ТР Президенты Рөстәм Миңнеханов бүген Хөкүмәт йортында РФ Хисап палатасы аппараты җитәкчесе Сергей Шахрай белән очрашты. Очрашуда шулай ук ТР яшьләр эшләре, спорт һәм туризм министры Рафис Борһанов, Казан мэры Илсур Метшин, ТР Хисап палатасы рәисе Алексей Демидов катнашты.

Бүген Татарстан Президенты Рөстәм Миңнехановка агросәнәгать комплексы өлкәсендә “Яңа авыл” инвестиция проектын тәкъдим иттеләр. Бу чара ТР Президенты эшлекле визит белән барган Чүпрәле муниципаль районы Мәдәният йортында узды.

Бүген Татарстан Президенты Рөстәм Миңнеханов республиканың Чүпрәле муниципаль районына эшлекле визиты кысаларында Иске Чүпрәле 1 нче номерлы гомумбелем бирү мәктәбендә булды.

Иске Чүпрәле авылындагы мәктәп – Татарстанның иң борынга уку йортларының берсе. Аңа 1900 елда нигез салынган. 2008 елда заманча җиһазландырылган яңа бина төзелгән.

ТР Премьер–министры Илдар Халиков Тәтеш муниципаль районына эшлекле сәфәр кыла.

Тәтештә ТР Хөкүмәте башлыгы төзелә торган микрорайонны карады һәм яңа фатирларга Бөек Ватан сугышы ветераннарын урнаштыру тантанасында катнашты. Яңа фатир 18 ветеранга һәм сугышта катнашучыларның тол хатыннарына бирелде.

Бүген Россия Гадәттән тыш хәлләр министрлыгының ТР буенча Баш идарәсе коллегиясенең гражданнар оборонасы һәм гадәттән тыш хәлләрне кисәтү, килеп чыкканнарын бетерү буенча эшчәнлегенә багышланган утырышында катнашкан ТР Премьер-министры Илдар Халиков, янгыннар буенча катлаулы булган узган елдагы уңышлы эшчәнлегегез өчен Татарстан Президенты һәм Хөкүмәте, барлык татарстанлылар исеменнән янгын сүндерү-коткару хезмәтендә эшләүчеләрнең һәркайсына олы рәхмәт белдерәм, дип мөрәҗәгать итте. Республиканың былтыр 2,5 мең кешесе үлемнән коткарылган, ә кеше гомерен берни белән чагыштырып та, алыштырып та булмый, хәтта үз гомерләре бәрабәренә кешеләрне коткарырга ашыккан фидакарьләр арабызда яши, алар – сезнең сафта, Татарстан Гадәттән тыш хәлләр министрлыгы эшчәнлегенең төп нәтиҗәсе – коткарып калынган кешеләр гомере, диде Хөкүмәт җитәкчесе.

Бүген Россия Гадәттән тыш хәлләр министрлыгының ТР буенча Баш идарәсе уку-күнегүләр узу манежында VII Бөтенроссия янгынчылык-гамәли спорты буенча ТР Премьер-министры Кубогына ярышлар башланды. Анда Татарстан, Башкортстан, Марий Эл, Чувашия, Удмуртия Республикалары, Пермь крае, Самара һәм Рязань өлкәләре, Санкт-Петербург белән Иваново шәһәрләреннән һ.б. төбәкләрдән 20 команда (һәркайсының составында 8 зур кеше һәм 6 яшүсмер) җитезлектә һәм осталыкта көч сынаша. Татарстан данын исә Түбән Кама, Әлмәт, Казан һәм Яшел Үзәндәге янгынга каршы көрәш хезмәтенең 1, 2, 5 һәм 8 нче отрядлары спортчылары яклый.

Татарстанның барлык предприятиеләре дә социаль ипотека программасын гамәлгә ашыру өчен Дәүләт торак фондына взнос түләргә тиеш. Бүген ТР Президенты Рөстәм Миңнеханов торак төзелеше һәм аны файдалануга тапшыру мәсьәләләренә багышланган Республика киңәшмәсендә әнә шулай дип белдерде. Утырышта ТР Премьер-министры Илдар Халиков катнашты.

Бүген Татарстан Премьер-министры Илдар Халиков “Татарстан Республикасында дәүләт, муниципаль һәм социаль әһәмияткә ия хезмәтләрне электрон рәвештә күрсәтүгә күчү планын гамәлгә ашыруның барышы турында” киңәшмә үткәрде.

Бүген Татарстан делегациясе Свердловски өлкәсенә эшлекле сәфәр кыла. Делегация составында – ТР Президенты Рөстәм Миңнеханов, ТР сәнәгать һәм сәүдә министры Равил Зарипов. Алар Первоуральски яңа торба заводында хезмәттәшлек перспективалары турында сөйләшүләр алып барачак.