Яңалыклар

02.10.2012

ТР Актаныш районы башлыгы вазыйфасын башкаручы билгеләнгән

Бүген ТР Актаныш муниципаль районы Советының чираттан тыш сессиясендә район башлыгы вазыйфасын башкаручы сайланган. Ул – Фаил Камаев. Моңа кадәр ул Актаныш муниципаль районының Башкарма комитеты җитәкчесе иде.

02.10.2012

Казанда гидрометеорология һәм әйләнә-тирә мохитне күзәтү проблемаларына багышланган халыкара фәнни конференция ачылды

Бүген Казанда гидрометеорология һәм әйләнә-тирә мохитне күзәтү буенча төбәк проблемаларына багышланган халыкара фәнни конференция ачылды. Ул БДБ илләре гидрометеорология буенча дәүләтара советының 24 нче сессиясе кысаларында оештырылган. Чара Казан (Идел буе) федераль университеты базасында уза. Бүген конференциянең ачылышы УНИКСның кече залында ТР Премьер-министры Илдар Халиков, Гидрометеорология һәм әйләнә-тирә мохитне күзәтү буенча федераль хезмәт җитәкчесе Александр Фролов, Бөтендөнья метеорология оешмасы генераль секретаре Мишель Жарро катнашында үтте.

02.10.2012

Рөстәм Миңнеханов Төркия компанияләре вәкилләре белән очрашты

Бүген Татарстан Президенты Рөстәм Миңнеханов Төркиянең “Коч Холдинг”, “Ренессанс” һәм “Форд Отосан” компанияләре вәкилләре белән очрашты. ТР Хөкүмәт йортында узган очрашуда вице-премьер – республика сәнәгать һәм сәүдә министры Равил Зарипов, Татарстан төзелеш, архитектура һәм торак-коммуналь хуҗалык министры Ирек Фәйзуллин, ТР Президентының халыкара мәсьәләләр буенча ярдәмчесе Радик Гыйматдинов, “КАМАЗ” ААҖ генераль директоры Сергей Когогин, “Түбән Кама Нефтехим” ААҖ генераль директоры Владимир Бусыгин катнашты. Төркия делегациясен Төркия-Россия эшлекле советы рәисе Эрман Ылыджак җитәкли.

02.10.2012

Татарстан Президенты Төркиянең Казандагы яңа консулы белән очрашты

Бүген Татарстан Президенты Рөстәм Миңнеханов Төркиянең Казандагы яңа консулы Сабри Тунч Ангылы белән очрашты. ТР Хөкүмәт йортында узган очрашуда ТР Президентының халыкара мәсьәләләр буенча ярдәмчесе Радик Гыйматдинов катнашты.

01.10.2012

ЮНЕСКО экспертлары Болгар һәм Зөя шәһәр утравының һәйкәлләре белән танышты

Татарстанда - Һәйкәлләр һәм истәлекле урыннарны саклау буенча Халыкара совет (ИКОМОС), ЮНЕСКО Бөтендөнья мирасы комитеты консультатив органы экспертлары, Виши Золт һәм Гергели Надь. Сәфәрләренең максаты - Болгар һәм Зөя шәһәрләре белән әлеге тарихи һәйкәлләрне ЮНЕСКО Бөтендөнья мирасы исемлегенә кертү буенча башланган эш кысаларында танышу.

01.10.2012

Казанда Россия төбәкләрендәге бала хокуклары буенча вәкаләтле вәкилләрнең VI Бөтенроссия съезды ачылды

Бүген Казанда Россия төбәкләрендәге бала хокуклары буенча вәкаләтле вәкилләрнең VI илкүләм съезды ачылды. Казан Ратушасында съездның ачылыш тантанасы Бала хокуклары буенча РФ Президенты каршындагы Вәкаләтле вәкил Павел Астахов һәм ТР Президенты Рөстәм Миңнеханов катнашында узды. Җыенда бала хокуклары буенча ил төбәкләрендәге вәкаләтле вәкилләрдән тыш, федераль ведомстволар, иҗтимагый һәм эксперт оешмалары вәкилләре дә катнаша.

01.10.2012

ТР Премьер-министры Татарстанның яңа мәгариф министрын тәкъдим итте

Бүген ТР Премьер-министры Илдар Халиков Татарстан Республикасының яңа мәгариф һәм фән министрын тәкъдим итте. Хөкүмәт җитәкчесе ТР Президентының ТР Актаныш районының элеккеге башлыгы Энгель Фәттаховны Татарстан Республикасы мәгариф һәм фән министры итеп билгеләү турындагы Указын укыды. Традиция буенча яңа билгеләнгән министрга портфель һәм значок тапшырылды.

01.10.2012

Рөстәм Миңнеханов Шамил Тарпищев белән очрашты

ТР Президенты Рөстәм Миңнеханов Россия теннис федерациясе президенты Шамил Тарпищев белән очрашты. Очрашуда шулай ук ТР яшьләр эшләре, спорт һәм туристлык министры, Идел буе спорт һәм туристлык академиясе ректоры Йосыф Якубов катнашты.

29.09.2012

Казанда полиция хезмәткәрләре арасында дзюдо буенча дөнья чемпионаты старт алды

Бүген Казанда “Ак барс” көрәш сараенда полиция хезмәткәрләре арасында дзюдо буенча дөнья чемпионаты старт алды. Россиянең спорт башкаласына 11 илдән: Австрия, Болгария, Бразилия, Чехия, Венгрия, Кувейт, Нидерланд, Россия, һ.б.- катнашучылар килгән.

29.09.2012

Фәрит Мөхәммәтшин Баулы районында өлкәннәр һәм инвалидлар йортында булды

Бүген ТР Баулы шәһәрендә Өлкәннәр көненә багышланган зур ярминкә үтте. Бәйрәмдә ТР Дәүләт Советы Рәисе Фәрит Мөхәммәтшин булды. Баулы шәһәренең үзәк мәйданында якты төсләрдән һәм продуктларның күплегеннән күзләр уйный. Киштәләр табигатьнең байлыклары белән тулы: бал, яшелчәләр, ит, балык һ.б.