Бүген ТР Министрлар Кабинетында ТРда Экологик культура һәм әйләнә-тирә мохитне саклау елына багышланган матбугат очрашуында Казанның зур сәнәгать предприятиеләрен тикшерү башланганлыгы хәбәр ителде. Министрлык һәм Казанның табигатьне саклау прокуратурасы хезмәткәрләре иң элек “Казаноргсинтез” оешмасында булган.

Бүген Татарстан Хөкүмәт йортында республика Президенты Рөстәм Миңнеханов рәислегендә “Татнефтхиминвест-холдинг” Директорлар советының быел беренче утырышы узды.

Рөстәм Миңнеханов бүген инновацион территориаль “Иннополис” үзәген җәелдерү буенча киңәшмә уздырды. Татарстан Республикасы Хөкүмәт йортында узган әлеге киңәшмәдә Россия Федерациясенең элемтә һәм массакүләм коммуникациләр министры Николай Никифоров катнашты. Киңәшмәдә катнашучылар “Иннополис” проекты җәелдерү, инженер һәм транспорт инфраструктурасы төзелеше хакында фикер алышты.

Бүген ТР Премьер-министры урынбасары – авыл хуҗалыгы һәм азык-төлек министры Марат Әхмәтов республика киңәшмәсендә ТРга дуңгыз Африка чумасының керү мөмкинлегенә игътибар юнәлтте. “Татарстанда рөхсәтсез, тиеш булмаган урыннарда һәм тиешле кәгазьләрсез терлекчелек продукциясе, бигрәк тә, дуңгыз итен сату фактлары артты”, - дип аңлатты Марат Әхмәтов.

12 гыйнварда илнең прокуратура хезмәткәрләре һөнәри бәйрәмнәрен билгеләп үтә. Шул уңайдан бүген ТР Прокуратурасында бәйрәм тантанасы узды. Законлылык сагында торучыларны һәм тармак ветераннарын әлеге мөһим дата белән котларга ТР Премьер- министры Илдар Халиков килгән иде.

Бүген Татарстан Республикасы Югары Судында, ТР Суд департаменты идарәсе коллективына яңа җитәкчене тәкъдим иттеләр. Бүгеннән башлап, әлеге вәкаләтләрне Җәүдәт Салихов башкарачак. Аны яңа вазифага кабул итү һәм моңарчы 1998 нче елдан башлап суд департаменты идарәсе башлыгы булып эшләгән Җәүдәт Сәлаховны озату чарасында ТР Премьер-министры Илдар Халиков, Россия Федерациясе Югары Суды каршындагы Суд департаменты генераль директоры урынбасары – Хәрби судлар эшчәнлеген тәэмин итү буенча Баш идарә башлыгы Алексей Слотюк, ТР Дәүләт Советы Рәисе урынбасары Александр Гусев, ТР Югары Суды Рәисе Илгиз Гыйләҗев, ТР буенча баш федераль инспектор Рөстәм Идрисов, Татарстан район судлары рәисләре катнашты.

Татарстанда автомобильләргә ягулык салу станцияләрендә мотор ягулыгының сыйфатын планлы тикшерү дәвам итә. Бу хакта бүген ТР Хөкүмәте йортында узган брифингта ТР да ягулык-энергетика ресурсларын рациональ файдалану идарәсе җитәкчесе Роберт Гыйләҗиев хәбәр итте.

Малайзиянең Киберджая шәһәренең ай-ти технология өлкәсендәге тәҗрибәсе Татарстанның "Иннополис" проектын җәелдерү өчен аеруча кызыклы. Бүген бу хакта Рөстәм Миңнеханов үзенең Киберджая шәһәрендә эшлекле сәфәре барышында әйтте.

Бүген Рөстәм Миңнеханов өч көнлек эшлекле сәфәре белән Малайзиядә. Татарстан Республикасы Президенты Рөстәм Мңнехановның эшлекле очрашуы Малайзиянең башкаласы Куала-Лумпур шәһәрендә башланды. Татарстан делегациясе составында фән һәм мәгариф министры Энгель Фәттахов, Татарстан Республикасының инвестицияләр җәелдерү агентлыгы җитәкчесе Линар Якупов, Татарстан Дәүләт Советының салым һәм финанс комитеты рәисе Морад Гаделшин һәм Татарсанның югары уку йортларының ректорлары да бар.

Бүген Татарстан Рспубликасы Президенты Рөстәм Миңнеханов Россия Федерациясенең сәнәгать һәм сәүдә министры Денис Мантуров һәм Таиланд Корольлеге сәүдә министры Боонсонг Терияпиром белән очрашуда катнашты. Очрашу Бангкокта Таиланд Корольлегенең сәүдә министрлыгында үтте. Җитәкчеләр Россия Федерациясе белән Таиланд Корольлеге арасында һәрьяклы хезмәтәшлек урнаштыру белән беррәттән Татарстан Республикасы һәм Таиланд арасында да хезмәтшлек итү турында ассызыклап үттеләр.