27 апрельдә ТР муниципаль районнарында узган шимбә өмәсендә 232 меңнән артык кеше катнашкан. Барлыгы 1,5 мең берәмлектән артык техника җәлеп ителгән, каты көнкүреш калдыклары полигоннарына 123 мең куб метрдан артык калдык озатылган, 19 меңнән артык агач һәм куак утыртылган. Бүген ТР Хөкүмәте йортында узган республика киңәшмәсендә экология һәм табигый байлыклар министры Артем Сидоров шундый мәгълүматлар яңгыратты. Киңәшмә ТР Президенты Рөстәм Миңнеханов рәислегендә узды. Аның эшендә шулай ук Премьер-министр Илдар Халиков катнашты.

ТР Президенты Рөстәм Миңнеханов бүген Хөкүмәт йортында узган республика киңәшмәсендә язгы кыр эшләрен активлаштырырга кирәклеген белдерде. “Эшләрне активлаштыруыгызны сорыйм, бүген бар игътибар язгы кыр эшләренә бирелергә тиеш. Вакыт чикләнгән, шуңа күрә чәчүне вакытында башкарып чыгарга кирәк”, - диде ул. Аның сүзләренә караганда, уҗым культураларына һәм күпьеллык үләннәргә җитди игътибар бирергә кирәк. Алар нәтиҗәле терлек азыгы базасы булырга тиеш. 

Дәүләт статистикасы федераль хезмәте 2013 елның беренче кварталы буенча ил күләмендә торакны сафка бастыруга кагылышлы тәгаенләнгән нәтиҗәләрне игълан итте. Аннан күренгәнчә, бу чорда 758,9 мең кв метр мәйданда торакны сафка бастырган Татарстан Мәскәү өлкәсе һәм Краснодар краеннан гына калышын өченче урын алган. Әлеге мәгълүматларны бүген ТР Хөкүмәте йортында узган традицион республика киңәшмәсендә ТР төзелеш, архитектура һәм торак-коммуналь хуҗалык министры Ирек Фәйзуллин яңгыратты. Киңәшмә ТР Президенты Рөстәм Миңнеханов рәислегендә узды, аның эшендә шулай ук Премьер-министр Илдар Халиков катнашты.

ТР Дәүләт Советы рәисе Фәрит Мөхәммәтшин һәм ТР Премьер-министры урынбасары-авыл хуҗалыгы һәм азык-төлек министры Марат Әхмәтов кичә республиканың көньяк-көнчыгыш төбәгендә – Баулы, Ютазы һәм Бөгелмә районнарында булып, язгы кыр эшләренең барышы белән танышты.

Татарстан һәм Индонезия сәүдә-сәнәгать палаталары арасында бүген ТР Президенты Рөстәм Миңнеханов барында Татарстан делегациясенең Индонезиягә визиты кысаларында хезмәттәшлек турындагы килешүгә имза салынды.

Татарстан җитәкчелеге республикага чит илләрдә сыйфатлы белем алган Россия гражданнарын җәлеп итү ягында. Бу хакта бүген ТР Президенты Рөстәм Миңнеханов Индонезия Дәүләт ислам университетында укучы Россия студентлары белән очрашуда хәбәр итте. Очрашу Татарстан делегациясенең Индонезиягә визиты кысаларында Джакартадагы Россия илчелегендә узды, анда шулай ук Россиянең Индонезиядәге Гадәттән тыш һәм Вәкаләтле илчесе Михаил Галузин, ТР Президентының халыкара мәсьәләләр буенча ярдәчесе Радик Гыйматдинов, республиканың инвестицион үсеш агентлыгы җитәкчесе Линар Якупов катнашты

Бүген ТР Президенты Рөстәм Миңнеханов Джакартага визиты барышында Индонезия Республикасы сәнәгать министрының беренче урынбасары Алекс Ретраубун белән очрашты. Очрашуда шулай ук ТР Президентының халыкара мәсьәләләр буенча ярдәчесе Радик Гыйматдинов, ТР  инвестицион үсеш агентлыгы җитәкчесе Линар Якупов, Татарстан  Сәүдә-сәнәгать палатасы рәисе Шамил Агиев, “Ак Барс “холдинг компаниясе" гендиректоры Иван Егоров, Горький исемендәге завод директоры  Ренат Мистахов, “КАМАЗ” ААҖ генеральдиректоры урынбасары Евгений Пронин, “Казан  вертолетлар заводы” ААҖ генераль директоры урынбасары Валерий Пашко катнашты.

Бизнес элемтәләрне җайга салу Татарстан делегациясенең Индонезиягә эш визитының төп бурычларының берсе, дип белдерде ТР Президенты Рөстәм Миңнеханов. Татарстан делегациясе Джакартка визиты башында Индонезия Тышкы эшләр министрлыгында булдылар. Рөстәм Миңнеханов анда шәрәфле кунаклар китабында язма калдырды, шуннан ТЭМ башлыгы Марти Наталегава белән очрашты. Индонезия тышкы эшләр министры исә шушы визит Индонезия белән Россия арасындагы мөнәсәбәтләрне алга таба ныгытуга ярдәм итәчәгенә өмет белдерде.

Бүген Татарстан Республикасы Президенты Рөстәм Миңнеханов Индонезия Республикасына визит белән килде. Джакарта аэропортында аны Россиянең Индонезиядәге Гадәттән тыш һәм Вәкаләтле илчесе Михаил Галузин каршы алды. Татарстан делегациясе составына ТР Президентының халыкара мәсьәләләр буенча ярдәчесе Радик Гыйматдинов, республиканың  инвестицион үсеш агентлыгы җитәкчесе Линар Якупов, Татарстан  Сәүдә-сәнәгать палатасы рәисе Шамил Агиев, "Ак Барс “холдинг компаниясе" гендиректоры Иван Егоров, Горький исемендәге завод директоры  Ренат Мистахов һәм Татарстан бизнесының башка вәкилләре керә.

Бүген Татарстан Республикасы Президенты Рөстәм Миңнеханов мәртәбәле халыкара мәгълүмат агентлыгына интервью бирде һәм компаниянең Дубайдагы вәкиллегендә булды.