Яңалыклар
Бүген «Алабуга» махсус икътисадый зонасы территориясендә 500 кВлы Щелоков подстанциясен ачу тантанасы узды. Анда РФ Энергетика министры Александр Новак, Россия Федерациясе Президентының Идел буе федераль округындагы Тулы вәкаләтле вәкиле Михаил Бабич, Татарстан Республикасы Президенты вазыйфаларын вакытлыча башкаручы Рөстәм Миңнеханов, Алабуга муниципаль районы башлыгы Геннадий Емельянов, «Сетевая компания» ААҖ генераль директоры Илшат Фәрдиев катнашты.
Татарстан федераль тармак министрлыклары һәм «Газпром» ААҖ ярдәме белән газ-мотор ягулыгы базарын үстерү буенча системалы чараларны эзлекле рәвештә гамәлгә ашыра. Бүген бу хакта Татарстан Республикасы Президенты вазыйфаларын вакытлыча башкаручы Рөстәм Миңнеханов Идел буе федераль округында (ИФО) газ-мотор ягулыгы базарын үстерү мәсьәләләре буенча киңәшмәдә хәбәр итте. Чара Чаллы шәһәрендә «КАМАЗ» ААҖ генераль дирекциясендә узды. Киңәшмә эшендә шулай ук Россия Федерациясе Президентының Идел буе федераль округындагы Тулы вәкаләтле вәкиле Михаил Бабич, Россия Федерациясе Сәүдә һәм сәнәгать министры Денис Мантуров, Россия Федерациясе Энергетика министры Александр Новак, Россия Федерациясе Транспорт министры Максим Соколов, ИФО субъектлары җитәкчеләре катнашты.
Бүген Чаллыга эш визиты белән Россия Федерациясе Президентының Идел буе федераль округында тулы вәкаләтле вәкиле Михаил Бабич килде. “Бигеш” халыкара аэропортында аны Татарстан Республикасы Президенты вазыйфаларын вакытылча башкаручы Рөстәм Миңнеханов каршы алды.
Татарстан Республикасы Президенты вазыйфаларын вакытлыча башкаручы Рөстәм Миңнеханов Казан дәүләт медицина академиясе ректоры, Россия Федерациясенең һәм Татарстан Республикасының Атказанган табибы, медицина фәннәре докторы Камиль Зыятдинов вафаты сәбәпле некролог имзалады.
«Татарстан Республикасы җәмәгатьчелеге зур югалту кичерә, - диелә некролог текстында. - 2015 елның 16 июлендә 65 яшенә чыккач, Казан дәүләт медицина академиясе ректоры, Россия Федерациясенең һәм Татарстан Республикасының Атказанган табибы, медицина фәннәре докторы Камиль Зыятдиновның гомере вакытсыз өзелде.
Бүген Казан Кремлендә «Газпром» ААҖ белән «Петровьетнам» НГК координацион комитетының VIII уртак утырышы беркетмәләре имзаланды .
Документка «Газпром» ААҖ идарәсе рәисе урынбасары Виталий Маркелов һәм «Петровьетнам» нефть һәм газ корпорациясе вице-президенты Нгуен Ву Чыонг Шон кул куйды.
Илдар Халиков “Татнефть Арена” га транспорт йөрешен тикшерү буенча ведомствоара өйрәнүләрдә катнашты
Шулай ук өйрәнүләрдә ТР Премьер-министры урынбасары – ТР Министрлар Кабинеты Аппараты җитәкчесе Шамил Гафаров, ТР юл хуҗалыгы һәм транспорт министры Ленар Сафин, Эчке эшләр министрлыгының ТР буенча ЮХИДИ идарәсе башлыгы урынбасары Рөстәм Ибраһимов, “Спорт проектлары башкарма дирекциясе” коммерцияле булмаган автоном оешма генераль директоры Азат Кадыров катнашты.
Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов «Рубин» футбол клубының Попечительләр советы утырышын уздырды. Чарада шулай ук «Рубин» ФК баш тренеры Ринат Билялетдинов һәм «Рубин» ФК генераль директоры Айрат Гәрәев катнашты.
Бүген Казанда элеккеге Матбугат йорты төзекләндерелүдән соң, кабат ачылды, ләкин башка сыйфатта − анда хәзер “Ногай” кунакханәсе һәм татар китаплары кибете булачак.
Объектны ачу тантанасында Татарстан Республикасы Президенты вазыйфаларын вакытлыча башкаручы Рөстәм Миңнеханов үзе катнашты.
Creative Commons Attribution 4.0 International
Хата таптыгызмы? Сүзне яки җөмләне билгеләгез һәм CTRL+ENTER басыгыз