Яңалыклар

09.06.2015

Рөстәм Миңнеханов “Алабуга” МИЗда “Армстронг” заводын эшләтеп җибәрде

Бүген “Алабуга” махсус икътисадый зона территориясендә минераль җепселләрдән түшәм плиталары җитештерүче “Армстронг” заводы ачылды. Тантаналы чарада Татарстан Республикасы Президенты вазыйфаларын вакытлыча башкаручы һәм Армстронг Ворлд Индастрис компаниясе президенты Мэтт Эспе катнаштылар.

08.06.2015

Рөстәм Миңнеханов Колумбия делегациясе белән очрашты

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Колумбия-Россия сәүдә палатасы президенты Оскар Лопес Боланьюс белән очрашты. Чара Казан Кремлендә узды. Очрашуда шулай ук ТР Премьер-министры урынбасары – авыл хуҗалыгы һәм азык-төлек министры Марат Әхмәтов, ТР Президенты ярдәмчесе Радик Гыйматдинов, ТР Инвестицион үсеш агентлыгы җитәчесе Талия Миңнуллина һәм башкалар катнашты. Яклар сәнәгать, авыл хуҗалыгы, сәүдә һәм туризм өлкәсендә хезмәттәшлек итү мөмкинлекләре турында фикер алышты.

08.06.2015

Рөстәм Миңнеханов: “Татарстанның халыкны социаль яклау системасы хакимият органнары эшендә һәрвакыт өстенлекле булыр дип ышанам”

Соңгы елларда Татарстанда халыкка социаль хезмәт күрсәтү һәм социаль яклау өлкәсендә күләмле эш башкарылды, һәм киләчәктә дә күп эш эшләнәчәк. Бүген бу хакта В. И. Качалов исемендәге Казан дәүләт Зур рус драма академик театрында, һөнәри бәйрәмнәре уңаеннан, Социаль хезмәткәрләр форумында Татарстан Президенты вазыйфаларын вакытлыча башкаручы Рөстәм Миңнеханов билгеләп узды. Бәйрәм чарасында, шулай ук, ТР Дәүләт Советы Рәисе Фәрит Мөхәммәтшин, ТР Президентының социаль мәсьәләләр буенча ярдәмчесе Ләйлә Фазлыева, министрлык һәм ведомство җитәкчеләре, тармак хезмәткәрләре катнашты.

08.06.2015

Илдар Халиков Чехия Республикасы белән хезмәттәшлек турында: Безнең хезмәттәшлекнең яхшы дәвам итүе әһәмиятле

Татарстан Республикасы Премьер-министры Илдар Халиков бүген Чехия Республикасы сәнәгать һәм сәүдә министры урынбасары Иржи Колиба белән очрашты.
Очрашу ТР Хөкүмәте йортында узды.

08.06.2015

Татарстан һәм Орел өлкәсе арасында хезмәттәшлек итү турында Килешү имзаланды

Бүген Казан Кремлендә Татарстан Президенты вазыйфаларын вакытлыча башкаручы Рөстәм Миңнеханов белән Орел өлкәсе губернаторы Вадим Потомский очрашты. Алар төбәкләр арасында сәүдә-икътисадый, фәнни-техник, социаль һәм мәдәни хезмәттәшлек турында Килешү имзалады.

08.06.2015

Минтимер Шәймиев Орел өлкәсе губернаторы Вадим Потомский белән очрашты

Бүген Казан Кремлендә Татарстан Республикасы Дәүләт Киңәшчесе Минтимер Шәймиев Орел өлкәсе губернаторы Вадим Потомский белән очрашты.

Очрашу барышында Минтимер Шәймиев кунакны “Мәдәни мирас: борынгы Болгар шәһәре һәм Зөя утрау-шәһәрлеге” мәдәни-тарихи проекты һәм “Яңарыш” фондының эшчәнлеге белән таныштырды.

08.06.2015

ТР Премьер-министры Илдар Халиков: “Безнең Колумбия белән товар әйләнеше, хәзергегә караганда, күбрәк була ала”

Безнең Колумбия белән товар әйләнеше, хәзергегә караганда, күбрәк була ала. Бу хакта бүген ТР Премьер-министры Илдар Халиков Колумбия-Россия палатасы җитәкчесе Оскар Лопес Боланьос җитәкчелегендәге Колумбия делегациясе әгъзалары белән очрашуда белдерде.

07.06.2015

Рөстәм Миңнеханов VI Бөтенроссия авыл Сабантуенда катнашты

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Оренбург өлкәсе Татар Каргалысы авылында VI Бөтенроссия авыл Сабантуенда катнашты.

Бәйрәм башланганчы Рөстәм Миңнеханов һәм Оренбург өлкәсе Губернаторының беренче урынбасары Сергей Балыкин Татар Каргалысы авылында кайбер социаль һәм мәдәният объектларын карады. Татарстан Республикасы Президенты вазыйфаларын вакытлыча башкаручы мондагы мәдәният йорты эшчәнлеге белән танышты. Рөстәм Миңнеханов клуб хезмәткәрләре белән сөйләште һәм аларга иҗат уңышлары теләде.

Шуннан соң Татарстан Республикасы Президенты вазыйфаларын вакытлыча башкаручы Бөек Ватан сугышында һәлак булганнар обелискына чәчәкләр салды.

06.06.2015

ТР Премьер-министры Илдар Халиков парк һәм скверларны реконструкцияләүгә багышланган пресс-конференциядә катнашты

Татарстан Республикасында Парк һәм скверлар елы кысаларында Казанда якынча 30 бакча һәм паркларны реконструкцияләү планлаштырыла. Бу хакта бүгенТатарстан Премьер-министры Илдар Халиков пресс-конференциядә хәбәр итте.
100 объектта инде эшләр бара, дип ачыклады ул.

06.06.2015

Рөстәм Миңнеханов Иннополис территориясендә объектлар төзү барышын тикшерде

Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Казан янәшәсендәге Иннополис территориясендә объектлар төзү барышын тикшерде.

Беренче объект А.С.Попов исемендәге технопарк булды, анда Рөстәм Миңнеханов һәм аны озата йөрүче затлар технопарк бинасын – холларны, кабинетларны, конференц-залны һәм башка бүлмәләрне карап чыкты.