Апрель аенда Россия беренче тапкыр Ауропа бизнес-ангеллары ассоциациясе конгрессын кабул итәчәк. Ул Татарстан башкаласында VII Казан Венчур ярминкәсе кысаларында узачак. Венчур ярминкәсе 25 апрельдә ачыла.

Агымдагы елның 1 гыйнварыннан чираттагы декларация компаниясе старт алды. Аның барышында гражданнар 2011 елда алынган керемнәре хакында тулы хисап бирергә тиеш. Федераль салым хезмәтенең ТР идарәсе җитәкчесе Марат Сафиуллин сүзләренә караганда, быел салым органнарына керемнәре турында 90 меңнән артык гражданнан декларация алыныр, кампания йомгаклары буенча физик затлар кеременнән 430 млн сумлык салым җыелыр дип көтелә. Ул бу хакта бүген ТР Хөкүмәте йортында узган брифингта җиткерде.

Татарстан Республикасы Дәүләт киңәшчесе Минтимер Шәймиев Россия Президентына кандидат Владимир Путинның ышанычлы заты булу тәкъдимен кабул итте.

Татарстаннан читтә яшәүче ватандашларга (милләттәшләргә) ярдәм буенча 2012-2014 елларга республика программасы эшләнәчәк. Бу хакта бүген ТР Президенты каршындагы Ватандашлар эшләре буенча координация советының Дәүләт Советы рәисе Фәрит Мөхәммәтшин рәислегендә узган чираттагы утырышында хәбәр ителде.

Бүген Татарстан Президенты Мәскәүдә Россия Президенты Дмитрий Медведевның иҗтимагый комитет вәкилләре белән очрашуында катнашты. Очрашуда сәяси системаны реформалау турында сүз барды.

Бүген Татарстан Презиңенты Казан үзәгендә төзелеш объектлары белән танышты. Республика башлыгы ТР башкаласының тарихи өлешендәге вәзгыять белән танышты. Президент  белән бергә Казан үзәгенә шәһәр башлыгы Илсур Метшин, Татарстан прокуроры Кафил Әмиров, ТР архитектура һәм ТКХ министры Ирек Фәйзуллин, ТР Президенты ярдәмчесе Олеся Балтусова да юл тотты.

Татарстанлыларга ана капиталы өчен бүлеп бирелгән 19,8 млрд. сум әлегә файдаланылмаган. Бу акчаларның 60 процентын Казанда яшәүче әниләр алган. Бу хакта бүген ТР Хөкүмәт йортында узган республика киңәшмәсендә ТР Президенты Рөстәм Миңнеханов белдерде.

Татарстанда 2012 елда капремонт ясалырга тиешле 154 гомуми белем бирү мәктәпләр исемлеге расланган. Бу хакта бүген ТР төзелеш, архитектура һәм торак-коммуналь хуҗалык министры Ирек Фәйзуллин видеоконференция режимында узган Татарстанда “Торак-коммуналь хуҗалыкны реформалаштыруга ярдәм итү фонды” һәм мәгариф объектларын капиталь ремонтлау Законын гамәлгә ашыру мәсьәләләренә багышланган республика киңәшмәсендә белдерде.

Татарстанның 17 муниципаль берәмлегенең 145 йортында капиталь ремонт эшләре башланган. Бу хакта бүген ТР Хөкүмәт йортында Татарстан Президенты Рөстәм Миңнеханов үткәргән республика киңәшмәсендә ТР төзелеш, архитектура һәм торак-коммуналь хуҗалык министры Ирек Фәйзуллин белдерде.

Узган ел Россия статистика хезмәтенең 200 еллыгы билгеләп үтелде. Ә моннан ике ел элек аларның халыкара танылу алган һөнәри бәйрәмнәре билгеләп үтелә башлады. “Бөтендөнья статистика көнен гамәлгә кую, мәгълүматлары белән дөнья илләренең социаль-икътисади үсешен чагыштыру мөмкинлеген бирүче статистиканы тануда мөһим адым”, -ди Дәүләт статистикасы федераль хезмәтенең ТР идарәсе җитәкчесе Валерий Кандилов.