Татарстанны дөнья аренасында таныту һәм республикага потенциаль инвесторларны җәлеп итү өлкәләрендә хезмәттәшлек мәсьәләләре ТР Президенты Рөстәм Миңнехановның бүген CNBC компаниясенең Ауропа, Якын Көнчыгыш һәм Африка илләре буенча вице-президенты Пол Маравиглиа белән очрашуында каралды.

ТР Президенты Рөстәм Миңнеханов бүген физика галиме, Нобель премиясе лауреаты, Сколково инновация үзәгенең фәнни җитәкчесе Жорес Алферов белән очрашты. ТР Хөкүмәте йортында узган очрашуда шулай ук ТР мәгариф һәм фән министры Альберт Гыйльметдинов, ТР Президентының Эчке сәясәт мәсьәләләре буенча идарәсе җитәкчесе Александр Терентьев һ.б. катнашты.

Бүген Әлмәт муниципаль районының вәкиллекле органы утырышында Ришат Әбүбәкеров район башлыгы вәкаләтләрен өстеннән төшерде. Утырыш Татарстан Президенты Рөстәм Миңнеханов катнашында узды.