Бүген Мәскәүнең Шереметьево аэропортында “Дакар-2014” ралли-рейды җиңүчеләре – “КАМАЗ-Мастер” командасын тантаналы төстә каршы алдылар. Җиңүчеләрне Татарстан Премьер-министры Илдар Халиков, “Ростех” дәүләт корпорациясе башлыгы Сергей Чемезов, “КАМАЗ” ААҖ генераль директоры Сергей Когогин, ТР дан Дәүләт Думасы депутаты Әлфия Когогина һәм бик күп җанатарлар сәламләде.

Гражданлык хәле актларын теркәү (ЗАГС) органнары республика халкы тормышында әһәмиятле роль уйный, һәм аларның эшчәнлеге Татарстан җитәкчелеге тарафыннан куелган бурычларга туры килергә тиеш. Бу хакта бүген ТР Премьер-министры урынбасары Юрий Камалтынов ТР Министрлар Кабинетының Гражданлык хәле актларын теркәү идарәсе коллегиясе утырышында белдерде.

Бүген ТР Транспорт һәм юл хуҗалыгы министрлыгында үткән түгәрәк өстәлдә Татарстан Республикасы территориясендә асфальт-бетон катышмасына полимер-битум ябыштыручы өстәлмәләр җитештерү перспективалары турында фикер алыштылар. Түгәрәк өстәл утырышын Татарстан республикасы Президенты Рөстәм Миңнеханов җитәкләде. Шулай ук утырышта ТР транспорт һәм юл хуҗалыгы министры Ленар Сафин, "Татнефть" ААҖ генераль директоры Наил Маганов, "Түбән Кама нефть химиясе" ААҖ Директорлар советы рәисе Владимир Бусыгин, "Татнефтехиминвест-холдинг" ААҖ генераль директоры Рафинат Яруллин һәм башка нефть химиясе һәм юл төзелеше өлкәсендәге белгечләр катнашты. и другие специалисты в области нефтехимии и дорожного строительства.

Иннополис объектлары төзелешенә 2014 нче елда якынча 13 милилард сум акча каралган. “Смарт Сити Казан” төзелеше мәйданында башкарылучы проект эшләренә 1 миллиард сум тирәсе акчаны үзләштерү күздә тотыла. Бу хакта бүген ТР Хөкүмәт йортында узган брифингта журналистларга ТР төзелеш, архитектура һәм торак-коммуналь хуҗалык министры Ирек Фәйзуллин хәбәр итте.

Бүген ТР Хөкүмәт Йортында 2013нче ел нәтиҗәләре буенча Татарстан прокуратурасы коллегиясенең утырышы булды. Аның эшендә Татарстан Президенты Рөстәм Миңнеханов, ТР Дәүләт Советы Рәисе Фәрид Мөхәммәтшин һәм РФ генераль прокуроры киңәшчесе Александр Гаврилов катнаштылар.

Татарстан Республикасы буенча ЭЭМнең бөтен куәте башка хокук саклау органнары һәм структуралары, дәүләт хакимияте органнары белән берләшкән команда буларак эшли белү сәләтеннән гыйбарәт. Бүген Татарстан Республикасы Президенты Р.Н. Миңнеханов Татарстан Республикасы буенча Эчке эшләр министрлыгының йомгаклау коллегиясендә шундый фикер әйтте. Коллегия эшендә шулай ук Россия Федерациясе эчке эшләр министры урынбасары – Россия ЭЭМның Тикшерү департаменты башлыгы Юрий Алексеев, Татарстан Республикасы Дәүләт Советы Рәисе Фәрит Мөхәммәтшин һәм башкалар катнашты.

Бүген Казан Кремлендә “Яңарыш” республика фондының Хәйриячеләр китабының IV томын һәм Рәхмәт хатларын тапшыру тантанасы булды. Хәйриячеләргә бүләкләрне ТР Дәүләт Киңәшчесе, “Яңарыш” республика фондының Попечительләр советы рәисе Минтимер Шәймиев тапшырды.