Бүгенге көндә республикада торакны сафка бастыру буенча еллык бирем 21 процентка үтәлгән, 505,3 мең кв метр мәйданда торак сафка бастырылган. Шуның 125,4 мең кв метры социаль ипотека йортларына туры килә. Быелгы программа буенча, Татарстанда әлеге социаль программа буенча 110 йорт өлгертелергә тиеш. Бүгенгә шуларның 23 е сафка баскан. Тагын 48 объект югары әзерлек стадиясендә санала, ә 42 йорт түбән әзерлек дәрәҗәсендә. Әлеге мәгълүматлар бүген ТР Хөкүмәте йортында торакны сафка бастыру мәсьәләсенә багышланган республика киңәшмәсендә яңгырады. Киңәшмә ТР Президенты Рөстәм Миңнеханов рәислегендә үтте.

Бүген Татарстан Республикасының барлык муниципаль районнары белән видеоконференция режимында узган киңәшмәдә балигъ булмаган балаларның иминлеген тәэмин итү буенча өстәмә чаралар булдыру турында сүз барды. Киңәшмә ТР Хөкүмәт йортында узды. Аны ТР Премьер-министры урынбасары Әсгать Сәфәров үткәрде, дип хәбәр итә ТР Президенты матбугат хезмәте.
Бу чарада муниципаль районнар башкарма комитетлары җитәкчеләре, җирле гадәттән тыш хәлләр комиссияләре җитәкчеләре, муниципаль органнар мәгариф идарәләре вәкилләре һ.б. катнашты.
Әсгать Сәфәров киңәшмәне ачып, агымдагы елның февралендә республикада кече яшьтәге балаларны көчләү буенча ике коточкыч вакыйга булуын искәртте.

Бүген Казан Кремлендә ТР Дәүләт Киңәшчесе Минтимер Шәймиевнең Ленинград өлкәсе Законнар чыгару җыелышының депутаты Илдар Гилязов җитәкчелегендәге Санкт-Петербург шәһәре һәм Ленинград өлкәсе делегациясе белән очрашуы булып узды.
Делегация составында Бөек Ватан сугышы ветераннары, Ленинград өлкәсенең татар җәмгыятьләре җитәкчеләре, сугыш һәм хәрби хезмәт ветераннары иҗтимагый оешмалары вәкилләре.

Бүген Татарстан Дәүләт Советының чираттагы утырышында депутатларга ТР Арбитраж суды рәисе Николай Новиков тәкъдим ителде. Утырыш тәмамлангач аның белән Татарстан парламенты җитәкчесе Фәрит Мөхәммәтшин очрашты.

Татарстан Президенты Рөстәм Миңнеханов тиешле ведомстволарга укучыларның һәм мәктәпкәчә яшьтәге балаларның белем бирү учреждениеләренә бару һәм кире өйгә кайту юлларында иминлекне саклау буенча тиз рәвештә чаралар билгеләүне һәм кабул итүне йөкләде.

Бу эш, быелгы елның февраль аенда Чаллы һәм Алабуга шәһәрләрендә башлангыч сыйныф укучылары белән булган фаҗигале хәлләрдән соң, тапшырылды.

Биектау районының Казанга якын урнашуы районның сәнәгате өчен дә, авыл хуҗалыгы өчен дә өстенлек булып тора һәм моннан файдаланырга кирәк. Бу хакта Татарстан Президенты Рөстәм Миңнеханов район Советының йомгаклау сессиясендә хәбәр итте.

Бүген ТР Дәүләт Советы утырышында катнашучы депутатлар “Татарстан Республикасы дәүләт символлары турында” ТР Законына Татарстан Республикасы Дәүләт гимны текстын раслау өлешендә үзгәрешләр кертү турында” закон проектын беренче укылышта һәм тулаем кабул итте. Әлеге закон проекты Татарстанның дәүләт гимны тексты турындагы нигезнамәләрне гамәлдәге Законга кертү белән бәйле. Бу закон проекты белән ТР Дәүләт гимнының музыкаль редакциясе һәм тексты расланды.

Татарстан Республикасы Дәүләт гимнының соңгы әзер вариантын тыңлау С.Сәйдәшев исемендәге Дәүләт Зур концертлар залында (Казан) узды.


Бу чарада Татарстан Республикасы Дәүләт Советы депутатлары ,мәдәният һәм сәнгать эшлеклеләре,Татарстан Президенты Рөстәм Миңнеханов, ТР Дәүләт Киңәшчесе Минтимер Шәймиев,ТР Дәүләт Советы рәисе Фәрид Мөхәммәтшин ,ТР Премьер-министры Илдар Халиков һ.б. катнашты.

Бүген Татарстан Президенты Рөстәм Миңнеханов “Эрнст энд Янг” (Ernst & Young) компаниясе җитәкчелеге белән очрашты.
Очрашу ТР Хөкүмәт Йортында узды. Анда шулай ук ТР Премьер-министры урынбасары – ТР мәгълүматлаштыру һәм элемтә министры Роман Шәйхетдинов, ТР икътисад министры Мидхәт Шәһиәхмәтов, ТР Президенты ярдәмчесе Айрат Хәйруллин катнашты.