Бүген Россия Федерациясе оборона министры Сергей Шойгу Татарстан Республикасына бер көнлек эш сәфәре белән килде. Сәфәрнең максаты – авиа һәм вертолет төзелеше предприятиеләрендә булу, Ту-214 самолеты төзелеше белән танышу.
РФ оборона министры борты “Казан” Халыкара аэропортына төште. Сергей Шойгуны Татарстан Президенты Рөстәм Миңнеханов, ТР Премьер-министры урынбасары – сәнәгать һәм сәүдә министры Равил Зарипов, ТР хәрби комиссары Сергей Погодин, ТР Куркынычсызлык советы секретаре Валерий Власов һ.б. каршы алды.

Бүген Татарстан Республикасы Президенты Рөстәм Миңнеханов Үзәк хәрби округ гаскәрләре командующие Николай Богдановский белән очрашты.Очрашу Татарстан Республикасы Хөкүмәт Йортында узды,анда республикадан Татарстан Республикасы хәрби комиссары Сергей Погодин,ТР Куркынычсызлык советы секретаре Валерий Власов,ТР Премьер-министрының 1нче урынбасары Равил Моратов Һ.б.катнашты

Хакимиятнең барлык институтлары,җирле үзидарә органнары,җәмәгать оешмаларының уртак тырышлыгы гына наркоманиянең таралуына нәтиҗәле каршы торуга мөмкинлек бирә.Аның турында бүген Татарстан Президенты Рөстәм Миңнеханов Россия Наркотикларны күзәтү федераль хезмәтенең Территориаль идарәсе Наркотикка каршы комиссия Һәм коллегиясенең бергә үткәрелгән утырышында чыгыш ясаганда белдерде.Утырыш ТР Хөкүмәт Йортында узды,анда шулай ук Татарстан Республикасы Премьер-министры урынбасары Әсгат Сафаров,Россия Наркотикларны күзәтү федераль хезмәте идарәсенең Татарстан буенча башлыгы полиция генерал-лейтенанты Фаяз Шабаев,республиканың хокук саклау органнары җитәкчеләре катнашты.

 

Бүген мәгълүмати хезмәттәшлек перспективалары хакында Татарстан Республикасы Президенты Рөстәм Миңнеханов Россиянең ИТАР-ТАСС мәгълүмат телеграф агентлыгы генераль директоры Сергей Михайлов белән очрашуда фикер алыштылар. Очрашу ТР Хөкүмәт Йортында узды, республикадан анда “Татмедиа” Республика матбугат һәм массакүләм коммуникацияләр агентлыгы җитәкчесе Ирек Миңнәхмәтов, “Казан шәһәрендәге 2013 елгы XXVII Бөтендөнья җәйге универсиаданың башкарма дирекциясе” генераль директоры Владимир Леонов һ.б катнаштылар.

Татарстан Президенты Рөстәм Миңнеханов Казандагы яңа 4 номерлы шәһәр балалар поликлиникасы һәм ремонтланган 1 номерлы бала тудыру йорты биналарында булды. Аны Казан мэры Илсур Метшин һәм республика сәламәтлек саклау министры Айрат Фаррахов озатып йөрде.

Бүген Татарстан Президенты Рөстәм Миңнеханов Калининград өлкәсе губернаторы Николай Цуканов белән очрашты. Очрашу Казан Кремлендә узды, анда шулай ук вице-премьер – ТР Министрлар Кабинеты Аппараты җитәкчесе Шамил Гафаров, Казан Мэры Илсур Метшин, Калининград өлкәсе Хөкүмәте рәисе урынбасары Александр Рольбанов, Калининград башлыгы Александр Ярошук та катнаштылар.

Шәхси хуҗалыклар һәм фермер хуҗалыклары 3 еллык корылыкта тагын да мобиль һәм нык булып чыкты. Алар уңышсызлыктан шулай ук югалту кичерде, ләкин, иң мөһиме – шул ук вакытта терлек санын киметмәде, дип белдерде бүген ТР Хөкүмәт Йортындагы киңәшмәдә ТР авыл хуҗалыгы һәм азык-төлек министры Марат Әхмәтов.

Бүген Казанда, Г. Камал исемендәге Татар дәүләт академия театрында Татарстанның һәм Россияның Халык артисты, СССР Дәүләт премиясе һәм Татарстан Республикасының Г. Тукай исемендәге Дәүләт премиясе лауреаты Ринат Гарифҗан улы Таҗетдиновның юбилей кичәсе булып узды.
Юбилей кичәсе К. Тинчуринның “Зәңгәр шәл” спектакленнән алынган өзек белән (“Качкыннар” күренеше) башланып китте. Биредә Шәйхи бабай ролен юбиляр үзе башкарды.
Тамаша залы кунаклар белән тулы иде, алар арасында – Татарстан Республикасының беренче президенты, Татарстан Республикасы Дәүләт Киңәшчесе Минтимер Шәймиев, хатыны белән, ТР мәдәният министры Айрат Сибгатуллин, язучы, шагыйрь, мәдәният, фән, мәгариф һәм милли мәсьәләләр буенча ТР Дәүләт Советы Комитеты рәисе Рәзил Вәлиев, шулай ук актерның хезмәттәшләре һәм популяр җырчылар.

Бүген ТР Хөкүмәт йортында киңәшмәдә катнашучылар Казанның тарихи үзәгендә ун төзү проектын карап чыктылар. Киңәшмәне Татарстан Президенты Рөстәм Миңнеханов үткәрде. Киңәшмә барышында, тәкъдим ителгән проектларның шәһәрнең тарихи йөзенә туры килүе тикшерелде.

Бүген Казан Кремлендә “Дакар-2013” ралли-марафоны триумфаторларын –“КАМАЗ-Мастер” командасын хөрмәтләделәр. ТР Президенты Рөстәм Миңнеханов команданың әлеге матур җиңүенә өлеш кертүчеләргә Татарстанның Дәүләт бүләкләрен тапшырды..