Яңалыклар
Татарстан һәм Ислам үсеш банкын бик җылы мөнәсәбәтләр бәйли. Бу хакта бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Ислам үсеш банкы Төркеме президенты Әхмәд Мөхәммәд Али әл Мәдәни белән очрашуда белдерде. Очрашу “Корстон” КСККда VII Россия һәм Ислам хезмәттәшлеге оешмасы илләренең KazanSummit-2015 халыкара икътисадый саммиты кысаларында үтте. Чарада шулай ук Россия Тышкы эшләр министрлыгының махсус йөкләмәләр буенча илчесе Константин Шувалов, ТР Премьер-министрының беренче урынбасары Алексей Песошин, ТР Президенты ярдәмчесе Радик Гыйматдинов һәм башкалар катнашты.
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Идел буе Болгар дәүләтендә Исламны рәсми төстә кабул итүгә 922 елга багышланган "Изге Болгар жыены"н бәйрәм итүдә катнашты. Чара Борынгы Болгар шәһәре территориясендә узды. Быел бәйрәмгә Россияненең төрле төбәкләреннән һәм чит илләрдән 30 меңнән артык кунак килгән. Тантанада шулай ук Татарстан Республикасы Дәүләт Киңәшчесе Минтимер Шәймиев, Татарстан Республикасы Дәүләт Советы Рәисе Фәрит Мөхәммәтшин, Татарстан Республикасы мөселманнары Диния нәзарәте рәисе мөфти Камил хәзрәт Сәмыйгуллин, Россия Югары мөфтие Россия мөселманнары Үзәк Диния нәзарәте рәисе шәйхелислам Тәлгать Таҗетдин, Россия мөфтиләре шурасы һәм Россия мөселманнары Диния нәзарәте рәисе Равил Гайнетдин, Төньяк Кавказ мөселманнарының координацион үзәге рәисе мөфти Исмәгыйль хаҗи Бердиев һәм башкалар катнашты.
Бүген Болгарда “Ак мәчет” комплексында “Изге Болгар җыены” бәйрәме кысаларында “Россия мөселманнарының социаль доктринасы” имзаланды. Тантаналы чарада Татарстан Республикасы Президенты вазыйфаларын вакытлыча башкаручы Рөстәм Миңнеханов, Татарстан Республикасы Дәүләт Киңәшчесе Минтимер Шәймиев һәм Россия үзәкләштерелгән дини оешмалар башлыклары катнашты.
Бүген ислам дөньясы зур сынаулар кичерә, бу авырлыкларны без, бердәм булсак кына, җиңеп чыга алачакбыз. Бүген бу хакта Татарстан Республикасы Президенты вазыйфаларын вакытлыча башкаручы Рөстәм Миңнеханов VI бөтенроссия татар дини эшлеклеләре форумының "Милли үзенчәлек һәм дин" темасына багышланган пленар утырышында хәбәр итте. Чара Казанда 2015 елның 12 июненнән алып 14 июненә кадәр "Корстон" КСККда уза.
Утырышта шулай ук Татарстан мөфтие Камил Сәмыйгуллин, Россия Мөфтиләре советы рәисе Равил Гайнетдин, ҮМДН рәисе Тәлгать Таҗетдин, Россия Ислам институты ректоры Рәфыйкъ Мөхәммәтшин, Бөтендөнья татар конгрессы Башкарма комитеты рәисе Ринат Закиров һәм башкалар катнашты.
Бу чара Ленинград өлкәсе Всеволожск районы Энколово авылында узды, анда Ленинград өлкәсе губернаторы вазифаларын вакытлыча башкаручы Александр Дрозденко, Башкорстан Республикасы Корылтае - Дәүләт җыены рәисе урынбасары Юмабикә Ильясова һәм башка дәрәҗәле кунаклар катнашты.
Бүген Чаллыда Сабантуен бәйрәм итәләр. Бәйрәм чараларында Татарстан Республикасы Президенты вазыйфаларын вакытлыча башкаручы Рөстәм Миңнеханов һәм Татарстан Республикасы Премьер-министры урынбасары Васил Шәйхразыев катнаша.
Быел Чаллыдагы бу бәйрәмгә Казан шәһәре мэры Локман Эртөрек җитәкчелегендәге Төркия делегациясе һәм Абхазия Премьер-министры Артур Миквабия җитәкчелегендәге республика делегациясе әгъзалары да барды.
Татарстан Республикасы Дәүләт торак инспекциясе мәгълүматлары буенча, 42 муниципаль берәмлектә 999 объектның 996 сында торак йортларны капиталь ремонтлау программасы буенча эш башланган. Бу хакта Татарстан Республикасы Хөкүмәте йортында узган республика киңәшмәсендә Татарстан Республикасы төзелеш, архитектура һәм торак-коммуналь хуҗалык министры Ирек Фәйзуллин белдерде. Киңәшмәне барлык мунициципаль районнар белән видеоконференцэлемтә режимында Татарстан Республикасы Президенты вазыйфаларын вакытлыча башкаручы Рөстәм Миңнеханов уздырды. Киңәшмәдә шулай ук Татарстан Республикасы Премьер-министрының беренче урынбасары Алексей Песошин да катнашты.
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Идел елгасы яры буйларын йөреп чыкты. Аны Татарстан Республикасы төзелеш, архитектура һәм ТКХ министры Ирек Фәйзуллин, Татарстан Республикасы Прокуроры Илдус Нәфыйков, Татарстан Республикасы Президенты ярдәмчесе Олеся Балтусова, Татарстан Республикасы Президенты ярдәмчесе Наталия Фишман һәм башкалар озата йөрде.
Татарстан Россия нык ил булсын өчен барысын да эшли. ТР Президенты вазыйфаларын вакытлыча башкаручы Рөстәм Миңнеханов Россия көненә багышланган бәйрәмдә шулай дип белдерде. "Төбәкләр нык булса, илебез дә нык булыр. Татарстан моның өчен барын да эшли һәм безнең төп көч - балаларыбыз, яшьләребез", - диде ул. Бәйрәм кунакларын котлап, Рөстәм Миңнеханов ил һәм республика казанышлары өчен горурлануын белдерде.
Creative Commons Attribution 4.0 International
Хата таптыгызмы? Сүзне яки җөмләне билгеләгез һәм CTRL+ENTER басыгыз