Бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Мәскәүдә Террорчылыкка каршы милли комитет (ТМК) һәм Федераль оператив штаб утырышында катнашты. Утырышны РФ Федераль иминлек хезмәте директоры Александр Бортников уздырды. Утырышта шулай ук ТМК әгъзалары, Россия Федерациясе Президентының федераль округлардагы тулы вәкаләтле вәкилләре, Башкортостан һәм Чувашия башлыклары, федераль башкарма органнары һәм махсус хезмәтләрнең җаваплы вәкилләре катнашты. 

14-15 август көннәрендә Болгардагы “Бөек Болгар” бөтенроссия тарихи фестиваленә 30 меңләп турист килүе көтелә. Бу хакта бүген ТР Хөкүмәте йортында уздырылган брифингта ТР Туризм буенча дәүләт комитеты рәисе Сергей Иванов хәбәр итте.

Бүген ТР Хөкүмәте йортында брифингта Иннополиста узган Бөтенроссия робот техникасы олимпиадасына нәтиҗә ясадылар. Төп докладны ТР Премьер-министры урынбасары - ТР мәгълүматлаштыру һәм элемтә министры Роман Шәйхетдинов ясады. Шулай ук ММЧ вәкилләре белән очрашуда Иннополис университетының югары уку йортына кадәрге белем бирү буенча проректоры Сергей Масягин катнашты. Брифинг ТРның барлык муниципаль районнары белән видеоконференция режимында узды.

Бүген көннең икенче яртысында Татарстан Республикасы Президенты вазыйфаларын вакытлыча башкаручы Рөстәм Миңнеханов Мәскәүдә эш сәфәрендә. Сәфәрнең төп максаты - РФ Үзәк банкы Рәисе Эльвира Нәбиуллинаның Ислам үсеш банкы Төркеме президенты Әхмәд Мөхәммәд Али әл Мәдәни белән очрашуында катнашу. 

Бүген Казанның “Корстон” комплексында Россия һәм Ислам хезмәттәшлеге оешмасы илләренең “KazanSummit-2015” VII Халыкара икътисади саммиты эшен башлады. Быел анда катнашырга теләк белдергән илләр һәм вәкилләр саны узган елгыдан күбрәк булып чыккан: былтыр форумга 25 илдән 500ләп кеше килсә, быелгы чарада Россия, Төрекмәнстан, Таҗикстан, Казакъстан, Латвия, Әзербайҗан, Төркия, Согуд Гарәбстаны, Мисыр, Пакьстан, Берләшкән Гарәп Әмирлекләре, Сомали, Иран, Малайзия, Бөекбиртания, Люксембург, Италия, Марокко, Палестина, Маврикий, Катар, Нидерланд, Нигерия, Бруней-Даруссалам һ.б. – барысы 45 илдән 746 вәкил катнашырга теләк белдереп теркәлгән. Шушы халыкара чарада катнашучылар арасында илебез һәм чит илләр финанс оешмалары вәкилләре, дәүләт корпорацияләре һәм эре бизнес җитәкчеләре, дәүләт эшлеклеләре бар. “KazanSummit-2015” чараларында ТР Президенты вазифаларын вакытлыча башкаручы Рөстәм Миңнеханов та бар.

Бүген Казан Кремлендә Татарстан Республикасы Дәүләт Киңәшчесе, "Яңарыш" фондының Попечительләр советы рәисе Минтимер Шәймиев Кырым Республикасы мөселманнары Диния нәзарәте рәисе, мөфти Эмирали хаҗи Аблаев белән очрашты.

Татарстан һәм Ислам үсеш банкын бик җылы мөнәсәбәтләр бәйли. Бу хакта бүген Татарстан Республикасы Президенты вазыйфаларын вакытлыча башкаручы Рөстәм Миңнеханов Ислам үсеш банкы Төркеме президенты Әхмәд Мөхәммәд Али әл Мәдәни белән очрашуда белдерде. Очрашу “Корстон” КСККда VII Россия һәм Ислам хезмәттәшлеге оешмасы илләренең KazanSummit-2015 халыкара икътисадый саммиты кысаларында үтте. Чарада шулай ук Россия Тышкы эшләр министрлыгының махсус йөкләмәләр буенча илчесе Константин Шувалов, ТР Премьер-министрының беренче урынбасары Алексей Песошин, ТР Президенты ярдәмчесе Радик Гыйматдинов һәм башкалар катнашты.