Бүген Чаллыда «КАМАЗ» заводында алюминий ягулык баклары җитештерү буенча яңа линия эшләтеп җибәрелде. Тантанада Татарстан Республикасы Президенты Рөстәм Миңнеханов һәм «Ростех» дәүләт корпорациясе генераль директоры Сергей Чемезов , «КАМАЗ» ГАҖ генераль директоры Сергей Когогин катнашты.

Проект  2017 елда Сәнәгатьне үстерү фонды ярдәме белән гамәлгә ашырыла башлаган. Яңа линия импорттан баклар кертүне алмаштырачак. Җитештерү куәте елына 35 мең бак.

Бүген Татарстан Республикасы Президенты Рөстәм Миңнеханов Чаллыда эш сәфәрендә. Төп максаты – «КАМАЗ» ГАҖ акционерларының еллык гомуми җыелышында катнашу.

Чаллыга эш сәфәре кысаларында Рөстәм Миңнеханов, шәһәр мэры Наиль Мәһдиев белән бергә, Түбән Кама ГЭСының 40 еллыгына багышланган стеланы ачу тантанасында катнашты. Монумент Гидротөзүчеләр урамында урнашкан. Стела гидравлик турбина рәвешендә корылган.

Бүген Татарстан Республикасы Президенты Рөстәм Миңнеханов «Алабуга» махсус икътисадый зонасы территориясендә «Август-Алабуга» заводын ачу тантанасында катнашты. 

«Август» компаниясе – Россиянең үсемлекләрне яклый торган химик чаралар җитештерүче һәм китереп торучы эре компания. Бу завод Татарстанда икенче эре инвестицион проект булды –  2017 елда «Август-Мөслим» авыл хуҗалыгы предприятиесе эшләтеп җибәрелгән иде.

Татарстан Республикасы Президенты Рөстәм Миңнеханов "Яшьләр көне" республика фестивале мәйданчыгында булды. Чара Казанның елга порты бинасы алдындагы мәйданда узды. Татарстан Президентын ТР яшьләр эшләре буенча министры Дамир Фәттахов озата йөрде. 

Бүген Татарстан Республикасы Президенты Рөстәм Миңнеханов рәислегендә «Татнефтехиминвест-холдинг» ААҖ Директорлар советының чираттагы утырышы узды. 

Чара ТР Хөкүмәте Йортында үткәрелде. 

Татарстан Предприятиеләренә гамәлгә кертелергә мөмкин тәкъдимнәр каралды. Утырышта Казахстан делегациясе вәкилләре дә катнашты. 

РФ Идел буе федераль округы убъектларының закон чыгару (вәкиллекле) органнары ассоциациясе эшчәнлеге округ парламентлары арасында элемтәне ныгытуда, закон чыгару өлкәсендә тәҗрибә белән уртаклашуда һәм яңа методларны чыгаруда мөһим җиһаз булып тора. Бу хакта бүген Татарстан Республикасы Президенты Рөстәм Миңнеханов Ассоциациянең Иннополиста узган пленар утырышында белдерде. 

Бүген «ТАИФ» АҖ Директорлар советы утырышында «ТАИФ» АҖ генераль  директоры итеп Руслан Шиһабетдинов сайланды. Татарстан Республикасы Президенты Рөстәм Миңнеханов тәкъдиме буенча Директорлар советы рәисе итеп янәдән «ТАИФ» АҖ җитештерү- коммерция эшчәнлеге буенча урынбасары Рөстәм Сүлтиев сайланды.

Альберт Шиһабетдинов «ТАИФ» АҖ генераль директорының стратегик үсеш буенча киңәшчесе итеп билгеләп куелды.

Бүген Татарстан Республикасы Президенты Рөстәм Миңнеханов «ТАИФ» АҖ акционерларының чираттагы еллык гомуми җыелышында катнашты, анда ТАИФ компанияләр төркеменең һәм акционер җәмгыятьнең 2018 елдагы эшчәнлегенә йомгак ясалды.

«ТАИФ» АҖ генераль директоры Альберт Шиһабетдинов ТАИФ компанияләр төркеменең һәм акционер җәмгыятьнең 2018 елдагы эшчәнлеге нәтиҗәләре турында нотык сөйләде. 

Бүген Татарстан Республикасы Президенты Рөстәм Миңнеханов "Сыйфатлы һәм имин автомобиль юллары челтәрен булдыру турында" мәсьәләсе буенча Россия Федерациясе Дәүләт Советы утырышында катнашты. 

Утырыш Зур Кремль сараенда Россия Федерациясе Президенты Владимир Путин рәислегендә узды. 

Утырышта эш төркеменең юл төзелеше нәтиҗәлеген үстерү, юл ремонты сыйфатын, юл хәрәкәтен оештыруны яхшыртуга юнәлтелгән тәкъдимнәре турында сүз барды. 

Бүген Татарстан Республикасы Премьер-министры Алексей Песошин “Сетевая компания” ААҖ акционерларының еллык гомуми җыелышында катнашты.

Бу чара Татарстан Республикасы Хөкүмәте йортында узды.