Бүген Татарстан Президенты Рөстәм Миңнеханов төзелеп килүче һәм яңа гына төзелеп беткән Казандагы Бөтендөнья Универсиадасы объектларын әйләнеп чыкты. Аны Казан мэры Илсур Метшин,  ТР төзелеш, архитектура һәм ТКХ министры Ирек Фәйзуллин, ТР  яшьлəр эшлəре, спорт һəм туризм министры Рафис Борһанов, Универсиада  Дирекциясе башлыгы  Владимир Леонов озата бардылар.

«Казан-Арена» футбол стадионын тиешле санитар-экологик халәткә китерер өчен Татарстан Республикасы муниципаль районнарыннан волонтерлар ярдәме кирәк булачак. Тр Хөкүмәт Йортындагы республика киңәшмәсендә бүген бу хакта ТР экология һәм табигый байлыклар министры Артем Сидоров белдерде. Киңәшмәне Татарстан Республикасы Президленты Рөстәм Миңнеханов уздырды. Киңәшмә эшендә ТР Премьер-министры Илдар Халиков катнашты. Киңәшмә гадәттәгечә бөтен муниципаль районнар белән видеоконференцэлемтә режимында узды, шулай ук киңәшмә on-line  режимда интернет челтәре аша трансляцияләнде (ТР Хөкүмәтенең рәсми порталиндагы сылтамада www.prav.tatarstan.ru)

Татарстан Республикасында 2013 елның 30 июне торышына 21466 күп балалы гаилә җир кишәрлекләрен алуга гариза язган.  Бу хакта бүген Татарстан Республикасы Хөкүмәте Йортында  җир һәм мөлкәт мөнәсәбәтләре министры Азат Хамаев хәбәр итте. ТР Хөкүмәт Йортында киңәшмәне Татарстан Республикасы Президенты Рөстәм Миңнеханов уздырды. Киңәшмә эшендә ТР Премьер-министры Илдар Халиков катнашты. Киңәшмә гадәттәгечә бөтен муниципаль районнар белән видеоконференцэлемтә режимында узды, шулай ук киңәшмә on-line режимда интернет челтәре аша трансляцияләнде (ТР Хөкүмәтенең рәсми порталиндагы сылтамада www.prav.tatarstan.ru). 

2020 елга Татарстан Республикасы торакны 1 кеше башына 1 кв. метр исәбеннән файдалануга тапшыруга ирешәчәк, торакны файдалануга тапшыру планы - 3 млн. 957 мең кв. метр. Республика алдына мондый бурычны федераль үзәк куя. Бүген республика киңәшмәсендә билгеләп үткәнчә хакта Татарстан Республикасы төзелеш, архитектура һәм ТКХ министры Ирек Фәйзуллин хәбәр итте. Киңәшмәне Татарстан Республикасы Хөкүмәте Йортында Татарстан Республикасы Президенты Р.Н. Миңнеханов уздырды. Киңәшмә эшендә Татарстан Республикасы Премьер-министры Илдар Халиков та катнашты. Гадәттәгечә чара видеоконференцэлемтә режимында барлык республика муниципаль берәмлекләре белән узды, киңәшмә on-line режимында интернет челтәрендә трансляцияләнде (Татарстан Республикасы Хөкүмәтенең рәсми порталында www.prav.tatarstan.ru)

Бүген Казанда рәсми рәвештә Бөтендөнья җәйге Универсиада кысаларында Уеннар Авылы үзенең эшен башлап җибәрде. Тантаналы ачылышта Татарстан Президенты Рөстәм Миңнеханов, Россия Федерациясенең спорт министры Виталий Мутко, FISU президенты Клод-Луи Галльен, Казан мэры Илсур Метшин, Россия студентлар спорт берлеге президенты Олег Матыцин катнашты.

Бүген борынгы татар-башкорт бәйрәмен карарга “Коломенское” музей-тыюлыгына 150 мең чамасы мәскәүле һәм башкала кунаклары килгән иде. Мәскәү Сабантуе - иң зур бәйрәм. Милли бәйрәмгә килгән дәрәҗәле кунаклар арасында Мәскәү мэры вазыйфаларын башкаручы Сергей Собянин һәм Татарстан Дәүләт Советы Рәисе Фәрит Мөхәммәтшин бар иде.

IV Бөтенроссия авыл Сабан туе бүген Пермь краеның Барда авылында ачылды. Бәйрәм кунакларын һәм катнашучыларны Россия Федерациясе Президентының Идел буе федераль округындагы (ПФО) тулы вәкаләтле вәкил урынбасары Леонид Гильченко, Татарстан Республикасы Президенты Рөстәм Миңнеханов, Пермь крае губернаторы Виктор Басаргин, Башкортстан Республикасы Хөкүмәте вице-премьеры Салават Сәгыйтов сәламләделәр.

Сабан туеның иң беренче күренеше булып, татар халкының милли ашы -“кош теле” әзерләү буенча Россия рекордын кую булды. Пермь аш-су осталары бәйрәм өчен махсус рәвештә 202 кг 336 гр баллы ризыклар әзерләгәннәр.

Бүген Татарстан Республикасы Президенты Рөстәм Миңнеханов Пермь краенда (Барда авылы) IV Бөтенроссия авыл Сабан туенда катнаша. Эшлекле сәфәр барышында Рөстәм Миңнеханов һәм аны озатып йөрүчеләр Барда авылының Җәмигъ мәчетендә булачак, Барда авылының үзәк мәйданына куелган шагыйрь Габдулла Тукай бюстына чәчәкләр куячак.

Бүген Яр Чаллыда “Ростехнологии” дәүләт корпорациясе генераль директоры, “КАМАЗ” ААҖ Директорлар Советы рәисе Сергей Чемезов рәислегендә “КАМАЗ” ААҖ акционерларының еллык гомуми җыелышы узды. Анда Татарстан Республикасы Премьер-министры Илдар Халиков, “КАМАЗ” ААҖ генераль директоры Сергей Когогин катнашты.

“КАМАЗ” кыска вакыт эчендә дөньяның йөк машиналары җитештерүчеләре арасында лаеклы урын яулады, партнер буларак зур немец җитештерүчесе - Daimler компаниясен җәлеп итә алды,-дип белдерде Сергей Чемезов. Соңгы елларда компания производствоны һәм йөк машиналарын яңартуга акчалар тотты, предприятиеләрдә чыгымнарны киметү буенча программа кертте. Акционерлар “КАМАЗ”ның тотрыклы финанс хәлен бәяләделәр, һәм 20 ел эчендә беренче тапкыр дивидендлар түләү турында карар кабул ителде. “КАМАЗ” ААҖ нең 2020 нче елга кадәр язылган планнары аңа Россиядә һәм БДБ илләрендә йөк машиналарын сату буенча алдынгылар урынын сакларга мөмкинлек бирә”.

ТР Президенты Рөстәм Миңнеханов “Татнефть” ААҖ акционерларына республиканың нәрсә хисабына якындагы ун елда нефть чыгару дәрәҗәсен 32 млн. т күләмендә саклаячагын сөйләде. Аның сүзләренчә, бүген “Татнефть”нең нефть чыгару урыннары – нефть сәнәгатенең барлык сегментлары буенча нәтиҗәле технологияләрне үзләштерү полигоннары.