Бүген район депутатлары 2011 елда Югары Ослан муниципаль районының социаль-икътисади үсешенә нәтиҗә ясады һәм 2012 елга планнар буенча фикер алыштылар. Муниципаль вәкиллекле органының хисап утырышында ТР Дәүләт Совтеы Рәисе Фәрит Мөхәммәтшин катнашты.

Татарстан территориясендә “Россия тимер юллары”ның инвестиция проектларын гамәлгә ашыру мәсьәләләре бүген Мәскәүдә ТР Президенты Рөстәм Миңнехановның “Россия тимер юллары” ААҖ президенты Владимир Якунин белән очрашуында күтәрелде.

Былтыр гомуми юрисдикция (ТР Югары Суды, шәһәр һәм район судлары, мировой судлар) судлары 728 мең 397 эшне караган, бу 2010 ел белән чагыштырганда 5 процентка күбрәк. Бу хакта бүген Казанның “Гранд отель Казан” кунакханә комплексында ТР Премьер-министры Илдар Халиков катнашында узган ТР судьялары конференциясендә төп доклад белән чыгышы ясаган Татарстан Югары Суды Рәисе Илгиз Гыйләҗев хәбәр итте. Ул хәбәр иткәнчә, һәр эштә ике заттан да ким булмаган. Шул рәвешле, һәр өченче татарстанлы судопроизводство орбитасына эләккән.

Татарстан Президенты Рөстәм Миңнеханов “ТАНЕКО” ААҖндә киңәшмә үткәрде. Анда сафка кертелә торган комплекс объектларын файдалану һәм проектны алга таба үстерү мәсьәләләре хакында фикер алыштылар.

Бүген Әтнә муниципаль районы Советы депутатлары 2011 елга нәтиҗә ясады һәм 2012 ел планнары буенча фикер алышты. Хисап утырышында ТР Дәүләт Советы Рәисе Фәрит Мөхәммәтшин катнашты.

Сарман муниципаль районында яңа предприятиеләр пәйда булу бизнес өчен җәлеп итүчән булуы турында сөйли. Бу хакта бүген Татарстан Президенты Рөстәм Миңнеханов район Советы сессиясендә чыгышында белдерде.

Бүген Татарстан Республикасы Президенты Рөстәм Миңнеханов республикада Торак-коммуналь хуҗалыкны реформалаштыруга ярдәм итү һәм мәгариф объектларын капиталь ремонтлау мәсьәләләре буенча видеоконференция үткәрде.

Бүген Татарстан Президенты Рөстәм Миңнеханов Сарманда “Агромастер” производство компаниясендә, “Сарман-ит” җитештерү кооперативында һәм “Шәфкать” социаль хезмәт күрсәтү үзәгендә булды. Шулай ук республика башлыгы район Мәдәният йортында күргәзмәдә инвестиция проектлары белән танышты.

Бүген Татарстан Президенты Рөстәм Миңнеханов йөкләмәсе буенча капиталь ремонт ясау программасы кысаларында башкарыласы эш исемлегенә мәктәп бәдрәфләрен ремонтлау да өстәлде.

Бүген “Казаноргсинтез” ААҖ нең 2 меңләп хезмәткәре, 4 нче март – РФ Президентын сайлау көне якынлашу уңаеннан, РФ Премьер-министры, РФ Президентына кандидат булган Владимир Путин кандидатурасын яклап митингка чыкты. Бу чарада ТР беренче Президенты, ТР Дәүләт киңәшчесе, РФ Президентына кандидат Владимир Путинның ышанычлы вәкиле Минтимер Шәймиев, Киров һәм Мәскәү районнары администрацияләре башлыгы Дамир Фәттахов, “ТАИФ” ААҖ генераль директоры Альберт Шиһабетдинов, “Казаноргсинтез” оешмасы генераль директоры Леонид Алехин катнашты. Митингны “Казаноргсинтез” ААҖ профком рәисе Илшат Минһаҗев алып барды.