Бүген ТР Иҗтимагый палатасы 2011 ел нәтиҗәләрен чыгарды. Аның эшендә ТР Дәүләт Советы Рәисе Фәрит Мөхәммәтшин, ТР Премьер-министры урынбасары Зилә Вәлиева, ТР Президентының Эчке сәясәт мәсьәләләре буенча идарә башлыгы Александр Терентьев, ТР Иҗтимагый палата рәисе Илгиз Хәйруллин, республика министрлык-ведомстволар җитәкчеләре, Иҗтимагый палата әгъзалары катнашты.

Бүген ТР Президенты Рөстәм Миңнеханов РФ Дәүләт Советы утырышында катнашты. Әлеге утырышта РФ Президенты Дмитрий Медведев Россия алда торган децентрализациянең төп алымнарын һәм проблемаларын билгеләде.

Казанның Киров районы Кызыл Армия урамында соципотека программа буенча төзелгән йорт файдалануга тапшырылды. ТР Президенты Рөстәм Миңнеханов, ТР төзелеш, архитектура һәм торак-коммуналь хуҗалык министры Ирек Фәйзуллин, Казан мэры Илсур Метшин, ТР Президентының социаль мәсьәләләр буенча ярдәмчесе Татьяна Ларионова, ТР Дәүләт торак фонды башкаручы директоры Тәлгать Абдуллин һәм башка рәсми затлар яңа фатирлы булучыларны өй туе белән котлады.

Бүген Казанның «Корстон» кунакханә-сәүдә-күңел ачу комплексында Россия Федерациясе Финанс министрлыгының бюджетара мөнәсәбәтләрне камилләштерү буенча киңәйтелгән утырышы узды. Аны РФ Финанс министры Антон Силуанов алып барды.

Татарстанның дәүләт бурычы структурасында сизелерлек өлешне федераль бюджет кредитлары алып тора. Расланган график буенча, республика федераль бюджет кредитларының 5 млрд сум күләмендәге өлешен быел кайтарырга тиеш иде. Аны кайтару вакыты киләсе елга күчерелгән. Бу хакта бүген журналистларга Татарстанда эш сәфәрендә булган РФ финанс министры Антон Силуанов белдерде. Федераль министр бүген “Корстон”да ТР Финанс министрлыгы, Федераль салым хезмәте, Федераль казначылыкның ТР идарәләренең ел йомгакларына багышланган уртак коллегия утырышында катнашты.

Бүген Россия Президенты Дмитрий Медведев Федераль Җыенга традицион Юллама белән чыгыш ясады. Чара Кремльның Георгий залында узды. Чарада илнең сәяси элита, матбугат һәм мәхкәмә корпусы вәкилләре, федерация субъектлары җитәкчеләре һәм дини конфессияләр лидерлары, шулай ук, ТР Президенты Рөстәм Миңнеханов та катнашты.

Бүген иртәнге сәгать 10да дүртенче чакырылыш ТР Дәүләт Советының 25нче утырышы ачылды. Сессиядә тугыз республика законы проектлары, алты федераль закон проекты, РФ субъектлары закон чыгару органнарының закон чыгару инициативалары һәм мөрәҗәгатьләре каралачак. Хөкүмәт сәгате кысаларында ТР Хөкүмәтенең “2012 елда торак-коммуналь хезмәтләрне тарифлар ярдәмендә көйләү турында” мәгълүматын тыңлау көтелә.

Бүген ТР Президенты Рөстәм Миңнеханов Хөкүмәт йортында республика ММЧ һәм үзәк мәгълүмат чараларының Татарстандагы хәбәрчеләр пунктлары вәкилләре белән очрашты. Яңа ел алдыннан уза торган әлеге традицион очрашуда узып баручы 2011 елга нәтиҗәләр ясалды.

“Күпфатирлы йортларны капиталь ремонтлау программасы илдә гамәлгә ашырылучы иң мөһим социаль программа. Ул безне күп нәрсәгә төшендерде, эшне структуралаштырырга өйрәтте. Ә Торак–коммуналь хуҗалыкны реформалаштыруга ярдәм фонды белән хезмәттәшлек дисциплинага өйрәтте”. ТР Президенты Рөстәм Миңнеханов бүген ТР төзелеш, архитектура һәм торак-коммуналь хуҗалык министрлыгының 2011 ел йомгакларына багышланган коллегия утырышында шулай дип белдерде. Үзәктә күпфатирлы йортларны капиталь ремонтлау һәм гражданнарны авария хәлендәге тораклардан күчерү программаларының үтәлеше торган коллегия утырышында шулай ук Торак-коммуналь хуҗалыкны реформалаштыруга ярдәм фонды генераль директоры Константин Цицин, ТР Дәүләт Киңәшчесе Минтимер Шәймиев, ТР Дәүләт Советы рәисе Фәрит Мөхәммәтшин, Премьер-министр Илдар Халиков һ.б. катнашты.

Бүген ТР Дәүләт Советында “Парламент дәресе-2011” кысаларында мәктәп укучылары арасында узган республика иҗат эшләре конкурсында җиңүчеләрне хөрмәтләделәр.Бүген ТР Дәүләт Советында “Парламент дәресе-2011” кысаларында мәктәп укучылары арасында узган республика иҗат эшләре конкурсында җиңүчеләрне хөрмәтләделәр.