Бүген ТР Премьер-министры Илдар Халиков ТР Фәннәр академиясенең Информатика институтында булып, Фәннәр академиясе һәм институт җитәкчелеге, галимнәре белән очрашты.

Бүген Татарстан Республикасы Премьер-министры урынбасары Зилә Вәлиева Россия Федерациясе делегациясе составында Кыргызстан Республикасы Президенты Алмазбәк Атамбаевның инаугурациясендә катнашты. Алмазбәк Атамбаевның Кыргызстан Президенты вазифасына сайлануы уңаеннан Зилә Вәлиева Татарстан Республикасы Президенты Рөстәм Миңнеханов исеменнән сәламләү сүзләре җиткерде һәм бүләк тапшырды.

Бүген Чаллыда ТР Дәүләт Советы рәисе, Татарстан Халыклар ассамблеясе җитәкчесе Фәрит Мөхәммәтшин һәм РФ Федераль Җыены Дәүләт Думасы Рәисенең беренче урынбасары Олег Морозов “Без бергә” милли бергәлекләр һәм иҗтимагый оешмалар форумында катнашты.

Бүген Татарстан Республикасы Президенты Рөстәм Миңнеханов Казан епархия идарәсе бинасы комплексында булды. Ул объектта алып барыла торган төзекләндерү эшләре барышы белән танышты, ремонтланган биналарны карады, эш һәм төзелеш материаллары сыйфатын бәяләде.

Бүген Татарстан Республикасы Президенты Рөстәм Миңнеханов Яңа Зеландиянең Россиядәге Гадәттән тыш һәм Тулы вәкаләтле илчесе Иэн Александр Хилл белән очрашты.

Бүген Татарстан Президенты Чистайда эш сәфәрендә булды. Биредә ул тузган торакта яшәүче чистайлылар өчен төзелгән йортны, шәһәр мунчасын ачуда катнашты, төзекләндерелә торган паркта булды.

Бүген ТР Президенты Рөстәм Миңнеханов Чистайда тузган торакта яшәүчеләр өчен төзелгән 59 фатирлы торак йорт ачкычларын тапшыру тантанасында катнашты.

Муниципаль бюджетка өстәмә акчалар җәлеп итү мәсьәләләре Лениногорски районы җитәкчелегенең игътибар үзәгендә булырга тиеш. Бүген ТР Дәүләт Советы Рәисе Фәрит Мөхәммәтшин Лениногорскига эш сәфәре барышында әнә шулай дип белдерде.

Бүген Казанда “Нанотехнологияләр. Казан-2011” дигән ΙΙΙ махсуслаштырылган күргәзмә һәм “Сәнәгатьтә нанотехнологияләр” дигән ΧΙΙ халыкара фәнни-гамәли конференция эшли башлады. Чараларны ТР Президенты, Хөкүмәте һәм “РОСНАНО” ААҖ булышлыгында ТР Сәнәгать һәм сәүдә, Икътисад министрлыклары, ТР Фәннәр академиясе оештырган. “Казан ярминкәсе”ндә күргәзмәне ачу тантанасы ТР Президенты Рөстәм Миңнеханов, “РОСНАНО” ААҖ Идарә рәисе урынбасары, Инфраструктура һәм мәгариф программалары фонды директоры Андрей Свинаренко, РФ Президентының Идел буе федераль округындагы вәкаләтле вәкиле урынбасары Алексей Кубрин, Россия Нанотехнологияләр җәмгыяте Президенты Виктор Быков катнашты.

“Барысы да гаиләдән, балалар бакчасыннан башлана”. – Бүген Казанда хосусый балалар бакчасының, төгәлрәге, автоном эшли торган “Егоза” психологик-педагогик үзәгенең 4 нче объекты булган балалар бакчасын ачкан Татарстан Президенты Рөстәм Миңнеханов балалар тәрбияләү-формалашу мәсьәләсендә шундый фикер белдерде.