Яңалыклар

24.08.2010

Илдар Халиков Каспий-Ауропа интеграция эшлекле клубы вәкилләре белән очрашты

Казанда Каспий-Ауропа интеграция эшлекле клубының вәкиллеге ачылырга мөмкин. Бу халыкара оешма президенты, баш башкаручы директоры Тельман Алиев бүген ТР Хөкүмәте йортында ТР Премьер-министры Илдар Халиков белән очрашуда шундый тәкъдим белән чыкты. Аның фикеренчә, бу Татарстан компанияләре белән хезмәттәшлекне киңәйтергә һәм ныгытырга тагын да зуррак этәргеч бирәчәк.

23.08.2010

Рөстәм Миңнеханов: “Киләчәк – композицион полимерларда”

Бүген Казанда Татарстан Президенты Рөстәм Миңнеханов рәислегендә “Татнефтехиминвест-холдинг” ААҖ Директорлар советының чираттагы утырышы булды.

Утырышны ачып, республика башлыгы үткән шимбәдә “Татнефть” ААҖндә узган һөнәри осталык конкурсында алган хис-кичерешләре белән уртаклашты. Конкурсның югары дәрәҗәдә оештырылуын билгеләп үтеп, Рөстәм Миңнеханов республиканың башка компанияләрендә дә шундый ярышлар үткәрергә киңәш итте.

20.08.2010

Рөстәм Миңнеханов: “Татарстанга Сингапурдан күп нәрсәгә өйрәнергә кирәк әле”

Татарстанга Сингапурдан күп нәрсәгә өйрәнергә кирәк әле. Бүген Татарстан Президенты Рөстәм Миңнеханов Сингапур Республикасы бизнес-делегациясе вәкилләре белән очрашу барышында әнә шулай дип белдерде.

Очрашу Түбән Камада республика мәгариф хезмәткәрләренең август киңәшмәсе (анда Сингапур делегациясе вәкилләре дә катнашты) төгәлләнгәннән соң узды.

20.08.2010

“Электрон мәгариф” проекты белән бәйле бурычларны чишүдә “Электрон Татарстан” инфраструктурасы нигез булып хезмәт итәргә тиеш

Бүген Татарстан төбәкләренең бер өлешендә “Электрон мәгариф” проектын гамәлгә ашыру буенча тәҗрибә бара. 2011 ел азагына бу системаны республиканың барлык төбәгендәге белем йортларында эшләтеп җибәрү бурычы куела. Әлеге системаның өстенлеге һәм перспективалары хакында бүген республика укытучыларының август киңәшмәсендә ТР Премьер-министры урынбасары-мәгълүматлаштыру һәм элемтә министры Николай Никифоров сөйләде.

20.08.2010

Рөстәм Миңнеханов: “Республикада мәгариф өлкәсенә һәрвакыт зур игътибар бирелде”

Бу минутларда Түбән Камада республика фән һәм мәгариф хезмәткәрләре август киңәшмәсенең пленар утырышы уза. Быел мәгариф форумының темасы –“Төбәкнең социаль-икътисади үсеше нигезе буларак мәгариф системасы: Татарстан Республикасының яңа моделе”. Утырышта ТР Президенты Рөстәм Миңнеханов, РФ мәгариф һәм фән министры Андрей Фурсенко, ТР Дәүләт Киңәшчесе Минтимер Шәймиев, Премьер-министр Илдар Халиков, федераль министрлык вәкилләре, ТР мәгариф һәм фән министры Альберт Гыйльметдинов, Сингапур Республикасы делегациясе, эре предприятиеләр җитәкчеләре һ.б. катнаша.

19.08.2010

ТР Премьер-министры Илдар Халиков Татарстанның Лениногорски районына сәфәр кыла

Бүген ТР Премьер-министры Илдар Халиков Татарстанның Лениногорски районына сәфәр кыла. ТР Премьер-министрын эш сәфәрендә Лениногорски муниципаль районы башлыгы Рәгать Хөсәенов, ТР хезмәт, мәшгульлек һәм социаль яклау министры Айрат Шәфигуллин һәм башка рәсми затлар озатып йөри.

Лениногорскига килү белән Татарстан Хөкүмәте башлыгы һәм аны озатып йөрүче затлар Мәңгелек утка чәчәкләр салды һәм Геройлар аллеясында Дан орденының тулы кавалерлары Михаил Алаев, Габдулла Мотыйгуллин һәм Яков Николаевка барельефлар ачу тантанасында катнашты. Ачылыш тантанасында Россия геройларының туганнары да бар иде. Бөек Ватан сугышы фронтларында һәлак булучылар истәлеген бер минут тынлык белән искә алдылар.

18.08.2010

ТР Президенты: “Футбол буенча дөнья чемпионаты Россиядә узар дип ышанабыз”

Әгәр Россия турнир үткәрү урыны итеп сайланса, 2018 елда Казан футбол буенча дөнья чемпионаты матчларын кабул итәргә әзер. Бу хакта бүген Татарстан Президенты Рөстәм Миңнеханов республика башкаласына Халыкара футбол ассоциациясе федерациясе – ФИФА комиссиясе визиты вакытында белдерде.

18.08.2010

Казанда ΧΧΙ гасыр балалар бакчасы ачылды

Бүген кояшлы август көнендә Казанда тагын бер “кояш” кабынды. Идел буе районының Имәнлек урамында мәйданы һәм җиһазланышы буенча тиңе булмаган яңа буын “Кояшкай” балалар бакчасы ачылды. Бу Имәнлек-Р.Зорге урамнарын эченә алган микрорайон халкы өчен күптән көтелгән зур вакыйга. Ата-аналар, тәрбиячеләр һәм балаларның шатлыкларын бүлешергә бүген бирегә ТР Президенты Рөстәм Миңнеханов килгән иде. Ачылыш тантанасында шулай ук Казан мэры Илсур Метшин, Казан шәһәре Башкарма комитеты җитәкчесе урынбасары Зөһрә Нигъмәтуллина, ТР мәгариф һәм фән министрының беренче урынбасары Данил Мостафин, Казан шәһәре мәгариф идарәсе җитәкчесе Илсур Һадиуллин һ.б. кунаклар катнашты.

18.08.2010

Казанга ФИФА ның инспекция комиссиясе килде

Бүген Казанга ФИФА ның инспекция комиссиясе килде. “Казан” Халыкара аэропортында комиссия әгъзаларын ТР Президенты Рөстәм Миңнеханов, Казан мэры Илсур Метшин, ТР яшьләр эшләре, спорт һәм туристлык министры Рафис Борһанов каршы алды.

17.08.2010

Татарстанда сальмонеллез йоктыруның 595 очрагы теркәлгән

Агымдагы елның 7 аенда Татарстанда сальмонеллез йоктыруның 595 очрагы теркәлгән. Авыручылар саны 100 меңгә 15,5не тәшкил иткән. Республикада чирләү очраклары киң таралган территорияләр булып Түбән Кама, Азнакай, Чистай районнары һәм Казан шәһәре санала. Бу турыда бүген ТР Министрлар Кабинетында кулланучылар хокукларын яклау һәм кеше иминлеген тәэмин итү өлкәсендә күзәтчелек итү буенча Федераль хезмәтнең Татарстандагы идарәсе башлыгы урынбасары Владимир Трифонов катнашында үткән брифингта билгеле булган.