ТР һәм Төркия бер-берсенә тарихи якын, шуңа күрә Татарстан Россиядә Төркия бизнесы өчен плацдарм була ала. Бу хакта бүген ТР Президенты Рөстәм Миңнеханов Бурса провинциясе губернаторы Шахабеттин Харпут белән очрашуында белдерде. Очрашу Бурсада, губернаторның рәсми резиденциясендә үтте.

Бүген ТР Президенты Рөстәм Миңнеханов Бурса провинциясендә Sisecam компаниясенең пыяла фабрикасында булды. Республика башлыгы җитештерү белән танышты, шулай ук компания җитәкчелеге белән “Алабуга” МИЗда инвестицион проектны тормышка ашыру мәсьәләсе турында сөйләште.

Бүген ТР Президенты Рөстәм Миңнеханов эшлекле сәфәр белән Төркия Республикасына килеп җитте. Аны Бурса провинциясенең "Енишеһир" халыкара аэропортында провинция губернаторы Шахабеттин Харпут каршылады.

Бүген Татарстан Республикасы Президенты Рөстәм Миңнеханов белән ТР Дәүләт киңәшчесе Минтимер Шәймиев борынгы Болгар шәһәрендә булды. Алар эш сәфәре кысаларында Хан сараен карады һәм Табиб йорты, һөнәрчелек остаханәләрен ачу тантанасында катнашты.

Бүген һәркайсыбызның күңелендә кечкенәдән уелып килгән кадерле бәйрәмнәрнең берсе – Халыкара Укытучылар көне билгеләп үтелә. Казанда мөгаллимнәрне Г. Камал исемендәге Татар дәүләт академия театрында хөрмәтләделәр.

Бүген ТР Президенты Рөстәм Миңнеханов белән Голландиянең DSM компаниясе генераль директоры һәм идарә рәисе Фейке Сибесманың Хөкүмәт йортында үткән очрашуында хезмәттәшлек перспективалары һәм уртак проектларны гамәлгә ашыру мөмкинлекләре каралды.

Бүген ТР Дәүләт Советы Рәисе Фәрит Мөхәммәтшин Татарстан Республикасы Конституциясен кабул итүгә 20 ел тулу алдыннан агымдагы елның 2-3 ноябрь көннәрендә Казанда үткәреләчәк “Яңа федератив Россиянең формалашуы: Татарстан Республикасының конституцион законнар иҗат итү тәҗрибәсе” дип аталган халыкара фәнни-гамәли конференцияне әзерләү буенча оештыру комитеты утырышын уздырды.

Бүген ТР Премьер-министры Илдар Халиков гражданнар оборонасына бәйле Бөтенроссия укуларын уздыру буенча селектор киңәшмәдә катнашты, аны Россия Премьер-министры Дмитрий Медведев уздырды.

Дүртенче чакырылыш ТР Дәүләт Советының утыз өченче утырышы 11 октябрьдә узачак. Бүген бу хакта Татарстан парламенты башлыгы Фәрит Мөхәммәтшин җитәкчелек иткән Президиум утырышында хәбәр ителде.