Яңалыклар
Бүген Казанда Татарстан нефть-газ химиясе форумы кысаларында «Төзелештә республика химия һәм нефть химиясе продукциясен куллануны киңәйтү” темасына түгәрәк өстәл уздырылды. Түгәрәк өстәл утырышында Татарстан Республикасы Президенты Рөстәм Миңнеханов катнашты.
Авыр чыгарыла торган һәм традицион булмаган нефть запаслары – Россия нефть чыгару сәнәгате өчен потенциаль резерв. Бүген Татарстан Республикасы Президенты Рөстәм Миңнеханов мондый фикерне «Авыр чыгарыла торган һәм традицион булмаган углеводородлар запаслары: тәҗрибә һәм фаразлар» халыкара фәнни-гамәли конференциянең пленар утырышы барышында әйтте. Конференция бүген ачылган Татарстан нефть-газ химиясе форумы кысаларында уза, пленар утырышта шулай ук РФ энергетика министры урынбасары Кирилл Молодцов, Ростехнадзор җитәкчесе урынбасары Светлана Радионова, Төрекмәнстан Премьер-министры урынбасары Байморат Хуҗамөхәммәдов, Россия нефть-газ сәнәгатьчеләре берлеге президенты Геннадий Шмаль катнашты.
Бүген Казанда “Казан ярминкәсе” күргәзмә үзәге нигезендә 21 нче мәртәбә Татарстан нефть-газ химиясе форумы эшен башлады. Форум ачылуда Татарстан Республикасы Президенты Рөстәм Миңнеханов, шулай ук РФ энергетика министры урынбасары Кирилл Молодцов, Ростехнадзор җитәкчесе урынбасары Светлана Родионова, Төрекмәнстан Премьер-министры урынбасары Байморат Хуҗамөхәммәдов, Россия Нефть-газ сәнәгатьчеләре берлеге президенты Геннадий Шмаль катнашты.
Бүген Татарстан Республикасы Президенты Рөстәм Миңнеханов Төрекмәнстан Министрлар Кабинеты Рәисе урынбасары Байморат Хуҗамөхәммәдов белән очрашты. Очрашуда шулай ук ТР Премьер-министры урынбасары – сәнәгать һәм сәүдә министры Равил Зарипов, ТР Президенты ярдәмчесе Радик Гыйматдинов, “Татнефть” ААҖ генераль директоры Наил Маганов һәм башкалар катнашты.
Кичә Казанда Дәүләт теркәве, кадастр һәм картография федераль хезмәтенең Россиядә икенче call-үзәге – “Казань” телефон хезмәтенең ведомство үзәген ачу тантанасы булды. Тантаналы ачылышта Татарстан Президенты Рөстәм Миңнеханов, Дәүләт теркәве, кадастр һәм картография федераль хезмәте җитәкчесе Игорь Васильев, әлеге федераль хезмәтнең ТР буенча идарәсе җитәкчесе Азат Җаббаров, ТР буенча Кадастр палатасы директоры Ленара Мозафарова катнашты.
Бүген Татарстан Республикасы Президенты Рөстәм Миңнеханов Дәүләт теркәве, кадастр һәм картография федераль хезмәте җитәкчесе Игорь Васильев белән очрашты. Очрашу ТР Хөкүмәте Йортында узды, анда шулай ук ТР Премьер-министры урынбасары – мәгълүматлаштыру һәм элемтә министры Роман Шәйхетдинов, ТР буенча Дәүләт теркәве, кадастр һәм картография федераль хезмәте җитәкчесе Азат Җаббаров һәм башкалар катнашты.
Бүген Татарстан Республикасы Президенты Рөстәм Миңнеханов Россия галиме, IPG Photonics компаниясенә нигез салучы һәм аның Директорлар советы рәисе Валентин Гапонцев белән очрашты. КНИТУ-КАИның яңа ачылган 8нче уку бинасында узган бу очрашуда шулай ук Татарстан Республикасы Президентының икътисадый мәсьәләләр буенча киңәшчесе Айрат Хәйруллин, Татарстан икътисад министры Мидхәт Шаһиәхмәтов, КНИТУ-КАИ ректоры Альберт Гыйльметдинов та катнашты.
Бүген Татарстан Республикасы Президенты Рөстәм Миңнеханов Acronis компаниясенә нигез салучы һәм аның генераль директоры, Россия квант үзәгенең Попечительәр советы рәисе, Runa Capital венчур фондының өлкән партнеры Сергей Белоусов белән очрашты. Очрашу КНИТУ-КАИның яңа бинасында узды, очрашуда шулай ук Татарстан Республикасы Премьер-министры урынбасары – Татарстан Республикасы мәгълүматлаштыру һәм элемтә министры Роман Шәйхетдинов, Татарстан Республикасы Президентының икътисадый мәсьәләләр буенча ярдәмчесе Айрат Хәйруллин, «Связьинвестнефтехим» ААҖ генераль директоры Валерий Сорокин, «Таттелеком» ААҖ генераль директоры Лотфулла Шәфигуллин катнашты.
Бүген Казанда Германия-Россия яңа технологияләр институты эшли башлады. КНИТУ-КАИ нигезендә яңа вузны ачу тантанасында Татарстан Республикасы Президенты Рөстәм Миңнеханов катнашты. Шулай ук чарада РФ мәгариф һәм фән министры урынбасары Александр Повалко, Германия Федератив Республикасының Россия Федерациясендәге Гадәттән тыш һәм Тулы вәкаләтле илчесе Рюдигер фон Фрич әфәнде катнашты.
Creative Commons Attribution 4.0 International
Хата таптыгызмы? Сүзне яки җөмләне билгеләгез һәм CTRL+ENTER басыгыз