1 марттан Россиядә газ җиһазларын куллануга таләпләр катгыйланачак. 2026 елның беренче аенда Татарстанда угар газы белән агулану аркасында үлүчеләр саны кискен артты. Фаҗига еш кына яшәүчеләрнең, газ приборларын кулланганда, саксызлыгына бәйле. Үзеңне ничек сакларга һәм һәлакәтләрне булдырмау өчен кануннарда нәрсә үзгәрәчәк - бу хакта бүген Татарстан Республикасы Министрлар Кабинетында узган брифингта сөйләштеләр.

Бүген Татарстан Республикасы Премьер-министры Алексей Песошин республика прокуратурасы хезмәткәрләренә яхшы эшләре һәм югары һөнәри осталыклары өчен рәхмәт белдерде. Бу хакта ул Татарстан Республикасы Прокуратурасы коллегиясенең киңәйтелгән утырышында хәбәр итте, анда ведомствоның 2025 елдагы эшенә йомгак ясалды һәм 2026 елга законлылык һәм хокук тәртибен ныгыту буенча бурычлар билгеләнде.

Утырышта Россия Федерациясе Генераль прокуроры урынбасары Николай Шишкин, Татарстан Республикасы буенча баш федераль инспектор Виктор Демидов һәм башкалар катнашты.

Татарстан Республикасы Премьер-министры Алексей Песошин татарстанлыларны совет гаскәрләре тарафыннан Ленинградны немец-фашист блокадасыннан тулысынча азат итүнең 82 еллыгы тулу белән котлады.

Ул искә төшергәнчә, 1944 елның 27 гыйнвары – Бөек Ватан сугышының иң мөһим көннәренең берсе.

Татарстан Рәисе Рөстәм Миңнеханов Дубайда Һиндстанның Халыкара инвестицияләр һәм бизнес палатасы президенты Манприт Сингх Наги белән очрашты.

Дубайга эш сәфәре кысаларында Татарстан Рәисе Рөстәм Миңнеханов Abdulmohsen Al-Rоssais & Sons компанияләр төркеме Директорлар советы рәисе Саад Бин Абдулмохсен Әл-Руссайс белән очрашты.

Татарстан Рәисе Рөстәм Миңнеханов Россия авыл хуҗалыгы министры Оксана Лут белән бергә Дубайда азык-төлек сәнәгате һәм эчемлекләр җитештерүгщ багышланган дөньяда иң эре Gulfood күргәзмәсендә Татарстан стендын карады.

Татарстан Премьер-министры Алексей Песошин таможня хезмәте хезмәткәрләрен һәм ветераннарын һөнәри бәйрәмнәре белән котлады.

Татарстан Республикасы Хөкүмәте Йортында узган республика киңәшмәсендә Татарстан Рәисе Рөстәм Миңнеханов балигъ булмаганнар һәм яшьләр арасында җинаятьләрне һәм хокук бозуларны профилактикалау буенча эшне көчәйтергә кушты.

Бүген Татарстан Республикасы Хөкүмәте Йортында узган республика киңәшмәсендә Татарстан Республикасы Премьер-министры урынбасары - Татарстан Республикасы авыл хуҗалыгы һәм азык-төлек министры Марат Җәббаров Татарстанда авыл хуҗалыгы кулланучылар кооперативлары үсеше турында сөйләде. Киңәшмәне Татарстан Рәисе Рөстәм Миңнеханов үткәрде. Видеоконференцэлемтә режимында киңәшмәгә барлык муниципаль районнар да кушылды.

Торак төзелеше программалары буенча эшләрнең планнары һәм торышы, гражданнарның аерым категорияләрен торак белән тәэмин итү, социаль-мәдәни өлкә объектларын, иҗтимагый киңлекләрне төзү, шулай ук илкүләм проектлар, дәүләт һәм республика программалары кысаларында инженерлык инфраструктурасын модернизацияләү турында бүген ТР Хөкүмәте Йортында узган утырышта ТР төзелеш, архитектура һәм торак-коммуналь хуҗалык министрының беренче урынбасары Дамир Шәйдуллин хәбәр итте.

Киңәшмәне Татарстан Рәисе Рөстәм Миңнеханов үткәрде. Видеоконференцэлемтә режимында киңәшмәгә барлык муниципаль районнар да кушылды.