Яңалыклар
Ул район башлыгы Камил Нугаев озатуында Болгарда берничә җитештерү объектын карады.
Бүген Татарстан Республикасы Президенты Рөстәм Миңнеханов Россия Федерациясе Хөкүмәте Рәисенең беренче урынбасары Игорь Шувалов җитәкчелегендәге Россия делегациясе составында Сингапур Премьер-министры Ли Сяньлун белән очрашуда катнашты. Ил башлыгы резиденциясендә узган очрашуда шулай ук Россия Федерациясе элемтә һәм массакүләм коммуникацияләр министры Николай Никифоров та катнашты.
Соңгы елларда икътисад үсешендә, социаль өлкәдә, дәүләт идарәсендә Сингапурның Татарстан үсешенә йогынтысы зур. Бу хакта бүген Татарстан Республикасы Президенты Рөстәм Миңнеханов Россия-Сингапур эшлекле форумы кысаларында узган Сингапур эшлекле даирәләре белән очрашуда белдерде.
Бүген Сингапурда Россия Федерациясенең беренче вице-премьеры Игорь Шувалов һәм Сингапур Премьер-министры урынбасары – финанс министры Тарман Шанмугаратнам рәислегендә Россия-Сингапур Хөкүмәтара комиссиясенең бишенче утырышы уздырылды. Комиссия эшендә Татарстан Республикасы Президенты Рөстәм Миңнеханов катнашты.
Бүген Татарстан Республикасы Президенты Рөстәм Миңнеханов Сингапурда Малайзия Radiance Hospitality Group генераль директоры Йи Пох Леонг белән очрашты. Очрашуда шулай ук Татарстан Республикасы Президентының тышкы икътисадый эшчәнлек буенча ярдәмчесе Радик Гыйматдинов, Татарстан Республикасы Инвестицион үсеш агентлыгы җитәкчесе Линар Якупов катнашты.
Indorama Сингапур төркеме - полимерлар җитештерүче иң эре компанияләрнең берсе Татарстанда завод төзергә җыена. Бүген Сингапурда бу хакта Татарстан Республикасы Президенты Рөстәм Миңнеханов белән очрашуда компания вәкилләре хәбәр итте. Очрашуда шулай ук Татарстан Республикасы Президентының тышкы икътисадый эшчәнлек буенча ярдәмчесе Радик Гыйматдинов, Татарстан Республикасы Инвестицион үсеш агентлыгы җитәкчесе Линар Якупов катнашты.
Бүген Сингапурда Татарстан Республикасы Президенты Рөстәм Миңнеханов Татарстанда бизнес-проектларны мониторинглауның Малайзия дәүләт системасы аналогын кертү перспетивалары турында фикер алышты. Очрашуда шулай ук Татарстан Республикасы Премьер-министры урынбасары – Татарстан Республикасы мәгълүматлаштыру һәм элемтә министры Роман Шәйхетдинов, Татарстан Республикасы Президентының тышкы икътисадый эшчәнлек буенча ярдәмчесе Радик Гыйматдинов, Татарстан Республикасы Инвестицион үсеш агентлыгы җитәкчесе Линар Якупов катнашты.
Бүген Татарстан Республикасы Президенты Рөстәм Миңнеханов Вьетнам Социалистик Республикасына эш сәфәре кысаларында “Хоа Лак” югары технологияләр паркында (Hoa Lac Hi-Tech Park) булды. Парк Вьетнам башкаласы Ханойдан ерак түгел, халыкара аэропорт янында урнашкан. “Хоа Лак” югары технологияләр паркы тикшеренүләр уздыру һәм инновацион проектларны үстерү, җитештерү һәм югары технологияле продуктларга финанс ярдәм күрсәтү өчен оештырылган. Биредә югары технологияле товарлар җитештерүче һәм хезмәт күрсәтүче предприятиеләргә бизнес-инкубатор урнашкан, югары технологияле секторга кадрларны әзерләү алып барыла.
Creative Commons Attribution 4.0 International
Хата таптыгызмы? Сүзне яки җөмләне билгеләгез һәм CTRL+ENTER басыгыз