Татарстан Республикасында 2016 елның 13 маена 821,1 мең кв.м. торак гамәлгә кертелгән, бу үткән елның шушы чорына карата 101,3 % тәшкил итә.  Бүген бу хакта Татарстан Республикасы Хөкүмәте Йортында узган киңәшмәдә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте. Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министры Илдар Халиков та катнашты.   

Бүген ТР Хөкүмәте Йортында коррупциягә каршы закон таләпләрен үтәү мәсьәләләре буенча семинар узды. Чарада Татарстан Республикасы Президенты Рөстәм Миңнеханов, ТР Премьер-министры Илдар Халиков, РФ Президентының Коррупциягә каршы мәсьәләләр буенча идарәсенең оештыру-аналитик тәэминат департаменты башлыгы Евгений Кузьмин, ТР Президенты Аппараты һәм ТР Министрлар Кабинетының структур бүлекләре, республика министрлыклары һәм ведомстволары җитәкчеләре катнашты.

Татарстан Президенты Рөстәм Миңнеханов Самбо буенча Европа чемпионаты лаеклы төстә үтәр дигән ышаныч белдерде. Бүген Казанның "Ак Барс" Спорт саренда Европа беренчелеге башланды.

Кунакларга һәм турнир катнашучыларына сәламләү сүзе белән Татарстан Президенты Рөстәм Миңнеханов мөрәҗәгать итте. "Бүген Татарстан башкаласында зур бәйрәм - без самбо буенча Европа чемпионатын кабул итәбез һәм бу бик зур ышаныч билгесе. Без бу спорт бәйрәмен лаеклы төстә үткәрербез дип ышанам", - дип белдерде Татарстан Президенты.

Бүген Татарстан Хөкүмәте йортында Татарстан Республикасында иминият базарын үстерү мәсьәләләре буенча фикер алыштылар. Зур иминият компанияләре җитәкчеләре катнашында киңәшмәне ТР Премьер-министры Илдар Халиков уздырды.

Шулай ук бу чарада Россия банкы иминият базары департаменты директоры Игорь Жук, Россия банкы Идел-Нократ баш идарәсенең башлык урынбасары – Татарстан Республикасы буенча Милли банк-бүлеге управляющие Мидһәт Шаһиәхмәтов, Россия автоиминиятчеләр берлеге җитәкчеләре, ТР министрлык һәм ведомстволар, шулай ук төрле иминият компанияләре вәкилләре катнашты.

Бүген Татарстан Республикасы Президенты Рөстәм Миңнеханов Венада "Эрсте" компаниясенең архитектур һәм инфраструктур хәл ителешләре белән танышты.

Бүген Татарстан Республикасы Президенты Рөстәм Миңнеханов Австрия Президенты Хайнц Фишер белән очрашты.
Очрашу Австрия Президенты резиденциясе "Хофбург"та узды.

Бүген Татарстан Республикасы Президенты Рөстәм Миңнеханов Венада Музейлар кварталында булды. 

Музейлар кварталы шәһәр үзәгендә урнашкан һәм төрле мәдәни чаралар үткәрү өчен файдаланыла. Биредә элекке Австрия башкаласының төрле районнарында урнашкан күп төрле музей һәм мәдәният оешмалары берләштерелгән. 

Рөстәм Миңнехановка Музейлар кварталы турында презентация үткәрделәр һәм аны оештыру концепциясен аңлаттылар. 

Бүген кич Татарстан Республикасы Президенты Рөстәм Миңнеханов Австриянең «Мирас» татар җәмгыяте активы вәкилләре белән очрашты.

Очрашу Рөстәм Миңнехановның Венага эш сәфәре кысаларында узды.

Чарада Россиянең Австриядәге Гадәттән тыш һәм Тулы вәкаләтле Илчесе Дмитрий Любинский да катнашты.

Рөстәм Миңнеханов «Мирас» татар җәмгыяте әгъзаларына татар телен, мәдәниятен һәм татар халкының гореф-гадәтләрен саклаган өчен, актив тормыш позициясе өчен рәхмәт белдерде.

Бүген Австриягә эш сәфәре кысаларында (2016 елның 12-13 мае) Татарстан Республикасы Президенты Рөстәм Миңнеханов Венада Дунай яр буен карады.

Яр буен төзекләндерү шәһәр кешеләренә табигать кочагында ял итү өчен уңайлы шартлар тудырган. Монда шәһәрне су басулардан саклау өчен утрау да корылган.  

Бүген Венада Татарстан Республикасы Президенты Рөстәм Миңнеханов Берләшкән милләтләр оешмасы (БМО) генераль секретаре урынбасары, Венадагы бүлеге директоры Юрий Федотов белән очрашты.

Очрашу Венада БМО бүлеге бинасында үтте. Анда шулай ук Сәнәгать үсеше буенча БМО җитәкчелеге (ЮНИДО) һәм Халыкара гамәли системалы анализ институты җитәкчелеге катнашты.