Татарстан Республикасының хокук саклау органнары җитәкчеләренең координацион киңәшмәсенең киңәйтелгән утырышын бүген Татарстан Республикасы Президенты Рөстәм Миңнеханов уздырды. Татарстан Республикасы прокуратурасында узган утырышта төп мәсьәлә законсыз уен бизнесына каршы көрәш буенча өстәмә чаралар булды. Чарада ТР Премьер-министры Илдар Халиков, республика башкарма органнарының, ТР Югары һәм Арбитраж суд, хокук саклау органнары вәкилләре, мниципаль берәмлекләр башлыклары һәм Казан, Чаллы, Әлмәт прокурорлары, ТР прокуратурасы Идарәсе һәм бүлекләре начальниклары катнашты. 

Татарстан Республикасы буенча Росреестр идарәсенең һәм “Федераль кадастр палатасы” ФДБУнең Татарстан Республикасы буенча филиалының мөһим роле күчемсез мөлкәт базары эшчәнлеген оештырудан гыйбарәт дип билгеләп үтте бүген Татарстан Республикасы Президенты Рөстәм Миңнеханов казанда узган ведомстволарның йомгак коллегиясенең киңәйтелгән утырышында.

Бүген “Казан” милли мәдәният үзәгендә, Россия прокуратурасы хезмәткәрләренең һөнәри бәйрәмнәре якынлашуы уңаеннан, Татарстан прокуратурасы органнарында хезмәт итүчеләр өчен бәйрәм чарасы оештырылды. Республика прокуратурасы вәкилләрен Татарстан Президенты Рөстәм Миңнеханов тәбрикләде. Тантанада шулай ук ТР Президент Аппараты җитәкчесе Әсгать Сәфәров, республиканың хокук саклау органнары җитәкчеләре, Татарстанның элеккеге прокуроры Кафил Әмиров катнашты.

Бүген ТР Хөкүмәт Йортында узган брифингта Татарстанда Яңа ел һәм Раштуа бәйрәмнәрен үткәрүгә йомгак ясалды.

Православие динендәге хөрмәтле ватандашлар!  Cезне ихластан Раштуа бәйрәме белән тәбрик итәм! Бөтен дөнья христианнарының йөрәкләрендә, өйләрендә яңадан олы тантана. Христосның тууы турында хәбәр бирүче нурлы, яшәү рухы өсти торган зур бәйрәм – Раштуа килде.

Бүген Түбән Камада җәмәгать судьялары өчен бина ачылды. Тантаналы чарада Татарстан Президенты вазыйфаларын башкаручы, ТР Премьер-министры Илдар Халиков, шәһәр мэры Айдар Метшин, республиканың Югары суды рәисе Илгиз Гыйләҗев, юстиция министры Лариса Глухова, Суд департаменты идарәсе башлыгы Җәүдәт Салихов, Татарстанның шәһәр һәм район судлары рәисләре катнашты.

2013 елда Татарстан Республикасында 480 мең тонна терлек һәм кош ите җитештерелгән. Бу хакта бүген Татарстан Республикасы Хөкүмәт Йортында узган республика киңәшмәсендә ТР авыл хуҗалыгы һәм азык-төлек министрының терлекчелек буенча урынбасары Нәҗип Хаҗипов хәбәр итте.
Киңәшмәне республиканың барлык муниципаль районнары белән видеоконференцэлемтә режимында Татарстан Республикасы Премьер-министры Илдар Халиков уздырды.