Яңалыклар

27.08.2010

ТР Инвестиция-венчур фонды Попечительләр советының Илдар Халиков рәислегендә яңартылган составта беренче утырышы узды

Бүген Премьер-министр Илдар Халиков рәиселегендә ТР Инвестиция-венчур фонды Попечительләр советының яңартылган составта беренче утырышы узды.

Бу утырышның бераз тәнәфестән соң узуы сәбәпле, көн тәртибенә шактый мәсьәләләр тупланган иде. Аларның бер өлеше “Татарстан Республикасы өчен иң яхшы 50 идея” конкурсы җиңүчеләре булган проектларны гамәлгә ашыру белән бәйле иде. Попечительләр советы әгъзалары караган 4 проектның 3 се расланды. Үсеш перспективалары булмаганга, бер проектны туктату турында карар кабул ителде. Югары ультратавыш визуализацияле булган медицина җиһазлары җитештерүне күздә тоткан проект бүген Казан дәүләт технология университеты һәм Республика клиник хастаханәсе белән берлектә гамәлгә ашырыла. Проект “Старт-1” номинациясендә беренче этапны тәмамлап, хәзер “Старт-2” этабына кергән.

26.08.2010

Илдар Халиков: “Актанышның юбилее – бөтен республика өчен зур бәйрәм”

Татарстанның Актаныш районын табигатенең гүзәллеге генә түгел, халкының рухи матурлыгы да аерып тора. Бүген Актаныш авылының – 300, районның 80 еллыгын бәйрәм итәргә килгән һәркем шул фикерне белдерде.

Районда яшәүчеләр һәм кунаклар алдында ясаган чыгышында, Актаныш районы башлыгы Энгель Фәттахов Актаныш авылы һәм район хакында җентекләп сөйләде. Муниципаль берәмлекнең казанышлары хакында сөйләгәндә, ул барлык җиңүләр һәм яхшы нәтиҗәләргә райондагы хезмәт сөючән халыкның тырышлыгы белән ирешелә, дип ассызыклады.

26.08.2010

Рөстәм Миңнехановның “Роснано” генераль директоры урынбасары белән очрашуында Нанотехнологияләр үзәген төзү мәсьәләсе каралды

“Идея” технопаркы базасында Татарстанда Нанотехнологияләр үзәген төзү мәсьәләсе бүген ТР Президенты Рөстәм Миңнехановның “Роснано” дәүләт корпорациясе генераль директоры урынбасары Андрей Свинаренко белән очрашуында күтәрелде. ТР Хөкүмәт йортында узган очрашуда Премьер-министрның беренче урынбасары Равил Моратов, “Роснано” ның инфраструктура проектлары идарәче директоры Евгений Евдокимов, “Татнефтехиминвест-холдинг” ААҖ генераль директоры Рафинат Яруллин, “Идея” технопаркы җитәкчесе Сергей Юшко, ТР Инвестиция-венчур фонды директоры Айнур Әйделдинов һ.б. катнашты, дип хәбәр итә ТР Президентының матбугат хезмәте.

25.08.2010

Рөстәм Миңнеханов Казакъстанга эшлекле сәфәр кыла

Бүген Астанада узган очрашуда Казакъстан Президенты Нурсолтан Назарбаев һәм Татарстан Президенты Рөстәм Миңнеханов Казакъстан Республикасы һәм Татарстан Республикасы арасында сәүдә-икътисади, фәнни-техник һәм мәдәни хезмәттәшлекне үстерү мәсьәләләре хакында фикер алышты, дип хәбәр итә ТР Президентының матбугат хезмәте.

Искәртеп узабыз, Татарстан башлыгы Рөстәм Миңнеханов эш визиты белән Казакъстанга килде.

25.08.2010

Татарстанда составында психоактив матдәләр булган катнашмалар белән сату итүче 78 сәүдә ноктасы барлыгы ачыкланган

Республикада бүгенге көндә аңны томалаучы психотроп, сәүдә нокталарында чәчәкләр өчен ашлама, бөҗәкләрдән саклану препаратлары, ваннада юыну өчен тозлар, химия рәвешендә сатыла торган матдәләрне тарату һәм куллануга каршы эш алып бару нәтиҗәләре канәгатьләнерлек түгел. Бүген ТР Министрлар Кабинетының ТР Премьер-министры Илдар Халиков җитәкчелегендә узган Президиум утырышында шундый нәтиҗә чыгарылды. “Бу өлкәдә вәзгыять бик авыр. Татарстанда мондый матдәләр сатылырга тиеш түгел. Проблеманы болай гына хәл итеп булмый”, - дип ул, наркотикларга каршы эшләүче республика программасын кабул итү зарурлыгын белдерде.

24.08.2010

Австриядә Казан авиапредприятиесендә композит материаллар җитештерүгә кагылышлы ниятләр беркетмәсе имзаланды

Бүген ТР Президенты Рөстәм Миңнеханов Австриядә эш сәфәрендә. Республика башлыгы визит барышында “Фишер”композит” АГ компаниясе предприятиеләре белән танышты, Казан авиапредприятиесендә композит материаллар җитештерүгә кагылышлы ниятләр беркетмәсен имзалау тантанасында катнашты, дип хәбәр итә Президентның матбугат хезмәте. Аннан аңлашылганча, композит материаллар производствосы “Горбунов исемендәге Казан авиация-җитештерү берләшмәсе” ААҖ территориясендә оештырылачак. Беркетмәне ТР сәнәгать һәм сәүдә министры Равил Зарипов,“Берләштерелгән авиатөзелеш корпорациясе” ААҖ президенты Алексей Федоров һәм “Аэрокомпозит” ЯАҖ генераль директоры Анатолий Гайданский, “Фишер” композит АГ” компаниясеннән Уолтер Штефан имзалаган.

24.08.2010

Илдар Халиков Каспий-Ауропа интеграция эшлекле клубы вәкилләре белән очрашты

Казанда Каспий-Ауропа интеграция эшлекле клубының вәкиллеге ачылырга мөмкин. Бу халыкара оешма президенты, баш башкаручы директоры Тельман Алиев бүген ТР Хөкүмәте йортында ТР Премьер-министры Илдар Халиков белән очрашуда шундый тәкъдим белән чыкты. Аның фикеренчә, бу Татарстан компанияләре белән хезмәттәшлекне киңәйтергә һәм ныгытырга тагын да зуррак этәргеч бирәчәк.

23.08.2010

Рөстәм Миңнеханов: “Киләчәк – композицион полимерларда”

Бүген Казанда Татарстан Президенты Рөстәм Миңнеханов рәислегендә “Татнефтехиминвест-холдинг” ААҖ Директорлар советының чираттагы утырышы булды.

Утырышны ачып, республика башлыгы үткән шимбәдә “Татнефть” ААҖндә узган һөнәри осталык конкурсында алган хис-кичерешләре белән уртаклашты. Конкурсның югары дәрәҗәдә оештырылуын билгеләп үтеп, Рөстәм Миңнеханов республиканың башка компанияләрендә дә шундый ярышлар үткәрергә киңәш итте.

20.08.2010

Рөстәм Миңнеханов: “Татарстанга Сингапурдан күп нәрсәгә өйрәнергә кирәк әле”

Татарстанга Сингапурдан күп нәрсәгә өйрәнергә кирәк әле. Бүген Татарстан Президенты Рөстәм Миңнеханов Сингапур Республикасы бизнес-делегациясе вәкилләре белән очрашу барышында әнә шулай дип белдерде.

Очрашу Түбән Камада республика мәгариф хезмәткәрләренең август киңәшмәсе (анда Сингапур делегациясе вәкилләре дә катнашты) төгәлләнгәннән соң узды.