Яңалыклар
Казанда Кремний үзәне экология системасы элементлары кулланылачак. Бүген ТР Министрлар Кабинетында “ТР Президенты Рөстәм Миңнеханов җитәкчелегендәге Татарстан Республикасы делегациясенең Америка Кушма Штатларына эш визитының нәтиҗәләре турында” дигән исем астында узган брифингта әнә шул хакта хәбәр ителде.
Бүген ТР Президенты Рөстәм Миңнеханов Казан Кремлендә “Интеза” банкы” ЯАҖ Директорлар советы рәисе Антонио Фаллико белән очрашты.
“Казан” һәм “Бигеш” халыкара аэропортларында РФ дәүләт чиге аша үткәрү пунктларын реконструкцияләү мәсьәләләре бүген ТР Президенты Рөстәм Миңнехановның Росграницаның Идел буе территориаль идарәсе җитәкчесе Сергей Корнеев белән очрашуында күтәрелде. Казан Кремлендә узган очрашуда шулай ук ТР Иминлек советы секретаре Валерий Власов катнашты.
Бүген ТР Дәүләт Советының Бюджет, салымнар һәм финанслар комитеты “2011 елга, 2012 һәм 2013 еллар план чорына Татарстан Республикасы бюджеты турында” закон проектын икенче укылышка әзерләде. Утырышта Татарстант парламенты башлыгы урынбасары Александр Гусев, комитет рәисе Морат Гаделшин, республика министрлык-ведомстволары җитәкчеләре катнашты.
Татарстан башлыгы Калифорния штатындагы Кремний үзәне төбәгендә булачак. Мәгълүм булганча, ул - компьютерлар һәм аларның состав өлешләрен, мобиль элемтә җиһазларын, биотехнологияләр җитештерү буенча югары технологияле компанияләр тыгыз урнашкан төбәк. Үзәннең оригиналь исеме микропроцессорлар җитештергәндә кремнийны ярымүткәргеч итеп кулланудан алынган. Үзәннең технологик үзәк буларак тарихы нәкъ менә шушы индустриядән башлана.
Creative Commons Attribution 4.0 International
Хата таптыгызмы? Сүзне яки җөмләне билгеләгез һәм CTRL+ENTER басыгыз