Татарстан һәм Берләшкән Гарәп Әмирлекләренең (БГӘ) үзара инвестицион хезмәттәшлеге үсеше перспективалары турында бүген Kazansummit-2014 кысаларында узган Татарстан – Әмирлек эшлекле форумында катнашучылар фикер алыштылар. Форумда Татарстан Премьер-министры Илдар Халиков, БГӘнең икътисад министры Солтан бине Сәед әл Мансури , БГӘ эшмәкәрлек делегациясе әгъзалары катнашты.

Алга таба үзара файдалы хезмәттәшлек мәсьәләләре турында бүген очрашуларында Татарстан Республикасы Президенты Рөстәм Миңнеханов һәм Берләшкән Гарәп Әмирлекләренең Икътисад министры Солтан Сәед Мөхәммәт әл-Мансури сөйләштеләр. Очрашу Казанда Халыкара мәгълүмат үзәгендә Kazansummit 2014форумы кысаларында узды.

Казанда Kazansummit 2014 Россия һәм Ислам Хезмәттәшлеге оешмасы илләренең алтынчы халыкара икътисадый саммитын уздыру Россия регионнарының инвестицион потенциалын күрсәтергә мөмкинлек бирә, безнең ислам дөньясы белән аралашырга әзер булуыбызны белдерә. Бүген бу хакта Татарстан Республикасы Президенты Рөстәм Миңнеханов Kazansummit 2014 кысаларында «Россия һәм ИХО илләре: инвесторларның, бизнесның һәм хакимиятнең стратегик иминлек мәсьәләләрен хәл итүдәге хезмәттәшлеге» стратегик форумында чыгыш ясаганда белдерде. Рөстәм Миңнеханов ассызыклаганча, ислам дөньясы гаять күп табигать, хезмәт һәм рухи байлыкларны саклаучы булып тора. Мөселман дәүләтләре белән багланышларны үстерү – Россия тышкы сәясәтенең өстенлекле юнәлешләреннән берсе.

Бүген Татарстан Республикасы Президенты Рөстәм Миңнеханов Kazansummit 2014 Россия һәм Ислам Хезмәттәшлеге Оешмасы илләренең VI халыкара икътисадый саммиты кысаларында узган эшлекле ашта катнашты. Эшлекле ашның темасы: "Киләчәк бүген ясала: Россия төбәкләре портреты. Россия Федерациясе регионнары икътисадларының дөнья системасына интеграциясе".

Бүген Татарстан Республикасы Президенты Рөстәм Миңнеханов Россия Федерациясе Федераль Собраниесе Федерация Советы Рәисе урынбасары Ильяс Умаханов белән эшлекле очрашу уздырды. Очрашу Халыкара мәгълүмат үзәгендә (МИЦ) Казнда Kazansummit 2014 Россия һәм Ислам Хезмәттәшлеге Оешмасы илләренең VI халыкара икътисадый саммиты кысаларында узды.

Бүген Татарстан Республикасы Президенты Рөстәм Миңнеханов Индонезия Республикасы Халык консультатив конгрессы(Парламентының Югары Палатасы) регионнары вәкилләре Советы Рәисе Ирман Гусман белән очрашты. Очрашу Казан Кремлендә узды, Татарстан ягыннан анда Татарстан Республикасы Премьер-министры урынбасары Юрий Камалтынов, Татарстан Республикасы Президентының тышкы икътисадый эшчәнлек буенча ярдәмчесе Радик Гыйматдинов, республика мәдәният министры Айрат Сибәгатуллин, Татарстан Республикасы Инвестицион үсеш агентлыгы җитәкчелеге Линар Якупов, Туризм буенча Татарстан Республикасы дәүләт комитеты рәисе Сергей Иванов һәм башкалар катнашты.

Иртәгә, 5 июньдә Казанда Россия һәм Ислам хезмәттәшлеге оешмасы илләренең Kazansummit VI халыкара икътисади форумы кысаларында “Халыкара азык-төлек куркынычсызлыгы” стратегик форумының туры трансляциясе ТР Хөкүмәте порталында алып барылачак.