Бүген Казанда Җиңү паркында Дан Мемориалы Колоннадасының Мәңгелек утына һәм Һәлак булган хәрбиләрнең Аналары һәм Тол хатыннарына Монументка веноклар һәм чәчәк салу тантанасы узды. Анда Татарстан Республикасы Президенты Рөстәм Миңнеханов, ТР Дәүләт киңәшчесе Минитмер Шәймиев, ТР Дәүләт Советы Рәисе Фәрид Мөхәммәтшин, ТР Премьер-министры Илдар Халиков, Казан мэры Илсур Метшин һәм башкалар катнаштылар.

Бүген, Җиңү бәйрәмендә, гадәттәгечә Казанның Арча зиратында, Бөек Ватан сугышында ятып калган батырлар һәйкәлләренә һәм хәрби каберлекләргә чәчәкләр салу һәм венок кую тантанасы булды. Бу тантанада ТР Премьер-министры Илдар Халиков,ТР Президент Аппараты җитәкчесе Юрий Камалтынов, ТР Премьер-министры урынбасары – ТР Министрлар Кабинеты Аппараты җитәкчесе Шамил Гаффаров, ТР Президент Аппараты җитәкчесе урынбасары – ТР Президентының эчке сәясәт мәсьәләләре буенча департамент башлыгы Александр Терентьев, Казан Башкарма комитеты җитәкчесе Алексей Песошин, Бөек Ватан сугышы ветераннары, шул исәптән, Советлар Союзы Геройлары – Сабир Әхтәмов һәм Борис Кузнецов катнашты.

Бүген Казанда Татарстан депутатлары Җиңү көненә багышланган истәлекле чараларда катнаштылар. Парламентарийлар, Икенче Бөтендөнья сугышы ветераннары һәм яшьләр хәрәкәте активистлары Архангел зиратына килде.

Кадерле татарстанлылар! Хөрмәтле фронтовиклар һәм тыл хезмәтчәннәре! Республикабыз Дәүләт Советы, Хөкүмәте исеменнән һәм шәхсән үзем сезне Бөек Ватан сугышында Җиңүнең 68 еллыгы уңаеннан кайнар котлыйм!

Бүген Татарстан Республикасы Президенты Р.Н.Миңнеханов Бөек Ватан сугышында Җиңүнең 68 еллыгына багышланган тантаналы чарада катнашты. Г.Камал исемендәге театрда булып узган тантанада шулай ук Татарстан Республикасы Премьер-министры И.Ш.Халиков, Татарстан Республикасы Дәүләт Советы Рәисе Ф.Х.Мөхәммәтшин, министрлыкла һәм ведомстволар җитәкчеләре, муниципаль берәмлекләр башлыклары, шулай ук Бөек Ватан сугышы ветераннары үзләре катнаштылар.

Хәзерге вакытта Татарстан Республикасында 103879 Бөек Ватан сугышы ветераны гомер итә. Чираттагы Бөек Җиңү көнен бәйрәм итүгә әзерлек вакытында алар саны кими баруын үкенү хисләре белән игълан итәбез: соңгы 3 елда гына да 42 меңнән артык ветеранны арабыздан җуйдык. Бүген ТР Министрлар Кабинетында Татарстан Республикасында 1941-1945 еллардагы Бөек Ватан сугышында Җиңүнең 70 еллыгын бәйрәм итүгә әзерлек һәм аны үткәрү буенча оештыру комитеты утырышына рәислек иткән ТР Президенты Рөстәм Миңнеханов шулай дип белдерде.

Татарстан Республикасы Президенты Р.Н. Миңнеханов бүген Казанда Хосусый секторны үстерүнең Ислам корпорацииясе делегациясе әгъзалары белән очрашты. Очрашу Татарстан Республикасы Хөкүмәте Йортында узды, анда шулай ук Татарстан Республикасы Президенты ярдәмчесе Радик Гыйматдинов, Татарстан Республикасы Инвестицион үсеш агентлыгы җитәкчесе Линар Якупов, "Ак Барс Банк" ААҖ идарәсе рәисе Роберт Миңнегалиев тә катнашты. Хосусый секторны үстерүнең Исламской корпорацииясе рәисе Халид әл Абуди җитәкчелегендәге делегация составына Төркиянең, Согуд Гарәпстанының, Бәһрәйннең һәм башка илләрнең кайбер компанияләре вәкилләре кергән.

Бүген республика элемтәчеләре - Элемтә хезмәткәрләре көнен, Татарстанда телефон элемтәсе эшли башлауга 125 ел тулуны һәм республиканың эре элемтә операторы “Таттелеком”ААҖ 15 еллыгын бәйрәм итте. Тармак хезмәткәрләрен бәйрәм белән котларга ТР Премьер министры Илдар Халиков килгән иде.

Тантана Татарстанда телефон элемтәсенә нигез салыну тарихын барлаудан башланды. Моннан 125 ел элек, 1888 елда, Казанда шәһәр хөкүмәт элемтә челтәре эшли башлый.