Иртәнге сәгать 10га булган мәгълүматлар буенча "Булгария" теплоходы һәлакәткә юлыккан урында 66 мәет табылды. 55 мәет инде Республика суд-медицина экспертизасы бюросына җибәрелде.

Хәзерге вакытта 44 кешенең шәхесе ачыкланган. 11е - әлегә ачыкланмаган.

Бу саннарны Татарстан Хөкүмәт йортында узган брифингта ТР Премьер-министры И.Ш.Халиков китерде.

12 июльнең иртәнге сәгать 6га булган мәгълүматлар буенча "Булгария" теплоходы һәлакәтендә һәлак булган 34 кешенең шәхесе ачыкланган. Барлыгы судан 58 мәет чыгарылган. Шуларның 39ы - хатын-кызлар, 5е - балалар, 14е - ир-атлар.

ТР гражданлык оборонасы эшләре һәм гадәттән тыш хәлләр министрлыгы иртәнге сәгать 6га булган мәгълүматлар китерә.

Татарстанга коточкыч кайгы килде. Республикабыз тарихындагы иң зур һәлакәтләрнең берсендә безнең гражданнар һәлак булды.

ТР Гражданнар оборонасы һәм гадәттән тыш хәлләр министрлыгы сайтында “Булгария” теплоходына утырып соңгы сәфәргә чыккан пассажирлар, исәпкә алынмаган кешеләр һәм экипаж әгъзалары исемлеге урнаштырылган һәм ул әлегә төгәл рәсми чыганак булып тора.

Болгардан Казанга юл алган “Булгария” теполоходы фаҗигасенә бәйле рәвештә, бүген ТР Президенты Рөстәм Миңнеханов рәслегендә кризиска каршы үзәкнең Казан-Спас-Кама Тамагы-Яшел Үзән-Тәтеш районнарындагы штаблар белән берлектә видеоконференция режимында киңәшмәсе булды.

“Булгария” теплоходы һәлакәтендә үлүчеләр булу сәбәпле, сишәмбе Татарстанда матәм көне дип игълан ителде.

Татарстанның Кама Тамагы районында коткару эшләрен тәүлек буе башкарырга кирәк. Ул хакта ТР Президенты Рөстәм Миңнеханов белдерде. Ул фаҗига булган урында булды. Куйбышев затоны бистәсенә ТР Премьер-министры Илдар Халиков та килде. Нәкъ менә әлеге бистәдә оператив штаб урнашты.

Россия Федерацңиясе башлыгы Дмитрий Медведев Татарстан Республикасы Президенты Рөстәм Миңнехановка “Булгария” теплоходы һәлакәтендә зыян күрүчеләргә һәм үлүчеләрнең туганнарына кирәкле ярдәм күрсәтүне йөкләде.

Татарстан Президенты Рөстәм Миңнеханов "Булгария" теплоходы белән һәлакәт булу сәбәпле ялын тутктатырга карар кылды. Якындагы сәгатьләрдә ул очкыч белән Татарстан башкаласы Казанга очачак. Биредә ул оператив штаб белән җитәкчелек итәчәк.

Татарстан Президенты вазифаларын башкаручы - Татарстан Премьер-министры Илдар Халиков "Булгария" теплоходы белән бәйле булган һәлакәт буенча оператив штабны җитәкли.