Бүген ТР Министрлар Кабинетында узган матбугат очрашуында ТР Мәгариф һәм фән министры Альберт Гыйльметдинов республика белем бирү учрежлениеләрендә рус телен һәм туган телләрне укытуга бәйле вәзгыятькә аңлатма бирде.

Бүген Иркутск өлкәсе Хөкүмәт йортында ТР Президенты Р.Н.Миңнеханов Иркутск өлкәсе татар җәмәгатьчелеге вәкилләре белән очрашты. Үзенең чыгышында ТР Президенты очрашуны оештырган кешеләргә милли тормышның актуаль мәсьәләләре турында фикер алышырга мөмкинлек бирүләре өчен рәхмәтен җиткерде.2002 ел халык санын алу нәтиҗәләре буенча Иркутск өлкәсендә 30 меңнән артык татар һәм 2500 башкорт яши. Татарлар руслар, бурятлар һәм украиннардан кала өлкәдә 4нче урында тора.

Татарстан Республикасы Президенты Рөстәм Миңнеханов Иркутскига эш сәфәрендә бүген Иркутски дәүләт техник университетында булды. Татарстан делегациясен университет ректоры Иван Михайлович Головных, ректорның инновация эшчәнлеге буенча урынбасары Михаил Викторович Корняков озатып йөрде.

Татарстан Республикасы Президенты VII Байкал халыка икътисади форумында катнаша.

ТР Президенты Иркутскига кичә килде. Рөстәм Миңнехановны эш сәфәрендә ТР сәнәгать һәм сәүдә министры Равил Зарипов, ТР Инвестиция үсеше агентлыгы җитәкчесе Линар Якупов озатып йөри.

“Бердәм Россия” - ул ил һәм республика җитәкчелеге социаль-икътисади мәсьәләләрне гамәлгә ашырганда таяна торган төп сәяси партия. Халык фронты белән көчле булган партия киләчәктә дә илдә әйдәп баручы сәяси партия булып калырга тиеш. Бу хакта бүген Татарстан Президенты “Бердәм Россия” Бөтенроссия сәяси партиясе Татарстан төбәк бүлегенең XVIII конференциясендә белдерде.

Бүген Казан Кремлендә Татарстан Президенты Рөстәм Миңнеханов Россия Герое Газинур Хәйруллинны кабул итте һәм 50 яшьлек юбилее белән котлады. Республика башлыгы юбилярны “Фидакарь хезмәте өчен” медале белән бүләкләде. 

Бүген Татарстан Президенты Рөстәм Миңнеханов Казанның тарихи урыннарында чираттагы экскурсиядә Параскева Пятница чиркәвендә, Богородицкий монастырендә һәм Черек күл паркында булды. Экскурсовод, Бөтенроссия Тарих һәм мәдәният һәйкәлләрне саклау җәмгыятенең Татарстан бүлеге советы әгъзасы Олеся Балтусова экскурсия маршрутын эшләде һәм республика башлыгын озатып йөрде. Экскурсиядә шулай ук ТР прокуроры Кафил Әмиров, республиканың төзелеш, архитектура һәм торак-коммуналь хуҗалык министры Ирек Фәйзуллин катнашты.

Бүген ТР Президенты Рөстәм Миңнеханов Саранскида Мордовия татарлары милли-мәдәни мохтәрияте вәкилләре белән очрашты. Очрашу Мордовия Республикасы Дәүләт Җыелышы бинасында узды.