Бүген Казан Ратушасында башкаланың һәм республиканың социаль-икътисади үсешенә зур өлеш керткән бертөркем шәхесләрне бүләкләделәр. Аларга Россия һәм Татарстанның дәүләт бүләкләрен ТР Президенты Рөстәм Миңнеханов тапшырды. Бүләкләнүчеләр арасында РФ Премьер-министрының беренче урынбасары, Казандагы 27 нче Бөтендөнья җәйге Универсиадасына әзерлек һәм аны уздыру буенча оештыру комитеты рәисе Игорь Шувалов та бар иде. Аңа Рөстәм Миңнеханов “Татарстан Республикасы каршындагы казанышлары өчен” орденын тапшырды. Россия Хөкүмәте рәисенең беренче урынбасары республиканың әлеге югары дәүләт бүләгенә 2013 елгы Универсиадага әзерлек һәм аны уздыруга керткән зур өлеше өчен лаек булды.

Бүген Казан Кремлендә Татарстан Республикасы Татарстан Республикасы Дәүләт киңәшчесе, “Яңарыш” Республика фондының Попечительләр Советы рәисе Минтимер Шәймиев Халыкара һәйкәлләрне һәм истәлекле урыннарны саклау советы (ИКОМОС) экспертлары Рудольф Бритта һәм Виллем Виллемс, ЮНЕСКО генераль директорының мәдәният буенча урынбасары Франческо Бандарин һәм ЮНЕСКО генераль директорының махсус киңәшчесе Мунир Бушенаки белән очрашты.

Бүген Казан Кремленең “Эрмитаж-Казан” үзәгендә Франческо Бандарин һәм Рон Ван Оерс язган “Тарихи шәһәр ландшафты. Урбанизм чорында мирас белән идарә итү” исемле китапның рус теленә тәрҗемә ителгән басмасын тәкъдир итү булды. Чарада ТР Дәүләт Киңәшчесе Минтимер Шәймиев, “Казан Кремле” дәүләт тарихи-архитектура музей-тыюлыгы директоры Зилә Вәлиева, хезмәт авторларының берсе – ЮНЕСКО генераль директорының мәдәният буенча урынбасары Франческо Бандарин, ЮНЕСКО генераль директорының махсус киңәшчесе, мәдәни хәзинәләрне саклау һәм үзгәртеп кору буенча халыкара тикшеренү үзәге генераль директоры (ИККРОМ) Мөнир Бушенаки һәм башкалар катнашты.

Бүген ТР да капиталь ремонт программасы буенча планлаштырылган барлык мәктәпләр дә ачылды. Бу хакта бүген ТР Премьер-министры журналистлар белән очрашуда белдерде.

Бүген Казан шәһәренең 35нче гомуми белем мәктәбе укучылар өчен беренче мәртәбә үзенең ишекләрен ачты. Уку елы башлану уңаеннан уздырылган тантаналы линейкада Татарстан Республикасы Президенты Рөстәм Миңнеханов булды. Шулай ук әлеге тантанада Казан мэры Илсур Метшин, Татарстан Республикасы вице-премьеры вазыйфаларын башкаручы – Татарстан Республикасы мәгариф һәм фән министры Энгель Фәттахов, "Ак Барс Банк" ААҖ Директорлар советы рәисе Валерий Сорокин катнашты.

Һәйкәлләр һәм күренекле урыннарны саклап калу буенча Халыкара совет (ИКОМОС) экспертлары һәм  ЮНЕСКО вәкилләре белән бүген Татарстан Республикасы Президенты РӨстәм Миңнеханов очрашты. Очрашу Татарстан Республикасы Хөкүмәт Йортында узды. Анда ИКОМОС экспертлары Рудольф Бритта һәм Виллем Виллемс, ЮНЕСКО мәдәният буенча генераль директор урынбасары Франческо Бандарин һәм ЮНЕСКО генераль директорының махсус киңәшчесе Мөнир Бушенаки катнаштылар.

Кадерле дуслар! Укучыларны һәм студентларны, ата-аналарны, педагогларны һәм тәрбиячеләрне, Татарстан мәгариф системасының барлык хезмәткәрләрен чын күңелдән Белем көне һәм яңа уку елы башлану белән чын күңелдән тәбрик итәм!

Хөрмәтле нефть һәм газ сәнәгате хезмәткәрләре!
Тармакның кадерле ветераннары!
Татарстан Республикасы исеменнән сезне чын күңелдән  һөнәри бәйрәмегез – Нефть һәм газ сәнәгате хезмәткәрләре көне белән котлыйм.  

Бүген Әлмәттә Татарстан нефтенең 70 еллыгына һәм шәһәрнең 60 еллыгына багышланган бәйрәм чаралары уза. Аларда катнашу өчен, Әлмәткә ТР Президенты Рөстәм Миңнеханов, ТР Дәүләт Советы Рәисе Фәрит Мөхәммәтшин, министрлыклар һәм ведомстволар җитәкчеләре, муниципаль районнар башлыклары килде.

Әлмәттә Татарстан нефтенең 70 еллыгы исемендәге инновацион мәктәп яңа уку елына төзелгән. Бүген аны ачу тантанасында ТР Президенты Рөстәм Миңнеханов, ТР Дәүләт Советы Рәисе Фәрит Мөхәммәтшин һәм ТР Премьер-министры урынбасары вазыйфасын башкаручы – мәгариф һәм фән министры Энгель Фәттахов катнашты.