Күпмилләтлек һәм күпконфессиялек Россия дәүләтенең җитди өстенлеге булып тора. Бүген бу хакта РФ Президенты Ярославльда “Социаль күптөрлелек дәверендә заманча дәүләт” Дөньяви сәяси форумында чыгыш ясаганда белдерде. Форумда Татарстан Президенты Рөстәм Миңнеханов та катнаша.

Бүген Татарстан Республикасы Президенты Рөстәм Миңнеханов Сэнг Хо Шин әфәнде җитәкчелегендәге “Колон” Көньяк Корея компанияләре төркеме җитәкчелеге белән очрашты.

ТР Президенты Рөстәм Миңнеханов Ярославль өлкәсе губернаторы Сергей Вахруковка бүген булган авиаһәлакәт белән бәйле кайгылы телеграмма юллады.

Бүген ТР Министрлар Кабинетының Премьер-министр Илдар Халиков рәислегендә узган утырышында 2012 елга һәм 2013-2014 елларның планлы чорына ТР социаль-икътисади үсеш фаразлары бәян ителде. Утырыш ТР Президенты Рөстәм Миңнеханов катнашында узды.

2012 елга ТР консолидацияләнгән бюджетына зур нагрузка төшәчәк. Бу керемнәрнең кимеп, чыгымарның сизелерлек артуы белән бәйле. Бюджетка килә торган керемнәр 5,5 млрд. сумга кыскарыр, ә чыгым йөкләмәләре 7,8 млрд. сумга артыр дип фаразлана. Моннан тыш, федераль казнага булган 17,6 млрд. сумлык кредитларны да кайтарырга кирәк булачак. Бу хакта бүген ТР Министрлар Кабинеты утырышында 2012 елга һәм 2013-2014 елларның планлы чорына ТР консолидацияләнгән бюджеты фаразлары хакында төп доклад белән чыгыш ясаган ТР финанс министры Радик Гайзатуллин белдерде. Премьер-министр Илдар Халиков рәислегендә узган утырышта әлеге мәсьәлә фикер алышуга чыгарылган төп мәсьәләләрнең берсе булды. Видеоконференция режимында үткән утырышта ТР Президенты Рөстәм Миңнеханов катнашты.

Нефтехимия һәм нефть табу кебек өлкәләр Татарстан икътисадының нигезен тәшкил итә. Ул хакта бүген ТР Премьер-министры Илдар Халиков унҗиденче халыкара "Нефть, газ. Нефтехимия" күргәзмәсен ачу тантанасында белдерде.

Бүген ТР Президенты Рөстәм Миңнеханов Төркиянең Коҗаәли провинциясендә “Хаят” холдингы җитәкчелеге белән очрашты. Очрашуда “Хаят Холдинг”ның идарә рәисе Яхъя Кыгылы, “Хаят Кимья” компаниясе генераль директоры Авни Кыгылы, “Кастамону Энтегре” компаниясе генераль директоры Халюк Йылдыз һ.б. катнашты. Яклар Татарстан территориясендә “Кастамону Энтегре” һәм “Хаят Кимья” компанияләрен үстерү мәсьәләләрен караган.

Бүген Төркия Җөмһүриятенә эшлекле сәфәре вакытында Татарстан Президенты Рөстәм Миңнеханов "Форд Отосан" заводында булды.

ТР Президентын ТР сәнәгать һәм сәүдә министры Равил Зарипов, ТР Президентының тышкы элемтәләр Департаменты Директоры - ТР Президентының халыкара мәсьәләләр буенча ярдәмчесе Искәндәр Мөфлиханов, Татарстанның Төркия Җөмһүриятендәге тулы вәкаләтле вәкиле Радик Гыйматдинов һәм "Алабуга" ИИЗ" ААҖ директорлар советы рәисе Тимур Шаһивәлиев озатып йөри.

Татарстанда 2011-2012 елдагы җылыту сезонына әзерлек эшләре ТР Министрлар Кабинетының 586 нчы күрсәтмәсенә таянып алып барыла. Аның нигезендә ТР энергетика министры Илшат Фәрдиев рәислегендә республика штабы төзелгән, рәис урынбасары – ТР төзелеш, архитектура һәм торак-коммуналь хуҗалык министры Ирек Фәйзуллин, һәм эш планлы гамәлдә.

Татарстанның алдагы җылыту сезонына әзерлеге уртача 90 процент тәшкил итә. 5 сентябрь белешмәсе буенча, 2011-2012 җылыту сезонына үзәкләштереп җылыту системаларының 84 процентында опрессовка үткәрелгән, 79 процентыннан әзерлек паспортлары кабул ителгән, ләкин болар планда каралганнан бераз түбән. Социаль өлкә объектларының хәстәрлеге, әйтик, мәгариф өлкәсенеке 95 процент тәшкил итә, сәламәтлек саклауныкы – 96 процент, мәдәниятнеке – 93 процент һ.б. Инженерлык системалары һәм җиһазлары карап-тикшерелеп, әзерлеге түбәндәгечә бәяләнгән: котельныйлар – 94 процент, җылылык челтәрләре – 92 процент, су туплагычлар – 95 процент, су үткәргечләр – 98 процент.