Хөрмәтле Татарстан мөселманнары!
Сезне чын йөрәктән Ураза бәйрәме белән котлыйм!
Әлеге бөек тантана рухи чисталык, яхшы күңеллелек һәм шәфкатьлелек символы булган изге Рамазан ае тәмамлануын билгели. Ул бездә тыйнаклык тәрбияли, барыбызны да тынычлыкка өнди, үз-үзеңне камилләштерергә, олыларга һәм мохтаҗларга ярдәм итәргә өйрәтә. Озын һәм эссе җәйге көннәрдә ураза тоту - Аллаһы Тәгаләгә тугрылыгыбызны исбатлау өчен аерым бер мөмкинлек.

Бүген Казан Кремлендә “Зөянең тарихи-мәдәни һәм рухи мирасы” халыкара конгрессының тантаналы ачылышы һәм пленар утырышы узды.

Казанның тарихи үзәгендә объектларны төзү һәм реконструкцияләү мәсьәләләре буенча киңәшмәне бүген Татарстан Республикасы Президенты вазыйфаларын вакытлыча башкаручы Рөстәм Миңнеханов уздырды. Киңәшмә Татарстан Республикасы Хөкүмәте Йортында үтте, анда ТР Президенты ярдәмчесе Олеся Балтусова, ТР прокуроры Илдус Нәфыйков, Казан мэры Илсур Метшин, Казан шәһәренең баш архитекторы Татьяна Прокофьева һәм башкалар катнашты. 

ТР буенча Эчке эшләр министрлыгының территориаль органнары автопаркы 72 яңа эш машинасы белән тулыланды. Полиция участок уполномоченныйлары һәм патруль-пост хезмәте инспекторларына яңа транспорт ачкычларын ТР Премьер-министры Илдар Халиков һәм ТР буенча эчке эшләр министры Артем Хохорин тапшырды.

Татарстанда Президент академиясенең җәйге кампусын уздыру республикага талант ияләрен җәлеп итү мөмкинлеге тудыра. Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Иннополис шәһәрендә "Президент академиясенең җәйге кампусы" IV Халыкара белем бирү форумын ачу тантанасыннан соң журналистларга әнә шулай дип белдерде.

Бүген Иннополис шәһәрендә яшьләр өчен еллык киңкүләм белем бирү чарасы - "Президент академиясенең җәйге кампусы" IV Халыкара белем бирү форумы үз эшен башлап җибәрде. Җәйге кампусның темасы - "Мөмкинлекләр территориясе: Идеяләр. Кыйммәтләр. Белем". Студентларны Татарстан Президенты вазыйфаларын вакытлыча башкаручы Рөстәм Миңнеханов, Россия Халык хуҗалыгы һәм дәүләт хезмәте академиясе ректоры Владимир Мау, "Россия Саклык банкы" идарәсе рәисе Герман Греф, Россия элемтә һәм гаммәви коммуникацияләр министры Николай Никифоров сәламләде.

Казанда 2015 елгы Спортның су төрләре буенча дөнья чемпионатында катнашучыларны йөртү өчен 136 маршрут билгеләнгән. Бу хакта бүген Казанда 2015 елгы Спортның су төрләре буенча дөнья чемпионаты вакытында транспорт белән тәэмин итү мәсьәләләренә багышланган брифингта “Спорт проектлары башкарма дирекциясе” коммерцияле булмаган автоном оешма генераль директоры урынбасары Азат Галиәхмәтов хәбәр итте. Брифинг ТР Хөкүмәте йортында республиканың барлык муниципаль районнары белән видеоконференцэлемтә режимында узды.