Бүген Казан Кремлендә ТР Президенты Рөстәм Миңнеханов Ростов өлкәсе губернаторы Василий Голубев белән очрашты. Бу очрашу Ростов өлкәсе делегациясенең Татарстанга ике көнлек сәфәренең соңгы чарасы булды. ТР Президенты кунакларны республиканың социаль-икътисади потенциалы белән кыскача таныштырды. 2016 нчы елга бурыч – тулай төбәк продуктын 2 трлн. сумга кадәр җиткерергә, дип хәбәр итте Рөстәм Миңнеханов.

2012 елга нәтиҗәләр чыгару һәм 2013 елга бурычлар билгеләү буенча хисап утырышында район башлыгы Мәҗит Салихов чыгыш ясады.

Бүген ТР Премьер-министры Илдар Халиков ТРның Сарман районында эшлекле очрашуда булды. Ул район үзәгендә социаль ипотека программасы буенча төзелгән 33 фатирлы йортны сафка бастыру уңаеннан тантанада катнашты.
“Бүген бездә бәйрәм, - диде муниципаль район башлыгы Нәфис Закиров, яңа йортта фатир алучыларны котлап. – Районда барлык хөкүмәт программалары тормышка ашырыла. Бүгенге көндә район үзәгендә ябык бассейн, әйләнгеч автомобиль юлы, аграр көллияттә спорт залы төзелә. Бу проектларны томрышка ашыруда ярдәм иткән өчен, ТР Президенты Рөстәм Миңнехановка, ТР Премьер-министры Илдар Халиковка, ТР Президенты каршындагы Дәүләт торак фонды директоры Тәлгать Абдуллинга, төзүчеләргә зур рәхмәт. Ә йортка күчүчеләргә шатлык һәм иминлек телим”.

Туполев исемендәге Казан милли тикшеренү техник университетының (КНИТУ-КАИ) профессор-укытучылар составы белән очрашуда Татарстан Республикасы Президенты Рөстәм Миңнеханов киләчәк инженер образын мәктәп эскәмиясеннән формалаштырырга кирәк дип игълан итте. Очрашу КНИТУ-КАИ 1нче уку бинасындагы актлар залында узды. Чарада КНИТУ-КАИ ректоры вазыйфаларын башкаручы Альберт Гыйлметдинов, ТР мәгариф һәм фән министры Энгель Фәттахов, Казан шәһәре мэры Илсур Метшин, Татарстан Республикасы эре предприятиеләре җитәкчеләре катнашты.  КНИТУ-КАИ Казан (Идел буе) федераль университеты һәм Казан милли тикшеренү  технология университеты белән беррәттән республиканың алдынгы югары уку йорты, дип белдерде Рөстәм Миңнеханов. Мәгариф өлкәсендә әлеге өч югары уку йорты безнең локоматив булып тора, дип әйтте ТР Президенты.

Бүген Татарстан Республикасы Президенты Рөстәм Миңнеханов А.Н.Туполев исемендәге Казан милли тикшеренү техник университетының Композит технологияләре үзәгендә булды. Рөстәм Миңнеханов белән КНИТУ-КАИ ректоры вазыйфаларын башкаручы Альберт Гыйлметдинов, ТР мәгариф һәм фән министры Энгель Фәттахов, Казан мэры Илсур Метшин, Казан вертолет заводы (КВЗ) генераль директоры Вадим Лигай һәм башкалар булды. Композит технологияләре үзәге КНИТУ-КАИ №3 уку бинасында урнашкан (Казан, Толстой ур., 15 нче йорт), эшчәнлегенең төп юнәлеше – наномодификацияләнгән бәрелүгә һәм җылыга чыдам композитлар һәм җитештерү технологияләре, алар нигезендә авиа-, авто һәм суднолар төзелеше детальләрен төзү.

Авыл хуҗалыгы, кече һәм урта бизнес, туризм – үсешләренә Кама Тамагы районы икътисадының иң күп потенциалы салынган тармаклар. Бу хакта бүген Татарстан Республикасы Президенты Рөстәм Миңнеханов 2012 ел йомгаклары һәм 2013 елга бурычлар турында район Советы утырышы барышында белдерде.

2013елның 10 мартында Татарстан Республикасы Дәүләт киңәшчесе Минтимер Шәймиев Россия Федерациясенең беренче Президенты Борис Ельцинның хатыны Наина Ельцина белән очрашты.

Бүген Татарстан Республикасына Ростов өлкәсе губернаторы Василий Голубев килде.

“Казан” халыкара аэропортында Василий Голубевны Татарстан Республикасы Премьер-министры Илдар Халиков, ТР Премьер-министр урынбасары – Министрлар Кабинеты Аппараты җитәкчесе Шамил Гафаров һ.б. каршы алды.

Бүген Татарстан Республикасы Президенты Рөстәм Миңнеханов Чечня Республикасында эшлекле сәфәрдә. Грозный шәһәре аэропортында Рөстәм Миңнехановны Чечня Респубикасы башлыгы Рамзан Кадыров каршы алды. Бүген кич Рөстәм Миңнеханов һәм Рамзан Кадыров СОГАЗ 20 нче туры "Рубин-Зенит" футбол матчын (Грозный шәһәре, "Әхмәт-Арена" стадионы) карыйлар.

Бүгенгә Татарстанда 595,3 мең кв.м торак сафка бастырылган, бу - еллык биремнең 25 процентын тәшкил итә. Бу хакта бүген ТР Хөкүмәт Йортында үткән киңәшмәдә төзелеш, архитектура һәм торак-коммуналь хуҗалыгы министры Ирек Фәйзуллин хәбәр итте. Киңәшмәне ТР Президенты Рөстәм Миңнеханов уздырды, анда шулай ук ТР Премьер-министры Илдар Халиков катнашты.