарстан республикасының Түбән Новгород өлкәсендә сәүдә-икътисад вәкиле Айрат Усманов һәм башкалар каршы алды

Бүген Татарстан Республикасы Президенты Р.Н. Миңнеханов атаклы Россия режиссеры Александр Сокуров белән очрашты. Очрашу Татарстан Республикасы Хөкүмәте Йортында узды, республика анда шулай ук Татарстан Республикасы Мәдәният министры Айрат Сибәгатуллин, Татарстан Республикасы Министрлар Кабинеты Аппаратының мәдәният һәм Татарстан Республикасы халыклары телләре үсеше бүлеге башлыгы Гөлшат Нигъмәтуллина катнаштылар.

Беренче атнада Татарстанда калдыкларга бәйле 320 тәртип бозу ачыкланган. Ачыкланган тәртип бозулар буенча 197 беркетмә төзелгән, шул исәптән, 20 – юридик затларга, 87 – вазыйфаи һәм 90 – физик затларга. 963,5 мең сумлык штрафлар салынган. Бу хакта республика киңәшмәсендә ТР экология һәм табигать ресурслары министры урынасабры Рамил Низамов хәбәр итте. Киңәшмәдә ТР Президенты Рөстәм Миңнеханов һәм ТР Премьер-министры Илдар Халиков катнашты.

20 нче апрельгә Татарстанда 822 мең кв.м. торак сафка бастырылган, бу – үткән ел дәрәҗәсеннән 104 процент. Бу хакта республика киңәшмәсендә ТР төзелеш, архитектура һәм торак-коммуналь хуҗалыгы министры Ирек Фәйзуллин хәбәр итте. Киңәшмәдә ТР Президенты Рөстәм Миңнеханов һәм ТР Премьер-министры Илдар Халиков катнашты.